بعد النقاش الحصل في ليلي داك طلعت مشيت بيت ناس امي ولقيت عشوش بايتة معاها اتخلعوا لما شافوني بي منظري داك وانا دموعي حلفت كان تقيف م كنت قادرة احكي حاجة لي زول كنت كارهة اي شي حتى نفسي كرهتها بقيت بستغفر لحدي م نمتتاني يوم كنا قاعدين انا وعشوش وامي ف المظلة وإياد كان جوا مع التلفزيون امي فتحت معاي الموضوع...يا بتي وريني مالك امس هجمتيني بي جيتك الحصل شنو مع راجلك، دايرة اتطلق منو ي يمة انا تاني م دايراهو ولا ح اقدر اعيش معاو ف بيت واحد، هياااا بتي فهميني كيفن تطلقي دا م كلام لكن تفتكري لو ابوك عايش ح يخليك تطلقي، يمة انتي م فاهمة حاجة لانو... قاطعني صوت الباب عشوش كوركت لي إياد يفتح الباب واتفاجأت بي انو مختار جانا امي قالت ليو اتفضل يا ولدي سلم عليها وقعد قالت لي يا بت قومي ضيفي راجلك قلت ليها م راجلي ولا حاجة وقبل شوية افتكر قلت ليك دايرة اتطلق منو ي يمة قالت لي يا بت اسكتي انتي قليلة أدب ساي تطلقي ليها شنو بعد العمر العشتي معاو دا قال ليها يا حجة اهدي شوية انا جيت عشان نحل الموضوع دا قلت ليو موضوعي معاك م عندو حل غير الطلاق قال لي ممكن م تجيبي سيرة الطلاق تاني لاني م حاطلقك ولا تحلمي قلت ليو دا ياهو حلك تعرس فيني وم داير تطلقني م على كيفك امي قالت سجمي يا بت عرس شنو؟ قلت ليها دا الشي الما عارفاهو انتي انو عرس فيني من خمسة سنوات وكمان عندو ولدين قالت ليو صحي الكلام دا انت عرست م رد عليها ب حاجة غير نزل راسو قلت ليها هيقول ليك شنو مثلا انا عارفة انو م داير يطلقني عشان حامل بس مستحيل اديو جناي يا يمة قالت لي شنو؟! قلت ليها دا كل الموضوع وانا طالبة الطلاق بس قال لي انا م هأطلق سامعة ع العموم انا مسافر بعدا هأتاخر عن رحلتي اسبوع بالكتير بجي للموضوع دا قلت ليو هتطلقني غصبا عنك ان شاء الله نتجرجر ف المحاكم قال لي احسن تتقبلي الموضوع وتقعدي لاني م هأطلق قمت على حيلي بقيت بصرخ فيو هتطلقني اطلع من حياتي وامشي ليها حسيت نفسي كتم وقعت في الكرسي قلت يا يمة خليو يطلع برا م دايرة اشوف وشو وبتنفس بي صعوبة امي طلعتو وبقت تهبب فيني عشوش جابت لي موية وهديت شوية لمن نمت _في مطار الدوحة هبطت طائرة قادمة من السودان بعد أن نزل من الطائرة ووصل صالة الوصول بدا يبحث عن أحدهم إلى أن وقعت عيناه على عائلته اتاه توأماه ركضا بااااااااااااااابا ،يا عيووووون بابا كيفكم واشتقت ليكم كتييير ، اشتقت لي اولادك بس يعني 😒،لا اكيد اشتقت لي امهم اكترر أو اقول اشتقت لي املي🖤 كيفك وصحتك كيف والاولاد عذبوك؟ ، بطل الأسئلة دي كلها لبعدين وارح البيت لأنك تعبان🌸_فتحت عيوني لقيت نفسي مغطية وفي قطعة في جبهتي وجمبي امي بتعاين لي قالت لي صحيتي واخيرا يا بتي قلت ليها راسي واجعني يمة قالت لي اكيد هيوجعك بعد البكى البكيتيهو دا وعندك حمة من قبيل بس نزلت قلت ليها انا تعبانة يمة وقلبي واجعني شديد قالت لي ما على قلبك شر يا رب لي م كلمتيني انك حامل وليك كم شهر قلت ليها انا زاتي م كنت عارفة عرفت يوم البكى بالصباح بعد مشيت فحصت كنت قايلة نفسي عيانة ونهائي م ختيت في بالي اني حامل مستبعدة الفكرة دي تماما بعد عرفت فرحت فرحة م عادية بس فرحتي اتخربت بعد عرفت انو مختار معرس فيني وعندو اولاد ساعتها اتمنيت الموت قالت لي ربنا يطول بعمرك عارفة انو دا ابتلاء وربنا عوضك بي جناك دا عارفة انو قسمتك كانت متأخرة وجات في الوقت المناسب الرجال يا بتي لو ما لقو الحاجة بفتشو عنها لمن يلقوها ودا الحصل معاك قلت ليها انا عارفة انو من حقو يعرس ويجيب اولاد بس م بالطريقة دي عايش معاي اكتر من خمسة سنوات ف غش وخداع انا م عندي تفسير للعملوا دا غير الخيانة اي نعم هو خاني تصدقي يمة لو كان صارحني والله العظيم كنت هأختار ليو العروس واقيف معاو عشان دا حقو بس كونو انو يطعن قلبي بالطريقة دي عمري م ح اسامحو وهأطلق منو بأي طريقة وربنا يقدرني اربي جناي قالت لي لو شايفة دا الصاح صدقيني انا معاك ولو غيرتي رايك انا معاك لانو دا حقك هأخليك ترتاحي وم تفكري كتير عشان م من صالحك هأعمل ليك اكل تاكلي شوية قلت ليها ربنا يحفظك لي يمة باستني في راسي وطلعت_* يعني اسي هي عرفت بعرسنا والاولاد ؟! - اي عرفت وطلبت مني الطلاق وانا مستحيل اطلقها * مدام طالبة الطلاق طلقها لانو من حقها زي م انت عرست وطبعا كان من حقك- لو م كانت حامل اكيد كنت هطلقها بس الوضع اختلف* حامل؟! سبحان الله بعد العمر دا كلو شوف حكمة ربنا كيف يا ريت لو م دخلت بيناتكم م كان نفسي اخرب البينكم ربنا يسامحني 💔- يعني افهم انك ندمانة ي امل على زواجك مني ؟! * م قصدي كدا وانت عارف كويس بس الوضع اختلف اسي وبعدين زواجنا كان قسمة نجيب رئبال و رئال وانا مبسوطة شديد بيكم 🖤 - اسمهم رئال و رئبال خلي الكبير في الاول * كلهم واحد محسسني فارق العمر بينهم مية سنة هي كلها دقيقتين 😒- المهم رئال طلع قبل رئبال يشيخة اقول ليك شي خلينا منهم كل يوم هنتناقش فيهم مش كأنو لازم نخاويهم بأخت بعدا ولا قلتي شنو لانهم تقريبا كملوا الاربعة سنوات ودخلوا في الخامسة* في الوقت الحالي لاا لأنو افتكر جاييهم اخو او اخت وم دايرة أشغلك منو عايزاك تهتم بيهو شدييد بعداك نفكر نجيب بيبي تاني طيب - اخخخ لو م انتي كنت ح انسى معناها هتساعديني؟ * اكيييد دا م سؤال ليك هساعدك وهنجيب ليو احلى حجات 🖤 - دي امل الانا بعرفها طول عمرها طيبة🖤_مرت حكاية خمسة شهور وانا دخلت في الشهر السابع بطني بدت تظهر مختار م نزل السودان تاني من اليوم داك وكل يوم بتصل علي بصدو كان متابع حالتي عن طريق عشوش في الفترة الفاتت تعبت شديد كنت محتاجة سند جمبي او بصريح العبارة كنت محتاجة راجلي معاي زيي زي اي واحدة مرت باللحظة دي بالرغم من وجود امي واختي وكل الناس الحوالي بس كان ف نقص والنقص دا ماف زول بملا مكانو الا مختار صاح كنت بشتاق ليو بس م عندي القوة البتخليني اتكلم