انا قلبي مالو اليوم من جسمي فر فر وراح
ودمت يا محبوبي ودامت الافراح 💛
يا الما رئينا جمالك في عُجم وفصاح
يا الشلت عقلي يا الشاري بغرامك وصاح💛
ويا طبيب انا سائلك قل لي بكل صراح
النسيم يشفيني ام يزبدني جراح💛
كانت الاغنية شغالة ف عربية إياد ،، انا ولقاء ولؤي ف المقاعد الورا وغصون معاهووو قدام ،، لقاء وإياد بتبادلو في النظرات الغرامية فجأة خربت عليهم ام الرومانسية
* هييي دا شنو نحن ماشين تخريج ما ماشين موعد غرامي كدي غير الاغنية دي ،، سحبت الريموت منو وجبت اغنية هجيج وقعدت ازغرت شوية كدا لقيت لقاء بتزغرت معاي وبقينا نرقص إياد قال لينا الحمد لله ربنا اداني اخت ومرة مجانين ربنا يعيني بس ،، ولا اشتغلنا بي كلامو واصلنا ف غنانا وزغاريتنا لحدي م وصلنا
وصلنا بعد عربية ناس رئبال و رئال لقيناهم منتظرين دخلنا موقع التخرج وكان منظم بطريقة رهيبة شديد تقريبا كانو جايبين ناس فيرست كلاس لتنظيم الكرنفالات لأنو شغلهم رهيب شديد ،، نحن قعدنا ف مكان الأسرة وهم فاتو موقع الخريجين
الزمن ماشي دقيقة بعد دقيقة لحدي م جا وقت توزيع الشهادات وطبعا حسب الترتيب الأبجدي إياد قبل التوأم ،، المزيع ظريف شديد م بتزكر اسمو المهم وقت إياد طلع منصة الخريج وعشوش وخالو عبد الرحيم طلعوا منصة الوالدان المزيع بدا يتكلم
الميلاد المراحل الدراسية الوالدة ****
عاطر التحايا لك يا إياد ،، والله يا إياد انا احمل لك برقية في غاية الخطورة يبدو انها من أنثى تقول
" غايتو انا بحبك واعترفت ليك "
الناس دي بدت تصفر وتكورك وإياد دا واقف يحك ف راسو ويبتسم شكلو راسو بضرب اخماس ف اسداس 😹
قال للمزيع دي منو دي ؟؟!
المزيع قال ليهو ابحث اليوم عن قارئة الفنجان إن كنت لا تدركها وان لم تعرف فنصيحتي لك
" هناك من يرسلون الحب عبر عيناهم ،، كن قادرا على قراءة اعين النساء ربما لم تستطع ،، حياءها وخجلها كسر ذلك عندها لتقول ولكن والله لو نظرت إليهن أدرك تماما ستشعر بقدرتهن على إيصال المعلومة لك "
اياد بقى يتلفت فجأة المزيع قال للبنات هي م تستغلن الظرف اي واحدة قاعدة تعاين ليهو ،، وواصل كلامو
هي وحدها تقول لك انا احبك وتعترف لك هذا المساء عرفتها؟؟!
إياد قال ليهو اي عرفتها وبعاين إتجاهنا أو بالأصح بعاين لي لقاء الكانت بتتخجل بطريقة مبالغةةةة
