كان راحل قاعد مع موسى وموبيله رن
راحل بضيف: اوووف هو راجل ده مش هيبطل زن على أمى بقا
بص موسى فى الموبيل لقا ابو راحل الى بيرن
موسى ببرود: رد على ابوك يلا
راحل بعصبية: مش رادد انت هتمشى كلامك عليا
الرنه فصلت ورجع الموبيل يرن تانى
موسى بعصبية: رد بقولك يكون ابوك فيه حاجه
رد راحل على الموبيل بضيق وقال: الووو
سمع راحل صوت ضعيف بش مش فاهم حاجه
راحل بقلق حاول يداريه: الووو
رمزى بتعب: ااا...الووو رر...راحل انا...
وسمع راحل صوت الموبيل وهو بيقع على الأرض
موسى : فى اى؟؟
راحل بقلق: معرفش شكله تعبان انا هروحله
موسى: هاجى معاك
بعد ما وصلوا فضل راحل يخبط على الباب ومحدش بيفتح
موسى: مش معاك مفتاح
راحل: معايا من ايام ما كنت هنا بس اكيد غيروه
موسى: طب جرب يمكن يفتح
طلع راحل مادلية مفاتح من جيبه واختار مفتاح
راحل بقلق: يارب يفتح
جرب راحل يفتح الباب والحمد لله فتح
دخلوا الأتنين بسرعة لقوا رمزى (ابو راحل) واقع على الأرض
جرى عليه راحل ورفع راسه عن الأرض
راحل بقلق وخوف: بابا...بابا رد عليا انت كويس صح
موسى: شيله معايا يلا هنروح المستشفى
لسة بيشيلوا رمزى سمعوا صوت بنت
البنت باستغراب: انتوا مين؟؟؟
بصلها راحل وقال: انتى الى مين؟؟؟
البنت بصدمه: راحل!!!!
راحل بصدمه: سارة!!!
موسى بعصبية: مش وقت تعارف الراجل بيموت
سارة بخضه: اى ماله عمو رمزى؟؟؟
موسى بعصبية: انتى مش شايفة يعنى
راحل بعصبية: انت بتزعق ليه دلوقتى
سارة: اى يا جماعة هتتخانقوا مينفعش كده
راحل بقلق: يلا بسرعة يا موسى ونتكلم بعدين
شال موسى وراحل رمزى للعربية وطلعوا على المستشفى بس سارة مراحتش معاهم
*فى المستشفى
دخل الدكتور لرمزى وفضل موسى وراحل بره
كان راحل قلقان جدا وموسى بيحاول يطمنه
قاطعهم موبيل موسى
موسى: اى يا محسن
محسن: يا باشا الدكتوره عيزاك ومصمم تكلمك
موسى: ادهالى
أدى محسن الموبيل لأسينا
موسى بقلق: انتى كويسة؟؟
اسينا بعتاب: انا كويسة الحمد لله...ازاى تنزلوا فجأه كده وانا معرفش وكمان مش لاقيه موبيلى
موسى بهدوء: معلش اصل ابو راحل تعب فجأه وروحناله وموبيلك انا عاينه
اسينا بتساؤل: الف سلامه عليه... وانت عاين الموبيل ليه؟؟
موسى بضيق: علشان دكتور زفت ده ميكلمكيش...المهم خدى بالك من نفسك ومن ياسين واحنا مش هنتأخر
اسينا: باى
قفل موسى مع اسينا وبيبص على راحل ملقهوش
دخل موسى أوضة رمزى لقا راحل جوه
موسى بود: الف سلامه على حضرتك يا عمى
رمزى بتعب: الله يسلمك يا موسى
كان راحل قاعد على كرسى جمب سرير رمزى بس مبيتكلمش
وقف موسى جمب راحل وقاله بصوت واطى: اطمن ابوك يا راحل
افتكر راحل كل الى ابوه عمله فيه بس هو عارف انه ندم بس مكنش قادر يسامحه بردو
راحل بصوت واطى: حمد الله على السلامة
ابتسم رمزى وقال بلطف: الله يسلمك يا حبيبى
بصله راحل بقهره وقال: انا عمرى ما كنت حبيبك
رمزى بندم: انت ابنى الوحيد لازم تبقى حبيبى