معاهو كل يوم بشيل التلفون اقول اتصل عليو بس بتراجع لمن اتزكر العملو معاي يمكن انتو شايفين الحكاية ساهلة بس صدقوني الحكاية صعبة شديد متخيلين معاي انك تتعرض للخيانة من زول بتحبو ايوا انا بسميها خيانة لانو م صارحني وصدقوني كان اهون علي لو كلمني من البداية لاني م انانية لدرجة احرمو من الابوة💔 في يوم وانا قاعدة في المظلة مع امي بتعوس ليها ف كسرة وعشوش كانت في بيتها لانو راجلها جا من السفر جاني اتصال من رقم عالمي غريب قلت احتمال دا مختار م اهتميت بالموضوع بس الاتصال اتكرر كتير امي قالت لي يا بت الشي دا م سامعاهو قلت ليها دا رقم غريب م مهم اكيد دا مختار قالت لي احتمال ف شي لانو لو مختار كان دق لي انا سكت مسافة وقلت ف نفسي صحي لو كان مختار كان دق في تلفون امي اتوكلت ورديت - السلام عليكم * وعليكم السلام ورحمة الله - انتي نفيسة؟* ايوا اتفضلي منو معاي؟! - اول شي اسفة على الازعاج تاني شي معاك امل عليك الله اسمعيني للنهاية م تقفلي الخط* حبابك والله انتي حاليا في بيتي وزي م بقول المثل لا ينبح في داره الا الكلب عشان كدا اتفضلي سامعاك- تسلمي م عارفة ابدا ليك من وين ولا اقول ليك شنو بالضبط بس حبيت اوضح ليك سوء الفهم الحاصل عارفاك هتقولي اني انانية وكيف قدرت اوافق بالزواج من واحد متزوج وكيف قدرت ادمر زواج واحدة تانية بس والله العظيم م كنت عارفة ب اي شي من الحاصل دا واتزوجت مختار ع اساس هو م متزوج وم عرفت بي كدا الا بعد العرس ساعتها كنت حامل يداب اي صاح زعلت واتشاكلنا كتيير لانو خان ثقتي فيو حاول معاي كتير بس كنت بصدو ف النهاية قال لي انا عرست فيها لانها م بتجيب اولاد زعلت واتأثرت عشانك وم اكذب عليك حسيت انو من حقو يكون اب بس م بالطريقة العملها دي انا عارفاك حاسة بشنو حاليا ونفس احساسك دا انا حسيت بيو بس صدقيني هتتجاوزي اي شي ادي فرصة لي نفسك ولي الفي بطنك وانا مستعدة اتنازل ليك عشان الاحساس بالذنب حيقتلني 💔* انتي عارفة اتوقعتو يكون عمل كدا وصدقيني م بهمني اي شي من الكلام دا ع قدر م بتهمني ورقتي انا ي امل بطني طامة عارفة يعني شنو لمن نفسك تطلع من الحاجة بس دا الحاصل معاي وم دايرة اخرب البينكم انتي شكلك انسانة طيبة ولو بالجد بهمك امري خليو يطلقني وتاني م دايرة منك شي- بسس ...* لو بالجد بهمك امري خليو يطلقني وتاني م دايرة منك شي وانا بعداك والله العظيم عافية ليك دنيا وآخرة - م عارفة اقول ليك شنو دخلتيني في حتات ضيقة والله بعد م كسرتك دايراني اخرب بيتك * هو بيتي من يومو مخروب والحصل دا لا انا لا انتي السبب فيو الحصل دا سببو مختار وهو المسؤول الوحيد ولحدي م اموت م بسامحو انا حاسة اني مخنوقة دايرة أطلق منو عشان ارتاح واشوف حياتي بي وين وعليك الله أمانة ف رقبتك وصلي ليو الكلام دا - يعني مصرة؟! * اي مصرة وكتر خيرك خليك عارفة من ناحيتي ماف اي شي تجاهك والعفو والعافية- لله والرسول بعد قفلت منها