روايه (نغزات محرمه) بقلمي ميار السعدي......
تصويت ⭐ وعلقو ع كل الفقرات احب اسمع ارائكم ومتابعه لحسابي حتى يصلكم الأشعار قدرو تعبي للأستمرار بالحلقات القادمه......
حبايه بخشمه كون الي ما يعلق أو يضغط النجمه يصوت 🗿💔مو تسدون النت تكعدون تقرون اشكم شك استغفر الله يخلوني اعثب 😔
.
______________________________________
"" أتساءل وأنتٓ تُخاصمني بالكلام الجارح، أهذا هو الفمُ الذي قبّلني؟""
ضحك بصوت وتحرك بعدم اهتمام فتح باب الغرفه ودخل وهو يحجي
" اوهوووو انكلبت فصحى مبينه الشغله مليوصه"
عقدت حاجبي وكشيت وجهي تحركت كمت من القنفه رحتت وراه نفضت شعري واني اشوفه يمشط بشعره عبست وحجيت بقهرر مبرطمه
"" هيج تحجي وياي انت بطلت تحبني؟""
ضحك بصوت رفع عيونه عليه بالمرايه شمر الفرشه وحجه يمازحني
"" اعتقد لازم اطلع طكت فيوزات الحلوه مالتي واني اعرفج من يطك فيوز عندج تشعلين أبويه ""
دمعت عيوني حجيت بغصه
"" يعني بزعت مني؟ راح تطلع واني زعلانه؟""
"" غير مخبل إذا اطلع وطفلتي زعلانه بس اني ماسويت شي شكو عقدتي النونه؟ ""
التفت وتقدم خطوات يضحك عليه عبست ونزلت راسي وكعت خصلات شعري القصير لحد كتوفي بس مبعثر ما مشطته....... حاوطني من خصري ورفعني بخفه التهبت روحي من أنفاسه الحاره عضيت شفتي بزعل عيوني بعيونه حاوطته همس كدام شفتي وتحرك بيه شويه
"" انتي شمسويه بيه ولج؟ تعرفين أكثر شي يوميه اسجد سجده شكر لرب العالمين عليه هو رجعتج ع ذمتي... وكملتي حياتج وياي انام واكعد فرحان انو حبيبتي اليوم يمي..
حبيبتي مو حلم ونايمه بحضني واربعه وعشرين ساعه تكمز بالبيت شكد ماتكبر تبقى طفله نفس الحركات ابد ماتغيرت نفس الجنون والخبال هذا الي يخيلني اموت ع تراب الي تمشين عليه وكل شويه اصفن خاف حلم واخاف من مزاجج لا تغيرين أو تبتعدين مثل اول مره..... ""
صافنه بكلامه للنهايه وابتسم كل شويه كزكزت ع كلامه يوميه نفس الحوار بالحرف لازم يكوله إليه... حركت أنفي بنعومه ع أنفه بس ماحجيت ضحك بصوت كزز سنونه وطبع شفته حيللل بخدي شفطني
حجه بلهفه وضحكه وشفته تتحرك بنعومه ونغزات شواربه دغدغني
"" ههههههه اويلييي ولجج تنكرطين انتي يمكن ماروح بطلت ابقى ويه الخبله مالتي مو احسن؟ ""
"" يببب ابقى وياي عفيه ماحب اكون وحدي بالبيت خلينا نلعب طوبه بالحديقة مثل المسلسلات وانت تباوع عليه بحب وشعري طاير ومادري بيك وراي وبعدها اكع واشهك بكياته وانت ترفعني بخوف تطلع علينا اغنيه تركيه.. بصوت مراد بوز احاااا اموتتت عفيه ابقى خل نجربهااااا ""
أنت تقرأ
نغزات محرمه ( عراقيه)
Mystery / Thrillerتقولين .. إنما الحب عيب وذنب .. إننا في الحب نهوى العيوب . وإنا - عناداً - نسرف في الذنب . کي لا نتوب .. لأن ساءلونا ، أين المتاب ؟ أيرغب التوب محب الذنوب ؟! - . . قلب قاسي لا يعرف الرحمه يلين فقط لأجلها تلك الصغيره..... بقلمي ميار السعدي 📜...
