اشرقت الشمس معلنة بداية يوم جديد 🌞
في الجامعة ...
كنت واقفة منتظرة لقاء ف البوابة لمحتها جاية من بعيد ،، سلمت علي بالحضن 🖤
- زحيي مني يا بقرةة اتأخرتي مالكك؟؟
امممم ااااا ما هو انا كنت مع إياد اتكلمنا شوية 😅
- وانا ذنبي شنو اقيف ف الهبوبة دي عشان م عندي خطيب اتونس معااهوو صاح؟؟ ككويس لكن سوووف تندمووون
قبل ترد علي دعوات جات مارة بي جمبنا لقاء حاولت توقفها بس كأنو م بتتكلم معاهااا فاتت تووووشك ،، لقاء عاينت لي دايرة تتكلم قاطعتها
- شوفي يا لقاء اتجاوزيها بقدر ما تقدري لي مصلحتنا كلنا عشان لا نسمعها ولا تسمعنا طيب؟؟ م ح اقول ليك اكتر من كدا يلا خلينا نمشي ورانا محاضرة
بسسس الحاصل شنو انا م فاهمة حاجة مالها هي؟؟
- ماف اي شي بس افهمي انو كدا احسن لينا خلينا نمشي يلا
مسكتها من يدها ودخلنا الجامعة لقيت الولد الامس ف نص الساحة مما شافني جا علينا وهو مبتسم
- سلام يا أهل الخير كيفكم ؟؟!
اهلين ككيفك ،، لقاء كانت بتعاين بنظرات استغراب ورفعة حاجب قبل م تفتح خشمها واصلت كلامي
اعرفكم ببعض ،، لقاء مؤيد ممكن تقولي بقينا أصحاب من امس ،، مؤيد لقاء صحبتي وتقريبا شووفتها امس
الاتنين ف وقت واحد : اتشرفتا 🖤
نستأذن عندنا لكشر باقي عشرة دقايق نتفاهم بعدين
عاين لينا بإستغراب وقال بروف عبد المؤمن ؟؟ قاعة الشهداء ؟؟ يعني انتو طب؟؟
الإتنين اتصدمنا وقلنا ليهو انت معانا؟!
ضحك ضحكة شالت قلبي🤤 وقال لينا ارح ارح الراجل دا م بتفاهم لو دخل خلونا نتفاهم بعدين ،، اتوجهنا على القاعة لقاء قرصتني وقالت لي بصوت اقرب للهمس ،، بتعرفي ناس طبية زي ديل من وين ،، قبل أرد مؤيد قال ليها سمعتك على فكرة ،، تاني م فتحت خشمها لحدي م دخلنا القاعة 😹
_____
ممكن ينزلو الأحد طوالي المدارس ليها شهر من فتحت عشان يلحقوا الفاتهم واحدة حتنزل سابع وواحدة خامس لانو مستواهم كويس شديد
- الحمد لله ،، شكرا يا استاذة كتيير وان شاء الله ح ينزلوا الأحد تسلمي طيب بالنسبة للرسوم؟؟!
الرسوم الدراسية على قسطين الاول مع التسجيل والتاني نص العام الدراسي وبما انو ح تسجلي اتنين في تخفيض بنسبة 50% يعني حتدفعوا نص المبلغ ودا نظام ماشين بيهو من المدرسة اتأسست
