යැන් වුෂි කෙතරම් කෝපයට පත් වූවාදැයි කිවහොත් ඔහු සිනාසෙමින් මෙසේ පවසන්නට විය. “ඇත්තටම නිකාය නායක ෂෙන්ගේ මනස මහා සාගරයක් තරම් විශාලයි. ෂුඅන්දූ කන්දේ සිටින සියල්ලන්ම ඔබ වගේ නොවුණු එකනම් දුකක්. එසේ නොවුනානම්, චි ෆංග'ගේ ගෝලයා වන ඔබ වැන්නෙක්, කුන්ය'ගේ ප්රහාරයෙන් පර්වතයකින් වැටෙන්නේ කෙසේද? ”
ෂෙන් ච්යාඕ හිස වැනුවා මිස පිළිතුරක් දුන්නේ නැත.
කඩින් කඩ මතකයට පැමිණි සිදුවීම් තිබුණත් ඔහුගේ මතකය තවමත් අපැහැදිලි වූවකි. සමහර දේවල් මතකයේ ඇතත් බොහෝ දේ මතක නැත. එම සිදුවීම පිටුපස ඇති සත්යය පිළිබඳව ඔහුට එතරම් පැහැදිලි අවබෝධයක් නොතිබූ බැවින්, ඒ ගැන කතා කිරීමට ඔහුට වැඩි යමක් තිබුණේ නැත.
නමුත් යැන් වුෂි, නොසිතූ මොහොතක හදිසියේම ඔහු වෙතට අත්ලකින් ප්රහාරයක් දියත් කළේ ය.
මෙම අත්ල ප්රහාරය සැහැල්ලු පහරක් වූයේ නැත. එය ෂෙන් ච්යාඕ පරීක්ෂා කිරීමට අදහස් කරන ලද ළමා සෙල්ලමක් මෙන් ද නොවී ය. ඔහුගේ සටන් බලයෙන් සියයට තිහක ප්රමාණයකට ශක්තිමත් වූ මෙම ප්රහාරය ශක්තිමත් වූවකි.
ඔවුන්ගේ වර්තමාන සටන් හැකියා අතර වෙනස අනුව, සියයට තිහක් කෙසේ වෙතත්, යැන් වුෂි සියයට දහයක පමණ ශක්තියක් භාවිතා කළත්, ෂෙන් ච්යාඕ ඔහු ඉදිරියේ බල රහිත වනු ඇත.
වෙනත් කිසිවකු පැමිණ බලා සිටියේ නම්, යැන් වුෂිට ඝාතනය කිරීමේ චේතනාවක් ඇති බවට ඔවුන් නිසැකවම සැක කරනු ඇත. එමෙන්ම, ෂෙන් ච්යාඕට ඔහුගේ විනාශයෙන් ගැලවීමක් නොමැති බවට ඔවුන් නිසැකවම එකඟ වනු ඇත.
ෂෙන් ච්යාඕගේ හුස්ම තවත් බර විය. රුධිරය උගුර දක්වා ගලා ආ නමුත් ඔහු එය තදින් නතර කරගැනීමට සමත් වූයේ එය මුවින් පිටතට නොඑන පරිදි ය. යැන් වුෂිගේ සිරුරම අභ්යන්තර චී ශක්තියෙන් වැසී තිබුණි. එම ශක්තිය දරාගත නොහැකි තරම් අතිශයින් ශක්තිමත් වූ අතර, ප්රචණ්ඩ ලෙස ඉදිරියට ඇදෙන මහා ගංගාවක ගලා යන විශාල දිය ධාරාවක් මෙන් විය.
එය ජීවිතය හෝ මරණය අතර මොහොතක් මෙන් වූ අභ්යන්තර අර්බුදයක් ඇති කළ නමුත් ෂෙන් ච්යාඕට එයින් දැණුනේ බොහෝ සන්සුන් වූවාක් වැනි හැඟීමකි.ඉඩකඩ සහිත අමුතු හැඟීමක් ඔහුගේ සිරුර තුළ මතු විය.
YOU ARE READING
සහසක් සරාසඳ ᵗʰᵒᵘˢᵃⁿᵈ ᵃᵘᵗᵘᵐⁿˢ ˢⁱⁿʰᵃˡᵃ ᵗʳᵃⁿˢˡᵃᵗⁱᵒⁿ
Historical Fictionමෙතෙක් කල් යැන් වූෂි ගමන් කර තිබුණේ රුධිරය සහ මළ සිරුරුවලින් පිරුණු මාවතකයි . ඔහු මනුෂ්යත්වයේ යහපත් ස්වභාවය විශ්වාස කළේ නැත. ඊටත් වඩා ඔහු විශ්වාස නොකළ තවත් දෙයක් විය. එනම්, කිසිම දෙයක් ගැන ආපසු බලාපොරොත්තු නොවී අන් අය කෙරෙහි සැලකිල්ලක් දක්වන කරුණාව...