عاينت لي امي لقيتها مسهية فيني قالت لي دي الولية قلت ليها المرة زاتها زيي يمة هو غش عليها وعرسها يعني العيب راكبو من ساسو لي راسو وانا حدي معاهو الطلاق بس قالت لي ربنا يعدلها عليك يمة بعد شهور كنا نايمين انا وعشوش واياد وامي في الحوش صحيت نص الليل بوجع في بطني صحيت امي من النوم قالت لي مالك ي بت قلت ليها بطني يمة قالت لي ياها الولادة زاتها يا بت عشوش قومي سخني موية وجهزي النمشي اجيب الداية بعدها امي طلعت وانا وجعي ماشي في زيادة عشوش جهزت اي حاجة بقينا منتظرين امي والداية اتأخروا شديد عشوش قالت لي قومي النمشيك شوية قلت ليها م بقدر والله امشي شوفي امي مالها اتأخرت بنتكلم كدا جو داخلين عشوش قالت ليها مالكم اتأخرتو امي قالت ليها كانت ف ولادة وانتظرتها يلا خلوها تشوف شغلها انا بقيت م سامعة اي شي من الوجع الداية قالت لي دي ولادة حاولي ادعمي وانا خلاص حسيت روحي هتطلع قلت ليهم كان حصلت لي حاجة خلو بالكم من جناي امي قالت لي إن شاء الله هتطلعي بس ساعدي بقيت بدعم لمن الحمد لله ولدت وجبت احلى بنوتة في الدنيا 🖤 شوفتها نستني اي وجع حسيت بيو صدقوني الولادة نعمة ربنا م يحرم زول منها🌸بعد رحلوني الغرفة التانية الشمس طلعت إياد جا وقف بعاين لي إياد عمرو كان خمسة سنوات قلت ليو ايادو تعال مالك واقف بعيد قال لي خالتو دي منو الجمبك دي قلت ليو دي بتي تعال سلم عليها قال لي صغيرة هي لكن م بتسلم قلت ليو قرب شوفها طيب قرب مني ومسك يدها قال لي اسمها منو قلت ليو لسة م سميتها قال لي اسميها ليك ابتسمت وقلت ليو سميها قال لي سميتها سمر قلت ليو الله اسم حلو شديد خلاص سميناها سمر قال لي هي اختي صاح قلت ليو اكيد اختك قال لي بعد تكبر بجيب ليها العاب كتيرة وبوديها الروضة بوستو ف راسو وقلت ليو ان شاء الله بعدها قام جاري وبقول سميت البت سمر امي وعشوش جوني وقالوا لي صحي؟ قلت ليهم اي عشوش قالت لي جنيتي بتسمعي كلام إياد قلت ليهم ايادو سماها سمر وعجبني الاسم بس 🖤 مرت فترة طويلة وسمر بتكبر يوم بعد يوم مختار ابدا م جا نازل السودان بس رسل قروش لأمي عملت منها سماية واشترت منها هدوم لي البت مرت تلاتة سنة سبحان الله بتي كانت قطعة مني في الشبه وكانت هادئة م تعبتني دخلتها الروضة وإياد دخل ابتدائي كان بجي بسوقها الروضة وبمشي مدرستو وف الرجعة برضو كدا إياد كان مهتم بيها شديد وبلعبها وبشتري ليها حلاوة كل يوم يعني عوضها حنان الاخ وانا م محوجاها لي شي وحتى امي م مقصرة معاها يعني بإختصار م اديناها فرصة تفقد ابوها مع انها بتتكلم معاهو بتلفون امي ولمن تسألني بقول ليها سافر ف كانت بتكتفي بالسكوت بعد فترة راجل عشوش جاهو عقد عمل تلاتة سنة سافر طوالي وهي جات قعدت معانا كانت حامل في السابع كنا فرحانين شديد وحياتنا كانت حلوة والاولاد ماليين علينا البيت🖤_في أحد مستشفيات الدوحة في قسم النساء والتوليد كانت هي وزوجها يتبادلان الضحكات وهما ينظرا إلى الشاشة - شايف رجولها صغيرة كيف متين تطلع ونفرح بيها 🖤* قريب ي امل كلها باقي ايامات وتولدي يلا نطلع عشان الحق الاولاد ف المدرسة ونرجع البيت في الطريق ...