*فى فنلندا
ساجد: مش هتردى على ربيع بقا؟
سحر بحزن: كلمه انت وخلص معاه كل حاجه
سناء: لا لازم انتى الى تكلميه وتقوليله عايزه اطلق
سحر بحزن: يارب كل ده يطلع حلم
اتصلت سحر بعرابى
سحر بصوت مهزوز: اا...الو
عرابى بعصبية: انتى ازاى تسيبى البيت وتمشى وتاخدى العيال وكمان مش بتردي
سحر بجمود: طلقنى يا ربيع
عرابى بسخرية: انتى هبله يا ماما
سحر بعصبية: هتطلقنى يا ربيع غصب عنك
عرابى باستنكار: مممم....غصب عنى....انتى عارفة انتى بتكلمى مين؟
سحر بقرف: عارفة طبعا...عرابى باشا....واحد من رجالة....
سكتت سحر وقالت بصوت واطى: المافيا
عرابى بارتباك: اى الهبل الى بتقوليه ده
سحر: اسمع كده الريكورد الى هيوصلك دلوقتى
فتح عرابى الريكورد
بعد ما سمعه
عرابى بعصبية: اى الهبل ده انتى بتسجليلى
سحر بقرف: رصيدك فى الستر عند ربنا خلص فقرر ربنا يفضحك
قالت سحر بتهديد: اخر مره هقولك طلقنى بهدوء علشان محدش يسمع الريكورد ده
عرابى بصدمه: انتى بتهددينى ولا اى
سحر بجمود: افهمها زى ما انت عايز...وكلامك بعد كده مع ساجد مش معايا وانسى رحيم ورغد
عرابى بعصبية: لا عيالى اشوفهم واكلمهم زى ما انا عايز مش من حقك تمنعينى عنهم
سحر بعصبية: لا الولاد تنساهم خاااالص عمرى ما هسمح ان يبقى فى حد فى حياتهم زيك
عرابى بعصبية: انا ممكن اخودهم بالقانون
ضحكت سحر بسخرية وقالت: اولا حضانتهم معايا انا وثانيا جرب كده وهتلاقى الريكورد فى المحكمه وكده مش هتخسر القضيه بس لا وهتخسر حريتك كمان
عرابى بغضب: اعتبر ده تهديد!!!
سحر بجمود: اعتبرها زى ما تعتبرها المهم انك معدش ليك دعوى ولا بيا ولا برحيم ورغد
وقفلت سحر المكالمه
اول ما قفلت سحر المكالمه انهارت من العياط
حضنتها مامتها وقالت بشفقه: اهدى يا قلب امك
سحر ببكاء: معرفش جبت القوه دى منين وانا بكلمه....ربنا يسامحك يا بابا
*صباحا فى منزل اهل موسى
كان رشدى قاعد على السفره هو وخالد وشادية وهمسه بيجهزوا الفطار
خرجت همسه من المطبخ وقالت بحماس: احلى طبق فول لأحلى بابا فى الدنيا
رشدى بضحك على طريقتها: تسلم ايدك يا حبيبة بابا
خالد بضيق مصطنع: واحلى اخ فى الدنيا نستيها
همسه بطفوله: لا منسيتش انا قاصده
وراحت همسه مطلعة لسانها له وجريت على المطبخ
خالد بصوت عالى: بترجعى تعيطى بلااااش
خرجت شادية من المطبخ وكانت ماسكه طبق بطاطس محمرة وعيش
شادية بضحك: ولا كأنهم عيال صغيره
رشدى: ياريت يرجعوا عيال صغيره تانى
جت همسه وقعدت على السفره معاهم
وقبل ما رشدى يبدأ اكل بص علي الكرسى الفاضى واتنهد بحزن
اخدت شادية بالها ف حاولت تغير الموضوع: كل يا رشدى يلا كلوا يا ولاد
*عند موسى وراحل
صحى موسى على ريحة اكل واصوات فى المطبخ
خرج موسى من اوضته وراح ناحية الصوت
موسى بنعاس: صباح الخير
اسينا بابتسامة: صباح النور
موسى: اى الى مصحيكى بدرى كده
قاطعهم صوت راحل
راحل: خودى يا اسينا قطعت البطاطس خلاص
انتبه راحل ان موسى واقف
راحل بضحك: اى يا عم صحى النوم
موسى بضحك: ريحة الأكل الصراحه فوقتنى
اسينا: خمس دقايق والفطار يبقى جاهز
بص موسى لراحل بعتاب وفهم راحل قصده
راحل: والله هى الى صممت تعمل الأكل فضلت اقولها مينفعش وموسى هيزعل بس دماغها ناشفة
اسينا لموسى: هو ملوش دعوه انا فعلا الى صممت
كملت اسينا وقالت: والصراحه يعنى زهقت من الأكل الناشف ده الى كل يوم ناكله....وانا اقول العيال دى خاسه ليه
موسى بتريقة: ده اسمه اكل صحى يا جهله
راحل بضحك: حد يزهق من البطاطس البيوريه
اسينا بتريقة: اسمها بطاطس مهروسه بلاش عقدة الخواجه دى...ويلا على السفره الأكل جهز خلاص
بعد ما خلصوا اكل
موسى: راحل اجهز ورانا مشوار
اسينا بخوف: هتسبونى لوحدى؟؟
موسى بقلق عليها: متخافيش مش هنتأخر والحراسه مش هتتحرك من على الباب
بعد ما جهزوا وراحوا على العربية
راحل: هنروح فين؟
موسى: على المخزن الواد زمانه استوى
راحل باستغراب: واد مين
موسى: فخر يلا انت نسيت (فخر ده الى ط*عن موسى وحاول يقتله بأمر من عرابى)
راحل بضحك: ااااه تصدق نسيته خالص...ده زمانه بقا بوفتيك
راح موسى وراحل على المخزن
ВЫ ЧИТАЕТЕ
نعم يا حبيبَتىِ (مكتمله)
Любовные романыكان هناك سؤال دائما يراودنى...هل يمكن للحب ان يصنع المعجذات؟؟؟ هل للحب سابق إنذار!!! عندما رأيتها للمره الأولى خفق قلبى بطريقة غريبة ربما لم اجربها من قبل...بل لم اجربها اطلاقاً... بقلم/رقيه حمدى
