ပြန်လိုချင်တယ် (Completed) OC

Part (14) Uni/Zawgyi

***********************************

"ရောက်လာပေးလို့ ကျေးဇူးပါ ကိုနေပိုင်ထွဋ်"

မှုံနံ့သာဟာ Studioထဲသို့ဝင်လာသော နေပိုင်ထွဋ်ဆီသို့အားကိုးတကြီးပြေးလာသည်။ မှုံနံ့သာဟာအဖြူရောင်ဂါဝန်တိုကလေးအပေါ်ကနေအသားရောင်လက်ရှည်အပါးလေးဝတ်ထားလျှက် မျက်နှာကလည်းမိတ်ကပ်မပါဘဲငိုထားပုံရသည်။

"ဘယ်လိုဖြစ်တာလဲ ဟိုတစ်နေ့ကပဲ မင်းတောင်းပန်ပြီးပြီဆို"

နေပိုင်ထွဋ်လည်း မှုံနံ့သာနဲ့အတူ Studio ထဲသို့ဝင်လာတဲ့အခါ တစ်ယောက်တစ်ခွန်းစကားများနေကြသော မှုံနံ့သာ၏မန်နေဂျာကိုဆန်းထူးနှင့်ရွှေအဆင်းကိုတွေ့ရသည်။ ရွှေအဆင်းဟာ နေပိုင်ထွဋ်ကိုမြင်တာနဲ့မျက်လုံးတွေပြူးကျယ်သွားပြီး ကိုဆန်းထူးရဲ့ရန်စကားများကိုချေပမပြောဆိုနိုင်တော့ချေ။

"နံ့သာ တောင်းပန်ပါပြီး ကိုနေပိုင်ထွဋ်ရယ် အဲ့တာကို ရွှေအဆင်းကဒီမနက်ပဲ နံ့သာဆီရောက်လာပြီး အခုလိုချိန်းခြောက်တော့တာပဲ"

နေပိုင်ထွဋ်သည်မှုံနံ့သာပြောတာကိုနားထောင်ပြီးရွှေအဆင်းကိုလှမ်းကြည့်တော့ရွှေအဆင်းကမျက်စိမျက်နှာပျက်စွာနှင့်

"အဆင်း ဘာချိန်းခြောက်လို့လဲ အဆင်းကပြဿနာမတက်ချင်လို့တောင်မန်နေဂျာခေါ်မလာတာကို အခုမှုံနံ့သာက အဆင်းရဲ့ကုမ္ပဏီCEOအထိပါခေါ်လာတာပဲ ဒါကတော့အဆင်မပြေဘူးနော်"

"အဲ့တာဆိုရင် ရွှေအဆင်းက ဘာလို့ဒီကိုရောက်နေတာလဲ "

"ဘာလို့ရမလဲ...အမလေး ကိုဆန်းတို့ရဲ့နံ့သာလေးကသူ့ကိုSocialမှာ Tag တွဲပြီးတောင်းပန်ပေးရမယ်တဲ့လေ နံ့သာက အဲ့ဒီနေ့ကိုနေပိုင်ထွဋ်ဆီကပြန်လာကတည်းက ရွှေအဆင်းကိုသေသေချာချာဖုန်းဆက်ပြီးတောင်းပန်ပြီးပါပြီ အဲ့တာကိုအခုလိုအိမ်အထိလာပြီးဒါမျိုးစော်ကားတာကတော့လွန်တာပေါ့ ကိုနေပိုင်ထွဋ်ရယ် ရှင်တို့မော်ဒယ်မကိုလည်းကြည့်ထိန်းကြပါဦး"

ကိုဆန်းထူးသည် မှုံနံ့သာအစား သူကပဲခပ်စွာစွာနှင့်ရှင်းပြလိုက်တော့သည်။

နေပိုင်ထွဋ်မှာ မနက်စောစောစီးစီးအာရုံနောက်စွာနဲ့ ဒီမော်ဒယ်၂ယောက်ရဲ့မပြီးနိုင်သောပြဿနာကိုလိုက်ဖြေရှင်းရသည်အားစိတ်ကုန်လာပါတော့သည်။