- مختار م ناوي تخليني ارجع الشغل يعني انا لي سنة في البيت زهجت عديل* بعد تولدي قلت ليك شغلك دا زاتو خطير كم مرة بقول ليك قدمي استقالتك بس راسك يابس - انت لما عرفتني كنت شغالة ف م عندك حق تقول لي خليو ووريتك شغلي خط أحمر وهو م خطير للدرجة دي مجرد صحفية وبكتب تقارير اخبارية وفضايح😹* ما هي الفضايح دي زاتها بتجيب اخرك في النهاية - م علينا هأرجع اشتغل بعد الولادة ان شاء الله * أن شاء الله طيب وصلنا انزلي _ بعد تلاتة سنة ...يا ماما شوفي لي مشكاة دي بتضربني 😭 ،مشكاة شنو بتبكي ليها يا عويرة اسكتي ساي ها ،يا عشوش عاني بتكك دي ياخ 😭، اجي يا بتي لمتين هتبكي لي مشكاة دي ، زاتو خليتكم ماشة لي ايادو بشاكلها لي🚶♀️* والله ي عشوش بتك مشكاة دي شرانية خلاص😹 - والله سمر ياها العويرة ودايرة الحق بالجد هي شرانية * يحليل امي كانت الوحيدة البتقدر عليها - ربنا يرحمها ويغفر لها اكيد كلكم مشوشين تعالوا اوريكم الحصل شنو تتزكروا اخر مرة قلت ليكم عشوش حامل بس ولدت بت سمتها مشكاة حاليا داخلة على السنة التالتة شرانية وجنها ضرب ومشاكل 😹 يلا بعد ولادتها ب شهور ف يوم قمنا لصلاة الفجر لقينا امي ف المصلاية ع اساس بتصلي بس قعدتها طولت قلبي اكلني مشيت جمبها ولقيت ربنا شال امانتو💔 ايوا اتوفت محظوظة على قدر م زعلنا على قدر م فرحانة ليها البيت بقى فاضي بس للان مليان زكريات بقينا فيهو بس حتى عشوش رحلت عديل معانا وحاليا راجلها جاي بعد اسبوع ، إياد دخل العشرة سنوات بقى راجل البيت اما سمر عمرها ستة سنوات دخلت الابتدائي ومشكاة منجضاها نجاض القبور😹 بتتكلم مع ابوها من فترة لي فترة وللان م بتعرف شكلو وحتى انا لي ستة سنة م شفتو ولا كلمتو بس امل الله يديها العافية بتتصل علي من فترة لي فترة تسلم علي ولدت قبل عشوش بت سمتها ريل وحاليا حامل ف الشهر الأول وعشوش كمان حامل🖤بعد فترة عشوش جابت غصون قطعة من امها وامل جابت ريلان فرحت ليها شديد لانها طيبة وتستاهل كل خير عشوش كل يوم بتقول لي م عارفاك مصاحبة ضرتك دي كيف ووو الكلام الما منو فايدة داك بس انا ابدا م كنت خاتها ضرة انا كنت خاتاها ك اخت لي وم بخلي الحقد والكراهية تعمي قلبي ربيت بتي على كدا م خليتها تكره أبوها ولا اخوانها عشان كدا طوالي بديها تكلمهم حتى امل بتكلمها دايما مرت كم سنة على الحال دا وماف شي إتغير غيري ايوا انا اتغيرت فيني حجات كتيرة كنت دايما بمرض وشكلي اتغير م خليت دكتور م خليت رُقية بس كلو م نفع الاكل م بثبت في بطني وبقيت بنسى اي شي بسرعة بس بتي دايما كانت جمبي سمر عمرها بقى 12 سنة وانا شايفاها عاقلة لدرجة اخليها تحكي ليكم بلسانها 🖤ثم ماذا؟! ثم انك خُلقتي مضيئة لا يليق بكِ ابدًا أن تنطفئي🖤🌸 ابقو عافية 🖤
