.
طبعا حقكم عليه عمي والله اني وحده ماتعرف شتحجي المهم أم سورييي دعمني لورييي 🤡🗿💔 يولو لكيت البنات مراسلات اخويه راد يفرمت الجهاز يكول ولججج انشري بارتتتت خبصونيي ههههههههه 😭 شوفو طولت البارتات الكم وشسمه راح يبدي خبال قمرتي بالبارت القادم يعني الحقائق قربت 💔💔😔😔 قرأه ممتعه حبايبي.....
♡♡ ♡♡ ♡♡ ♡♡ ♡♡ ♡♡ ♡♡ ♡♡ ♡♡ ♡♡
الفديو الفوك عن قمر 💔
روايه (نغزات محرمه) اللهجه العراقيه بقلمي ميار السعدي......
تصويت وعلقو ع كل الفقرات احب اسمع ارائكم ومتابعه لحسابي حتى يصلكم الأشعار قدرو تعبي للأستمرار بالحلقات القادمه.....
.
" اللهم أجعلني خفيفه على قلوب الناس فيقولون
"إننا نُحبُّ قَلبها وصُحبتها ورؤيتُها🤍 🤍."
♡ ♡♡ ♡♡ ♡♡ ♡♡ ♡♡ ♡♡ ♡♡ ♡♡ ♡♡♡
عقدت حاجبي مستغربه فتحت عيوني النعسانه ماعرف شلون نمت هيج... صايره هواي انام مثل المخدره شسالفه.... رفعت ايدي فركت وجهي ورفعت شعري فوك زفرت انفاسي وباوعت بالغرفه مالته فارغه ودافيه واضويه خافته وماكو اي صوت..
برطمت بشرود وجهت نضراتي بمكانه ع فراش مرتب المخده مكانها رفعت ايدي مبتسمه تلمسته وصفنت بالفراغ وينه.... ياربي مايطلع حلم.... خايفه.... بكلبي سعاده مخيفه... بلكت ما يتغير عليه ونبقى هيج... توسعت ابتسامتي من تذكرت كلامه الحلو "شمس حياتي" قمري" احضنيني" ههههههه يممممم.... كمزت سريع اضحك شمرت اللحاف والمخاد بعيد بفرح ومشيت اتمركص بدون صوت باوعت بالمرايه صايره حيل حلوه يمكن اول مره اشوف روحي اخبل...
كشيت وجهي بفرح باوعت ع ميز شفت كل غراضه من ساعه وقلم عطور اثنين الباقي بالكنتور حتى ما يترس الغرفه يكره الهوسه.... وحتى مفاتيح السياره فرحت من شفتهم يعني ما طالع صفكت بيدي ومديتها لا إرادي أخذت الساعه تلمستها بأصابعي حلوه خليتها ع معصمي شكبرها ومع هذا لبستها صارت معلقه بيدي...
رفعت ايدي كدامي وضحكت بشرود رجعت خصلات شعري ورا اذني ومشيت خطوات ع باب فتحته عيوني تترقب ع امل اشوفه.... بس المكان فارغ وكالعاده المطبخ هوسه طباخ وصوت ابن عمو الصغير يلعب يضحك يم أمه واسمع صوت عمو قادر وجده يحجون بالاستقبال وصوت المسلسل مال جده مشتغل ياربي اكره صوته هندي يلعب النفس...
ضحكت ع تفكيري مشيت ع طرف أصابعي وصلت باب استقبال فتحته مديت راسي ما موجود استغربت
قادر : هلاا والله بالحلوه مالتنا شلونج أخبارج شكو نايمه لهيج وقت ولج؟.....
ابتسمت مجامله حجيت اعصر بيدي ع باب
قمر : هلو عمو نمت لأن عندي دراسه بالليل ماريد انام.... عمو آدم وين؟؟
VOUS LISEZ
نغزات محرمه ( عراقيه)
Mystère / Thrillerتقولين .. إنما الحب عيب وذنب .. إننا في الحب نهوى العيوب . وإنا - عناداً - نسرف في الذنب . کي لا نتوب .. لأن ساءلونا ، أين المتاب ؟ أيرغب التوب محب الذنوب ؟! - . . قلب قاسي لا يعرف الرحمه يلين فقط لأجلها تلك الصغيره..... بقلمي ميار السعدي 📜...
