أنت تقرأ

The Everlasting One (volume 2 + 3 )

الخيال (فانتازيا)

Start Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...

#bl #boylove #fantasy #magic #mystery #myth #ownstory #parallelworld #paranormal #romance #texttospeech

Chapter : 123

ابدأ من البداية 
                                    

                                              
ဒေါက် ဒေါက်
ယုဂန်က အင်္ဂလိပ်စကားလုံးများကို ကြိမ်လုံးနှင့် ထောက်ပြသည်။
" မောင့်ကို ကျွန်တော်သင်ပေးထားတာ မှတ်မိလား။ တစ်ခုချင်းစီ စာလုံးပေါင်းပြီးဖတ်ကြည့်"
အရုဏ ထ်ိုစာလုံးများကို ပြူးပြဲကြည့်ကာ ဖြည်းဖြည်းချင်း ရေရွတ်သည်။
" ယူ အင်န် အိုင် ဗွီအီးအာအက်စ်အီး...အူနီဗာ့ လား"
" ယူနီဗာ့စ်"
" ယူနီ..."
" ယူနီဗာ့စ်...ဘာသာပြန်ရရင် စကြဝဠာလို့ပြောရမယ်"
အရုဏ အသံထွက်မဆုံးခင်တွင် ယုဂန်က သူပြောလိုသည်ကို ဖြတ်ပြောလာ​၏။ 
တစ်ချိန်တည်းတွင်တွင် ယုဂန်က "ယူနီဗာ့စ်" ဟူသော စကားလုံးရှေ့၌ တခြားသော အင်္ဂလိပ်စကားလုံးကို ချရေးပြန်သည်။
"ဒီစကားလုံးက ပါရယ်လယ်လို့ အသံထွက်တယ်။ ပါရယ်လယ်ဆိုတာက အပြိုင်၊ သူတို့နှစ်ခုပေါင်းလိုက်တော့ အပြိုင်စကြဝဠာ..."
ယုဂန်က ထိုအင်္ဂလိပ်စကားလုံးအောက်တွင် မိမိတို့ဘာသာစကားနှင့်လည်း " အပြိုင်စကြဝဠာ" ဟုထပ်ရေးပြန်သည်။  
ယုဂန်​၏သင်ကြားရေးနည်းလမ်းက ထိုသို့ဖြစ်သည်။ သူဟာ စာသင်ချိန်ဟူ၍ အတိအကျ သတ်မှတ်မထားသော်လည်း အရုဏကို သင်ပြပေးချင်သော အကြောင်းအရာများရှိပါက ကြုံလျှင်ကြုံသလို ပြောပြသွားတတ်သည်။
ယုဂန်က ဆက်လက်ပြောသည်။
" ကျွန်တော်လာခဲ့တဲ့ ယူနီဗာ့စ်မှာ သိပ္ပံပညာရှင်တွေက ကမ္ဘာကြီးအကြောင်း၊ ရူပဗေဒအကြောင်း၊ သက်ရှိအရာတွေအကြောင်းတွေသာမက ကမ္ဘာပြင်ပက အရာတွေအကြောင်းပါ ထိုက်သင့်သလောက်လေ့လာနိုင်ခဲ့တယ်။ သူတို့လေ့လာနိုင်ခဲ့တဲ့အထဲမှာ အာကာသအကြောင်းလည်း ပါ,တယ်။ အာကာသက ဘာလဲဆိုတာကိုတော့ ကျွန်တော် မောင့်ကိုရှင်းပြဖူးပါတယ်"
အရုဏ ရှင်းပြဖူးကြောင်း ထောက်ခံသည့်အနေနှင့် ခေါင်းညိတ်ပြသည်။ 
ယုဂန်က ကျောက်သင်ပုန်းထက်တွင် စက်ဝိုင်းကြီးတစ်ခုဆွဲလိုက်သည်။ ထိုအဝိုင်းကို အရောင်ခြယ်လိုက်သည်။ ထို့နောက် ယင်းအောက်တွင် " Black hole " ဟုရေးသားလိုက်သည်။
The Everlasting One (volume 2 + 3 )حيث تعيش القصص. اكتشف الآن