صحيت على صوت سلوان وهي بتصرخ م كنت مجمعة قلت ليها انتي منو رشتني ب موية وقالت لي خلاص سراج مسح ذاكرتك يا وسخة قومي نايمة ليها شنو وانتي م شفتيني..
هنا يداب جمعت وقلت ليها آووووسخة مشتاقييييين قمت حضنتها شديييد ،، بعد جوطة وحمد الله على السلامة وكلام كتير طلعت سلمت على خالتو فوزية قعدنا اتونسنا مشكاة عملت شاي لبن وكيك قعدنا شوية معاهم ودخلنا غرفتي انا وسلوان..
- قلتي لي حامل يا كلبة فرحت شديد والله وبقيتي سمحة وقامت ليك جضيمات وشوية حاجات سراج شكلو نفع معاك..
ضربتها بالمخدة وقلت ليها لسة م خليتي تفاهتك دي خلينا من دا اها العرس والتجهيزات كيف قالت لي لسة م حجزت ولا شي واخوك واقف لي ف حلقي قلت ليها ان شاء الله م عارفة رئال عصبي العيلة؟؟ انتي وقعتي وقعة الله يحلك منها😹
- والله برضو بحبو يهناية🙈
قلت ليها آووووسخة، طيب منتظرة شنو انا جيت نمشي بكرة المسا علشان الصباح الضيوف وكدا قالت لي طيب ح اكلمو وصحي كنت منتظراك ف حجات م كملتها عايزة ملابس بيت قلت ليها عملت ليك حساب ملابس بيت ووو " همست ليها "
ملابس نووم ظابطة انفعلت فيني وقالت لي وسسخة م لقيتي غير التفاهة دي ي كلبة قلت ليها حيلك حيلك م نسيت العملتي فيني ساعة كنت عروس فما ح أرحمك اصبري لي بس..
كلمة مني ومنها لمن خالتو فوزية قالت ليها ارح،، طلعت مني تلفوني اتصل " سِر"🖤
- بت قلبي اشتقت ليك
* متين لحقت تشتاق لي يداب لينا كم ساعة بعيدين عن بعض
- صعبة علي شديد انوم براي اتعودت اضمك ف حضني بس خليتيني زي الاعزب في غرفتي براي وضامي مخدتي..
* احم،، ناس بيتكم كييف؟
ضحك وقال لي انتي للان بتخجلي مني؟
- سراااج يااااخ قال لي خلاص خليتك اها ح اجي اسوقك متين ؟
* كدي قول بسم الله يا أستاذ انا ح اقعد لحدي بعد العرس وارتب البيت مع عشوش..
- كدا صعبة علي عارفة العرس باقي ليهو كم؟
وكمان لحدي بعد العرس شكلك بتحلمي
* كدي اصحى شكلك انت البتحلم يا اخوي قال لي خوخة ف نص راسك كدي خلينا ح نتفاهم ف الموضوع دا انتي كيف والبيبي؟
- قلت ليهو كويسة بس شوية وجع ظهر من التعب واختفى قال لي م تتعبي نفسك وتنسي كلام الدكتورة بكرة ح أجيك نمشي المستشفى ح تتابعي مع دكتورة ايمان قسم التوليد قلت ليهو م فيني حاجة خليني أتم الرابع دا وبمشي بداية الخامس قال لي ماف كلام زي دا قلت ليهو البيت ح يكون ملان لحدي العرس يخلص خصوصاً انو عزومة رئال وإياد هنا مع بعض قال لي شفتي اوع ترهقي نفسك ب موضوع العرس إياك الحركة سامعاني؟؟
