خشت للدار ولقت مها تحكي مع رضا .....عرفت انها رسمي مش حتمشي للجامعه
اتصلت بمهاب وقالتله تعال خوذني للجامعه وهو وافق
دقائق 🕙
ووصل مهاب ...وركبت معاه رويدا وهدرزوا شويه
رويدا تبحت ف مهاب من فوق للوطه وقالت : خونا
مهاب رشف خشمه وضحك : تفضل ياشاب !
رويدا ابتسمت وقالت : شن صاير امعاك
مهاب توتر وقال : كيف يعني ....شن صاير مافي شي
رويدا شيرت ع وجهه : كنك رايح هكي انا متعوده انشوف ف الاشكال اللي هكي مع ادم ....شن صاير امعاك ادمنت؟!
مهاب بلع ريقه وهو متوتر وحك مقدمة خشمه وهو يقول : تي لا فيش تحكي انتي بس !
رويدا هزت راسها وهي ساكته ومركزه نظرها عليه .... يده اللي ترعش خشمه الاحمر عيونه الحمر والذابلات وماتمرش دقيقه الا وهو راشف خشمه او حاكه ستين الف مره
ــــــــــــــــــــــــــــــــ
الساعه 4:30م💘
ناض ادم من النوم ....دوش وطلع لبس هودي باللون الرمادي وفوقه جاكت جينز وسروال اسود وكاويش اسود ...غرق روحه بالعطر وطلع عشان يتلاقا مع جهان قدام العياده اللي عندها موعد فيها
قعد يراجي فيها ف السياره
نص ساعه🕙
ووصلت جهان ....كانت لابسه بلوزه باللون الابيض عليها جاكيت جينز باللون الاسود وسروال اسود وشنطه دميه ولافه شعرها ذيل حصان
ادم اول ماشافها نازله من السياره ابتسم لاإرادياً
قعد ف مكانه لعند خشت جهان للعياده وبعدها نزل
جهان كانت خاشه وتوتر الدنيا كلها فيها ، تلعن ف نفسها وف الساعه اللي فكرت انها تجي فيها؛ لانه الدكتور النفسي مرتبط عندها بمشاكل وذكريات مؤلمه جداً....وكان عندها هاجس كبير من انها تعاود تمشي لأي دكتور
وبينما هيا تمشي بخطوات متردده وتفكر ترد ....حست بحد مسك يدها بقوة تلفتت وشافت ادم
نزل من السياره ....خش للعياده وشاف جهان خاشه وواضح انها خايفه قدم لعند وصل فيها مسك يدها وكمل يمشي وماحكش ولا حرف ولابحت فيها
جهان بحتت فيه لثواني وبعدها نزلت عيونها
خشوا لصالة الاستقبال وقعمزوا بعدما قالتلهم السكرتيره انه مازال ع الموعد نص ساعه
كانت الصالة معبيه نوعاً ما .... ادم خذا جهان وحطها ف كرسي ف اخر الصاله عشان ماحد يقعمز احداها وقعمز ف جنبها
قعدوا يراجوا
وأدم مره مره يسرق ف نظرات لجهان ....وجهان كلعاده تلعب بأطراف بلوزتها او يديها
أدم رفع راسه بعدما كان يشوف لجهان شاف شاب قدامهم مقعمز من اول ماخشوا وهو يبحت ف جهان
ادم شيرله بيده بمعني شن فيه
لكن الشاب بحت ف ادم شويه وبعدها رد بحت ف جهان
أدم الدم رقا لراسه وتعصب ع الاخر ....وكان بينوض بس جهان مسكاته من يده وحركت شفايفها بمعني "مريض"
أدم بحت فيها والشرار يتطاير من عيونه .....وجهان شيرت لادم بعيونها ع الشاب وهيئته المتمرمده اللي تدل ع انه مش طبيعي
أدم تنهد بغل وقعمز بعدما شاف للشاب
جهان رفعت عيونها ف أدم .....وأدم يبحت فيها ويتأمل ف ملامحها
فجأه انقطع اول تواصل بصري بينهم بعيطت حد من المرضى المقعمزين ف الصاله
جهان انفجعت وكل عظمه ف جسمها رعشت وقربت من ادم لاإرادياً ومسكت ف ذارعه
وأدم عقد حواجبه ورفع راسه بعدما انفجع هو الاخر
وبعدها مسح ع وجهه بيديه وهو بينفجر من الاعصاب وقال : ال@$&$%
جهان بعدت منه وهي تعدل ف جاكتها ودايره روحها ماسمعاتش شن قال
دقائق وخشوا ع الدكتوره
حكت الدكتوره مع جهان شويه وأدم مركز مع كل اجابات جهان
قالتلها الدكتوره انه حالتها لها علاج وممكن من جلسة وحده بعلاج الصدمات الكهربائيه تتعالج ويرد صوتها
طلعوا من عند الدكتوره
أدم بحت ف جهان وقاللها : تمشي امعايه
جهان سكتت لثواني وبعدها شيرت بيدها بمعني "وين"
أدم رشف خشمه وهو يعدل ف جاكيته وقال : مكان .... خليها مفاجأه
جهان تفكر وبحتت ف أدم بتردد
أدم تأفأف : تي هيا يارا سادك خوف ...مانبيش نخطفك انا
جهان ابتسمت ابتسامه بسيطه ع كلام ادم
أدم طلع قدامها وهو يقول : هيا هيا
جهان لحقاته ودزت رساله للسواق بأنها بتروح مع صحبتها
بعد ساعه الا ربع ف الطريق
وصلوا لستراحة أدم ....اللي كانت جهان اول مره تشوفها
خشت ورا أدم كانت عباره عند حديقه بسيطه ومهمله بعض الشي حركات ادم عاد💁🏻 وحوض سباحه كبير وفيلا متوسطه بس حلوه وراقيه
خشت جهان ورا ادم اللي فتح الباب
وهي تتفرج ع المكان كان ديكوره بسيط وحلو وكله ألوان غامقه وشويه حوسه 🌚
أدم تلفت ع جهان : ها عجبك المكان؟
جهان وهيا تتفحص ف المكان بعيونها ابتسمت وهزت راسها
أدم مسكها من يدها وقال : تعالي نوريك الباقي
خششها للصاله وبعدها المطبخ وغرفة الضيوف وفراندا كانت اطلع ع الحديقه وبعدها خششها لدار النوم
أدم سلح جاكتيه : وهذي دار النوم فيها حمام والروشن يطلع ع الحديقه
جهان شافت للروشن وبعدها وخرت وقعمزت ع طرف السرير
أدم حط جاكيته ع المكتب اللي ف الدار و برم ع جهان وقعد يشوفلها لثواني وبعدها قعمز حتي هو ع طرف السرير من الجهه الاخره
جهان تلفتت لأدم برعب وكانت بتنوض بس أدم مسكها من يدها بهدوء
اتكا ع السرير وخلاها تتكي جنبه
وجهان من كثر الخوف كانت مش قادره اتحرك او تعارض
#ويتبع♥
الحلـقة التـاسعـة...❤️
Start from the beginning
