فيـنـوس ♥♒ (مكـتمـلة )

الحـلقة الرابـعة والعـشرون ....❤️

ف المقبره 💔
صلوا ع مها صلاة الجنازه ، كان موجود ف الصلاه أدم وزيد ورضا ومهاب وجيران مها وشويه من الشباب اللي كانوا يقروا امعاها ف الجامعه
كلموا الصلاه وكانت اصعب صلاه يصليها رضا ف حياته كلها ، كان واقف بسيف ومجرد ماكملوا الصلاه قعمز ف جنب القبر وانهار بالبكاء
زيد قعمز ف جنبه وهو يشوفله ومش عارف كيف يواسيه
قرب منه أدم وحط يده ع كتف رضا : رضا
رضا حاط يده ع وجهه ويحاول يخفي دموعه
أدم مسح ع وجهه : صبي عشان تنزلها للقبر
رضا رفع راسه وشافله بصدمه : انا ؟
أدم هز راسه وهو يشوف للقبر
رضا هز راسه بلا : مستحيل....مانقدرش
أدم : لازم انت
رضا خبط أدم بقوه وبعده من قدامه وهو يقول بعصبيه : شن تخرف ياأدم كيف تبيني انحطها ف القبر بيديه
ادم دفه بقـوه ودموعه ينزلن : ارضىٰ خلاص ارضىٰ بأمـر الواقع
مها خلاص عدت ماتت سيباتك فهمتت ولا مزال
رضـا حط يديه ع وجهه وانهـار بكـاء
مهاب قرب منهـم لما شاف النقاش بينهـم اشر لأدم انه يمشي
وهوا قعمـز حدا رضـا
مهـاب حول يديـن رضا من وجهه:يرضيـك هكي تبهـدل فيها وفي روحـك نوض هيا شـد حيلك وحطهـا في قبرهـا وادعيلهـا
رضـا هز راسـه بِـ لا : انا وعدتهـا انشيلها بين يديا تبيني انشيلهـا لقبرها يامهـاب
يخبـط ع راسه :مابيتـش نستوعب ماقدرتش نستوعب التفكير قتلني
مهـاب ع طول دموعـه انزلن حضنـه وهما الاثنيـن يبكـوا💔
زيـد قرب وجا من ورا رضـا وهوا يأشر لمهـاب بمعنـى نبوك اتصبـره مش تبكيـه
فك مهـاب رضا من حضنـه ونوضـه معاه
ورضا يبكِـي بالعبـره فتـح التابـوت ورفعهـا بين يديـه
وشريـط حياتـه يمر عليه(رضـا انا نحبـك،يبـارد،اها نغـار مانتحملـش انشوفك مع وحده ثانيـه،متغيـر عليـا،معش تضحـك وانا نبكي،حظـك جيت رقيقـه تقدر ترفعني،في شقتنـا مانبيـكش اتخليني بروحي،رضـا انا انحبـك مانقـدرش نقعـد بلاك)
حطهـا في قبرها وهوا منهـار ويعيـط بأعلىٰ صوته : خليتيني بـروحي من بيخفف عليـا وانا مضايق خليتني بروحي من بنكلـم ونشاوره خليتني بروحي شن بنديـر بلاك وكان يعيـط بصـوت عالي لدرجـه صوته راح
شاف لزيـد اللي كان مش متحمـل:زيـدد خلتني يازيـد قوللها تردلي يازيـد كيف بنديـر اناا
يشوف للنـاس وهوا يعيـط : ادفنوني معاها مانقـدرش انكمل مانقـدرش انعيـش
الشيـخ شاف لادم بحـزن: حرام اللي يديـر فيه هضـا
ادم قرب منـه : نوض هيـا
رضـا بعصبيـه ضربه ع وجهه :حـول من وجهي مش تبيني ندفنهـا ادفني معاهـا
ادم ردلـه البوكـس بقوه : هضـا الحب اللي عنـدك هضا اللي قـدرت اتديـره بعياطك هضـا
مهـاب قرب يحـول في ادم : حول خلاص
رضـا كان بيمتـد جنب الجثـه ومش معدل عليهـم
مهـاب كره بالقـوه: نوض يراجل بطل كفـر
زيـد قدم يكـر فيه معاه وهوا يقولـه : استغفر ربك يراجل و قعمـز معاه ع جنب
وادم اشر للشبـاب ومهاب وسرعـان ماكملـوا الدفن
وهوا يعيـط بأعلـى صوتـه
الشيـخ وهوا يقرا فالفاتحـه
رضا ماتحمـلش واغمـى عليـه
ــــــــــــــــــــــــــــــــ
الساعه 2:00م✨