نغزات محرمه ( عراقيه)

مشهد

مرحبا بكم في روايتي الثانيه روايه( نغزات محرمه ) بقلمي ميار السعدي...

 
لا تحكم ع الروايه من الغلاف اتمنى لكم الضياع بين سطوري بالحب والجنون والغموض ونغزات القلب الغريبه... بين قاسي القلب الجامد الثابت المهيب الذي يضيع في الماضي ليعود للحاضر لصغيرته البريئه الحبيبه.... يعود إلى الضباب إلى الضياع إلى الاختناق إلى الغصه تحتل جسده بالكامل.... هادئ كالسماء يحارب جنونه وشياطينهُ وشعوره اتجاه صغيرته.. ابنته... عالمه... فقدانه... دمه... مشاعره الجياشه...

يحارب للبقاء عاقلا صاحيا بعينين كالجحيم يبتعد عنها لأنكار الحقيقه لتبقى الشياطين نائمه في داخله... لا تقتربي يا صغيره يكفي هذا القدر من الكره يكفي هذا الألم في داخلي انتي مقززه والقدر جعلني احتضنكِ فقط هذا لا أكثر لا تطالبي بالمزيد أرضي بهذا لا وجود للحب لا وجود للحنان لا وجود للأمان يكفي انكي هناا أمام عيني تأكلين تشربين تضحكين ليس لديكِ علم ما تفعلينه يثير اشمئزازي دموعك لا تهمني لا أكترث بك......

(نغزات محرمه )

ستكون الروايه بين الحاضر والماضي يعني راح نذكر الماضي ونرجع للحاضر وهكذا تستمر أتمنى أن تنال اعجابكم من خلال هذهِ المشاهد الطويله 🖤
___________________________________

مشهد من المستقبل
*****

غمضت عيوني زميت شفتي نزلت الدولكه مال مي ع طاوله من سمعت صوت خطواته المحكمه الثابته الهادئه الغاضبه الوقت كله بدون سبب... رجف كلبي بلعت ريقي تحركت ع ثلاجه سديتها بهدوء... وكل فكري شلون هسه؟.. شسوي؟.. اروح لو لا؟... خايفه... بس ضروري لازم احجي وياه ماعندي وقت هذا احسن توقيت اعتقد....

عضيت شفتي حيلل أقوي روحي واحضر كلام مناسب لازم كلام مرتب إذا غلطت بحرف أو تلبكت وتوترت مثل يوميه يعيط بيه ويسمع كل الموجودين بالبيت همزين مو هناا لو يغلط عليه لو يأذيني بأي طريقة بكلامه... يكسر كلبي... كالعاده عادي تعودت اشبع بجي ودموع بغرفتي ومحد يهتم حتى هو...

الباقي يتشمت بيه انواع السم يطلع من عدهم في سبيل يحسسوني بالاهانه وانو همه الأمر الناهي بهلبيت واني ممنوع افتح حلكي بحرف وإذا تجرأت وحجيت بس دفاعا عني... يمكن يكلوله واني اخاف لهذا ما احجي... التزم الصمت دائما حتى ارتاح وما أخوض مشاكل فوك همي وحزني وقهري.....

رفعت عيوني فوك غصه هلكدها بصدري من اتذكر شلون يعاملني وشلون يكرهني كلامه نضراته أفعاله تجاهله إليه كلها هيج تنغز كلبي نغز ليش؟... هذا السؤال الروتيني يوميه اسأل روحي التايهه ليش هيج يسوي وياي... رغم ما مسويه شي يسوى يجرحني بهلطريقه.... بلااعيمي تورم من القهر والبجي حتى ماكدر ابجي كدامه يغضب اكثر.... لهذا اني ابجي بس بغرفتي وخاصه بالليل ع أقل محد يحاسبني.....