*فى عربية موسى
كان خالد جه
اخدهم موسى وراحوا على الفيلا
رن موسى الجرس بس اسينا مفتحتش
اتصل موسى عليها
موسى: افتحى يا ماما انا على الباب
اسينا بصوت نايم: حاضر حاضر معلش كنت نايمه
موسى: اخواتى معايا البسى كويس
اسينا: حاضر
قفل موسى معاها
خالد بتساؤل: مين دى؟
موسى: مراتى
همسه بصدمه: مراتك!!!! اتجوزتها امتى دى؟
موسى: امبارح...اى الأسأله الكتير دى
فتحت اسينا الباب وهى مبتسمه: اتفضلوا
دخلوا كلهم وقعدوا وجابتلهم اسينا حاجه يشربوها
موسى: اى الى حصل يا همسه؟
حكت همسه ليهم على الى حصل
خالد بعصبية: يانهار اسود عليكى وعلى سنينك يا همسه
موسى بعصبية: ابوكى وامك لو عرفوا هيروحوا فيها
همسه بدموع الندم: انا عارفة انى غلطانه والله انا اسفه
موسى بغضب: قوليلى على عنوان الواد ده واسمه بالكامل وانا هاخد حقك بأيدى
خالد بغضب: انا معاك يا موسى
قاطعهم موبيل همسه
همسه بخوف: ده بيتصل يا موسى
خالد: ردى وافتحي الأسبيكر
ردت همسه وعملت زى ما قالوا
يوسف بعصبية: انا تخبطينى يا بنت ال*** والله لفض*حك...ومعايا صور لينا والله لوريها لأبوكى وامك واخواتك انا هوريكى
وقفل يوسف المكالمه
موسى بغضب: ملينى رقمه كده
ملته همسه الرقم
كانت اسينا مصدومه من الى سمعته بس كانت حاضنه همسه وبتهديها
اتصل موسى بحد
موسى بغضب: فريد فى ظرف نص ساعة تبقى بينات صاحب الرقم الى بعتهولك ده تبقى عندى وكل تحركاته
فريد بتساؤل: فى ايه بس؟؟؟
موسى بغضب: مش وقته يا فريد خلص علشان شكلى هرتكب جناية
فريد: طيب ماشى...سلام
بعد ما موسى قفل مع فريد
موسى: خالد هتاخد اختك وتروحوا على البيت واوعوا حد يعرف الى حصل وتمسك موبيلات ابوك وامك وتخلى بالك حاجه تتبعت ولو حصل حاجه جديده عرفونى
خالد: ماشى
مشى موسى معاهم لحد الباب
موسى: ابقوا قولوا لماما انكوا قابلتونى متقولوش لبابا
همسه: حاضر
خالد: نجيب سيره عن جوازك
موسى بحزن: لا
خالد: ليه؟
اتنهد موسى وقال: هيزعلوا
همسه بزعل: ماشى
موسى لمحسن: وصلهم للمكان الى هما عايزينه
محسن: تمام يا باشا
مشيوا الأتنين ودخل موسى الفيلا تانى
اسينا: اخواتك حلوين ما شاء الله شبهك
موسى بهزار: يعنى تقصدى انى حلو
اسينا بضحك: طبعاااا انا جوزى قمرررر
موسى بهزار: احنا نسافر بكره شهر العسل علشان اعتقد لو قعدنا يومين كمان القايمه هتقوم...بس اخلص موضوع همسه الأول
*قدام شقة اهل موسى
خالد بصوت واطى: اوعى تقولى حاجه قدام ماما وبابا
همسه: حاضر
فتح خالد الباب بمفتاحه ودخلوا البيت
شادية بقلق: ايه يا همسه بكلمك مش بتردى
همسه بتعب: معلش يا ماما مسمعتش الموبيل
رشدى: ايه لم الشامى على المغربى؟؟
خالد: انا كنت مروح وقولت اكلم همسه لو عايزه اجبلها حاجه فقالتلى انها فى درس ومروحه ف قولت اعدى عليها بدل ما ترجع لوحدك
شادية: راجل يا حبيبى
باس خالد راس مامته وقال: ربنا يخليكى لينا يا ست الكل
همسه: هدخل انام شوية علشان اكمل مزاكره
خالد بكذب: شركه الاتصالات انهارده كلمتنى وقالتلى انهم هيغيروا الباسورد وكذا حاجه هاتوا بقا موبيلاتكوا اما اظبطلكوا كل حاجه
شادية: خده اهو قدامك والله ما بفهم فيه حاجه
رشدى: قلتلك كتير متتعبش نفسك وتجيب من موبيلات الجديده دى انا كنت عايز واحد بيقول الو وخلاص
خالد بضحك: ما انا لازم ادلعكوا بردو
اخد خالد الموديلات ودخل اوضته وعمل زى ما موسى قاله
