وصل فريد وراحل قدام الباب فى نفس الوقت
فريد بحزن: راحت منى خلاص
راحل بيأس: حتى مكنتش راضية تسمعنى
فريد: خبط خبط اما نشوف حل للكارثه دى
خبط راحل على الباب وموسى مش بيفتح
راح فريد للحرس
فريد: موسى جوه؟
واحد من الحراس: اه يا باشا
رجع فريد تانى
فريد: موجود يا راحل
فضلوا الأتنين يخبطوا جامد لحد ما الباب اتفتح
فريد: انت فين كل ده
اول ما دخلوا اتصدموا من المنظر
راحل بصدمه: انت شربت!!
موسى بسكر: اا...انا كنت بطلت علشانها بس هه...هى دلوقتى را...راحت خلاص
شد منه راحل الأزازه ورماها فى الأرض
راحل بعصبية: يعنى بدل ما تفكر فى حل رايح تعك اكتر انت مجنووون يا موسى
فريد: انا هروح اعملنا قهوه
راحل: قوم اغسل وشك هبب اى حاجه علشان تفوق
مكنش موسى مركز اصلا من كتر الشرب
سنده راحل للحمام علشان يغسل وشه ويفوق
خلص فريد القهوه وكانوا هما جم
راحل: مبدئيا كده فى خاين ما بينا
موسى: طبعا لأن ازاى الحيوان ده هيعرف ان انا وانت مع فريد...المفروض البلاغ كان فيه اسم فريد بس
فريد: حد فيكوا جاب رجاله جديده!
راحل: اه فى كام واحد جداد
فريد: اكيد واحد منهم لأن رجلتى مغيرتهمش وانا واثق فيهم...وكمان الفيديو متصور من قريب يعنى حد من الرجاله
موسى: هخلى محسن يعرفى مين الكلب ده
اتصل موسى بمحسن
موسى: محسن فى خاين وسط الرجاله تعرفهولى فى اقل من 24 ساعه
محسن: شاكك فى حد يا باشا ؟
موسى: شوف الأتنين الجداد اكيد حد منهم
محسن: تمام يا باشا
قفل موسى مع محسن
فريد بشر: انا عايز اخلص منهم فى اسرع وقت مش عايز اكمل فى السكه دى اكتر من كده
موسى: لو خلصنا منهم هنعرف نتوب لأن مش هيبقى فى حد يفتح الدفاتر القديمه
راحل: ولازم ناخد بالنا اسامينا متجيش فى اى حاجه تبع الحكومه علشان نعرف نعيش بعد كده
*فى فنلندا
سحر: ماما كنت عايزه اكلمك فى حاجه كده
سناء: قولى يا حبيبتى
سحر بتردد: فى واحد كده فى الشغل معايا يا ماما مستر احمد حضرتك عرفاه
سناء بابتسامه: ماله يا حبيبتى
سحر بتردد: يعنى هو يعنى قال لى انه معجب بيا وكان عايز يكلمكوا وكده وانا رفضت بس هو مصمم وانا قولتله سيبنى افكر
سناء: وانتى قولتيله على ظروفك
سحر: اه طبعا
سناء: خلاص فكرى وشوفى قرارك ايه وخليه يكلم ساجد
دخلت سحر اوضتها وكانت فرحانه من رد فعل مامتها كان متخيله مامتها هترفض
عدى اليوم بدون أحداث اضافية بس يعتبر من أسوأ ايامهم
*صباحا فى منزل اسينا
صحيت اسينا من النوم وفضلت شوية على ما استوعبت الى حصل
اسينا لنفسها: ليه يارب تعمل فيا كده انا مستاهلش ده والله ده انا حبيته يارب هو حضرتك مش بتحبنى علشان تعمل فيا كده
شالت اسينا الأفكار دى من دماغها وقالت: استغفر الله العظيم ازاى بفكر كده اعوذ بالله من الشيطان الرجيم...لا يكلف الله نفسا إلا وسعها...الحمد لله
قامت اسينا وصحت ياسين علشان يفطر
اسينا بتفكير: انا محتاجه اروح مشوار اوديك فين؟
كانت اسينا بتفكر بصوت عالى
ياسين ببراءة: ودينى عند ماما ساره
اسينا: لا لا مينفعش
فكرت اسينا شوية وقررت توديه kids area
اسينا: قوم البس يلا يا حبيبى
دخل ياسين اوضته ولبس وكانت اسينا بردو لبست هدوم خروج
اخدت اسينا ياسين ونزلوا ركبوا العربية*كانت ركناها لأن موسى جبلها عربية تانية* واتجهوا لوجهتهم
وقفت اسينا قدام عماره
اسينا: يلا يا ياسو
ياسين: هنروح فين
اسينا: انت هتقعد هنا شوية بس على ما اجى
بصلها ياسين والدموع اتجمعت فى عينه
اسينا بحنان: والله مش هتأخر صدقنى وموبيلك معاك كلمنى لو فى حاجه
اخدت اسينا ياسين وطلعوا على kids area
اسينا: السلام عليكم لو سمحتى انا محتاجه اسيب ابنى هنا لمدة تلات ساعات تقريبا
السكرتيره: طبعا يا فندم ممكن رقم حضرتك
حجزت اسينا لياسين خلاص وبعد محاليه عرفت تقنعه ونزلت ركبت عربيتها تانى وراحت على مستشفى الصياد
आप पढ़ रहे हैं
نعم يا حبيبَتىِ (مكتمله)
रोमांसكان هناك سؤال دائما يراودنى...هل يمكن للحب ان يصنع المعجذات؟؟؟ هل للحب سابق إنذار!!! عندما رأيتها للمره الأولى خفق قلبى بطريقة غريبة ربما لم اجربها من قبل...بل لم اجربها اطلاقاً... بقلم/رقيه حمدى