راحل بعصبية والدموع اتجمعت فى عينه: انت رمتنى من بيتك وانا 16 سنه مصعبتش عليك ودتنى عند أهل أمى ومحدش قدر يستحملنى ومسألتش عليا...قدرت تعمل كده ازااااى انت عارف ان بعد الى انت عملته فيا ده انا بردو مش قادر مطمنش عليك انا موقفلك حراسة علشان محدش يضايقك انت عارف انا هعمل فيهم اى لما اخرج من هنا...لما جيت ولقيتك على الأرض حسيت ان روحى اتسحبت انك ممكن تروح منى...كنت محتاجك كتير اوى وملقتكش....انا عمرى ما كرهتك بس مش قادر اسامحك....انا كنت يتيم وابويا عايش
رمزى بدموع: انا كنت انانى اوى انا معترف بده...انا اسف يا راحل عارف انك ولا الف اعتزار هيخليك تسامحنى...بس انا تعبان من غيرك نفسى اخدك فى حضنى زى زمان...الى باقى فى عمرى مش قد الى راح يا بنى
راحل بدموع: مش سهل اتخطى ده
حاول موسى يخفف من الموقف
موسى بأبتسامة: انا هتكلم معاه يا عمى متخافش...احنا دلوقتى هنمشى وهخلى الحراسة تروح حضرتك وهنيجى نطمن عليك
رمزى بحزن: سلام يا راحل
مردش راحل ورد موسى مكانه وقال: سلام
مشى موسى وراحل وروحوا على البيت
اول مدخلوا كانت اسينا مستنياهم
اسينا بقلق: اتأخرتوا اوى كده ليه؟
سابهم راحل وراح على اوضته
موسى بسرعة: هروحله بس واجيلك
دخل موسى لراحل
راحل بضيق: لو هتتكلم انا مش فايق خالص
موسى: انا بطمن عليك بس
راحل بتعب: طيب انا هنام....اطلع انت لأسينا
طلع موسى من الاوضة
اسينا بفضول: فى اى بقا؟؟؟
راح موسى عند المطبخ وطلع ازازة خم*رة
اسينا بصدمة: انت بتعمل اى!!!!
موسى بلامبالاه: هشرب
اسينا بصدمة: بتقولها فى وشى عادى كده!!!....حرام القرف دة اصلا
كملت اسينا بتلقائية: ومش هسمح ان الكلام دة يبقى فى بيتى
موسى بضحك: كده هكلم خالك وانا مطمن
ضحكت اسينا بكسوف
اسينا بتغيير للموضوع: طب راحل ماله؟؟
موسى: تعالى نقعد وهحكيلك
قعدوا الأتنين على الكنبه وحكا موسى لأسينا الى حصل
اسينا بحزن: يا حرام...وعمو رمزى كويس دلوقتى؟؟؟
موسى: الحمد لله الدكتور طمنا عليه وهيخرج فى خلال يومين
اسينا: الحمد لله...حمد الله على سلامته
موسى بأبتسامة: الله يسلمك
اسينا: انت مكلمتنيش عن شغلك خالص
موسى: بصى يا ستى انا عندى شركه للأستيراد والتصدير وراحل شريكى فيها وكمان المستشفى انتى عرفاها طبعا
اسينا بابتسامة: حلو...طب واهلك؟؟
اتنهد موسى بحزن وقال: مشاكل كتير اوى من كذا سنة وانتهت بانهم بعدوا عنى
اسينا بحزن: محاولتش تصالحهم
موسى بحزن: حاولت كتير...ما انتى شوفتى الى حصل فى المستشفى
اسينا بلطف: كله هيتحل وهترجعوا تانى وانا معاك
مسك موسى ايدها وباسها
موسى بتمنى: يارب نفضل حلوين مع بعض كده
يتبع......
تفاعل بقاا🥺♥️
#بقلمى
#رقية_حمدى
#نعم_يا_حبيبَتىِ
أنت تقرأ
نعم يا حبيبَتىِ (مكتمله)
Romanceكان هناك سؤال دائما يراودنى...هل يمكن للحب ان يصنع المعجذات؟؟؟ هل للحب سابق إنذار!!! عندما رأيتها للمره الأولى خفق قلبى بطريقة غريبة ربما لم اجربها من قبل...بل لم اجربها اطلاقاً... بقلم/رقيه حمدى
