نغزات محرمه ( عراقيه)

بارت السابع عشر

روايه ( نغزات محرمه) بقلمي ميار السعدي......

اضغطو النجمه مال تصويت وعلقو ع فقرات كلها ♡♥️.....

ربما البارت يحتوي على بعض المشاهد التي لا تناسب عيناك العذراء إذا كنت تفهم ما أكتبه ارجو منك الخروج حالا انا لا اتحمل المسؤوليه 🔞

______________________________________

______________________________________

______________________________________

.... قمرررررر

جفلت من صوت العالي رفعت راسي مبهوته تقدمت عليه شويه شايله أوراق حجيت استوعب طلعت من شرودي ضغطت القلم بيدي

قمر : نعم دكتوره...؟

رفعت حواجبها وحجت بفتور ومنزعجه

.... شكو صافنه المحاضره كلها؟؟ وين شارده؟

قمر : ما شارده اسمعج...

.... اهههاا؟؟.. والله؟ شسمعتي بله كومي اوكفي...

تنفرزت من كلامها وكفت ع حيلي شبكت ايدي..
كلها صافنه عليه باوعت ع سمر جانت صافنه عليه كدامي خزرتها بقت تباوع بأسف لأن قطعت علاقتي وياها لأن توصل اخباري إله..

.... اطربيني شنو سمعتي هاا؟... شنو الموضوع الي جنت اشرح عنه؟؟...

بهتت مفغره شفتي ياربي اني وين وهاي وين مالي خلك وايدي توجعني...تحرقني من الجرح رغم عقمه عمو آدم وضمده... باوعتلها رجعت خصلات شعري القصيره ورا اذني حجيت بهدوء

قمر : عن ماعرف شنو لأن مريضه مو قصه شارده عن الدرس....

.....انتيي شبيجج هااا؟... اطلعج هسه من الدرس؟

قمر : اعتذر وربي كتلج ماكدر تشوفين مريضه شدعوه؟

.... اني شعليه هااا؟ لو من تجيبون درجات زفتتت تكولون محد يدرس زيننن؟؟..

قمر : دكتوره كتلج اعتذر شبيدي هسه؟؟...

.... دكعدي يله ممنوع اشوفج هيج مهمله وبعدين تعاي شكو ما لابسه حجاب انتي وشعرج الي قاصته شنو موديلات هناا؟... جايين دراسه لو سياحه؟..

قمر : اني مو محجبه...

.... بكيفج؟... انتي هالكبرج شنو تنتضرين حتى تتحجبين؟..

قمر : اعتقد زودتيها؟... مو خلص انتهت المحاضره وانتي واكفه تحاسبين بيه بأي حق؟ شنو جاهل اني؟ لو صف اول ابتدائي؟....

فتحت عيونها مصدومه هزيت راسي بتفاذ صبر باوعت لعيون الكل عليه متونسين عود ياللهي...

.... انتي قليله أدب تعرفين؟؟.. إذا مو اني أحاسب منو لعد؟.... ثانيا اني ما أحاسبج بس انصحج شوفي القاعه كلها محجبات ما تشعرين بالحرج؟..

قمر : لا فرحانه...

.... لا تراددين قمر راح ازعلج؟

قمر : دكتوره اني ما مسويه شي محرج حتى أشعر بالأحراج! كتلج اني مو محجبه ومو بس اني هاي وهاي وهاي كلهن مو محجبات ليش بس اني؟.. ومن شوكت صار لبس الحجاب قانون بالدوام؟ ما اشوف احد يحجي واله حق بخصوصيتنا...؟