*عند فريد
كان فريد جاب كل المعلومات عن يوسف وبعتها لموسى
فريد لنفسه: يارب ميودى نفسه فى داهية مش عايزين مصايب
*عند موسى
اسينا بخوف: موسى اوعى تعمل حاجه تندم عليها
موسى بغضب: لا انا عند اخواتى بقلب دراكولا
اسينا برجاء: لا انت كده هتودى نفسك فى داهية وانا معاك...علشان خاطرى بلاش يا موسى
اخد موسى نفس وقال: حاضر يا حبيبتي...خلى بالك من نفسك
اخد موسى سلاحه من غير ما اسينا تشوفه ونزل على طول
موسى لمحسن: يلا معايا ومعاك كان واحد مش عايز ناس كتير
*عند يوسف
محمد(واحد صاحب يوسف): أدى آخرة الى يلعب ببنات الناس
حط يوسف ايده على راسة بوجع وقال: والله لأوريها...انا يتعمل فيا كده
محمد بشماته: انا مش شمتاااان...خلى بالك كما داين تدان
قام يوسف واخد مفاتيح عربيته وقال بعصبية: تصدق انك معندكش دم
محمد: حذرتك كتير من القرف ده انت حر بقا البس
مشى يوسف وهو متعصب وركب عربيته علشان يروح
وصل يوسف عند عمارته وطلع شقته
دخل يوسف الشقه واول ما فتح النور اتخص
يوسف بخضه: انت مين وازاى تدخل بيتى كده
المجهول: انا موسى الصياد اخو همسه فاكرها ولا ايه؟
بلع يوسف ريقه بخوف وقال: همسه مين انا معرفش واحده بالأسم ده
موسى: محسن هاته هنا مش قادر اقوم
مسك محسن يوسف من هدومه وزقه على الأرض قدام موسى
قرب موسى من يوسف الى قاعد على ركبه وقال بهمس: قولت ايه من شوية
يوسف بخوف: ها!
موسى ببرود: الكذب حرام خد بالك
وراح موسى ضربه بالبوكس وقعه على الأرض من شدته
مسك يوسف وشه وراسه مكان الجرح بوجع
موسى بعصبية: وجعتك يلاااا...ده انا هخلى حتت فى جسمك توجعك انت مكنتش تعرف انها موجوده اصلا
قام موسى من مكانه وعدل بدلته بكل برود وقال: ورايا على المخزن
مسكوا الحرس يوسف وبيحاولوا يخرجوا بره
يوسف بخوف حاول يداريه: مخرن ايه انت متخلف...انت فاكر ان البلد دى مفيهاش قانون هى سايبه ولا اييه
حط موسى ايده على ودنه ببرود وقال: صوتك عالى على فكره وانا اكره ما على قلبى الصوت العالى
حاول يوسف يفلت منهم بس مش قادر
يوسف بعصبية: بقولكوا سبونى سبووونى
موسى: سكته الواد ده
ضربه واحد من الحرس براسه ف وقع يوسف على الأرض مغمى عليه
شالوه الحرس ونزلوا ورا موسى
*فى فنلندا
ساجد: سحر انا الحمد لله لقيت بيت كويس جدا ومش بعيد عن هنا بس هو فيه ناس وقدامهم شهر ويمشوا
سحر: ملقتش حاجه فاضيه وننقل على طول
ساجد: دى انسب حاجه ملقتش احسن من كده
سناء: يلا معلش يا ساجد استحملنا شهر كمان
باس ساجد ايد مامته وقال بحنان: ده انا اشيلكوا فوق راسى يا حبيبتى
سحر: ربنا يخليك لينا يا حبيبى
ساجد: ويخليكوا ليا...المهم ربيع كلمنى وعايزك تنزلى علشان يطلقك
سحر برفض: لا طبعا عمرى ما هنزل لوحدى ده ممكن يعمل فيا حاجه
ساجد: كده كده هنزل معاكى مصر متخافيش هو انا هسيبك ليه يعنى
سحر بقرف: يلا غار فى داهية
*فى أوضة ميريام
كانت ميريام زهقانه ففتحت اكونتها القديم
لقت شات مابينها ومابين خالد
يتبع......
تفاعلوا يا جمااااعه♥️☻️
بقلم/رقية حمدى
#بقلمى
#رقية_حمدى
#نعم_يا_حبيبَتىِ
أنت تقرأ
نعم يا حبيبَتىِ (مكتمله)
Romanceكان هناك سؤال دائما يراودنى...هل يمكن للحب ان يصنع المعجذات؟؟؟ هل للحب سابق إنذار!!! عندما رأيتها للمره الأولى خفق قلبى بطريقة غريبة ربما لم اجربها من قبل...بل لم اجربها اطلاقاً... بقلم/رقيه حمدى
