روايه (نغزات محرمه) بقلمي ميار السعدي....
صوتو ع بارتات لأن دا افقد شغفي مو مثل قبل لأن هسه داتعب ع كتابه كلش صعبه اعتذر عن التأخير بس عندي هواي أشغال غير الكتابه كل ما أفرغ اجي اكتب أن شاء الله استعجل بيها وما اتأخر💔....
بارتين الكم هاي استمتعو بالقرآه وأريد أضحك بالتعليقات ضايجه اصور وانشر ستوري انستا هههههههههههه 😂
____________________________________
____________________________________
صمت تارس البيت الأجواء متوتره الي يرمش مرتين يصفن نص ساعه كل واحد بجهه مجتمعين كلنه بالأستقبال.... محد يعرف شنو السالفه أو يمكن يعرفون خاصه جده وعمو علي وعمو آدم الي حليان هواي هم صافن مرتاج ع قنفه وحده مخلي رجل ع رجل شعره الأشقر ع جبينه عيونه ع ميرا الي كل شويه تباوعله كأنو تسمتد القوه من عنده...
شعرها الأسود خصلاته طويله ناعمه ع كتوفها متغير لبسها مو كلش فاضح لابسه جاكيت شبابي فوك التشريت نص ردن يمكن....
اتأمل شكلها حلوه كلش تشبه قمر....لابسه بنطلون عريض شويه لونه ازرق مثل الحبر انيقه وانيقه الصراحه اديها الناعمات حاضنات الاستكان مال چاي بعد ما خلصو غده وهمه يحجون يضحكون سوالف عاديه ويه البنات والزلم طلعو كلهم برا ما خلاهم عمو آدم يدخلون حتى البنات نصهن برا ونص كاعدات هنا يدورن حجي....
كاعده وحدي مكتفه ايدي عيوني عليهم ميرا ونانا الي كاعده بصفها جانت تعبانه مثل النعسانه كأنو تريد تنام كل شويه تتثاوب نعستني وياها غمضت عيونها ودنكت بتعب اكلت بس شويه ع غده..
جانت كعده جبيره مليانه توتر فارغه من قمر الي كالت ما اشتهي ولحد الان ما اجت تروح عليها امها ما تفتح الباب رحت عليها قبل شويه طلعت تسبح عفتها ورجعت وهسه صافنه عليهم اعرف مو خاليه هاي الجيه...الدنيا صارت العصر وخلص الوقت سريع بين سالفه وضحكه بينهم.....
باوعت ل عمو علي عاض شفته بصفنه الجكاره الي مانزلت من ايده كاعد ع قنفه وحده محد يمه شعره يلمع سبح قبل قمر ومشط وكاشخ لبس يخبل عطره الطيب لهنا رفع ايده الي منفوخه الدمارات بيها خشنه وأيده بيضه.... اخذ نفس من الجكاره داخل صدره من صفنته بلع الدخان ما زفره....
اباوعله ما حجه وياهم بس شويه بقمر ودراستها ومعدلاتها وصحتها وشعرها الي تعجبن من شافنه هيج قمر كالت حبيت اقلد خالتي نانه عرفنه تسخر منها نانه ماحجت بقت صافنه بس بالبدايه سلمن عادي وقمر ما شدتها وياها...
اجه صوت ميرا بهدوء عيونها ع استكان الجاي مو علينا عطرها حيل طيب هيه ونانه
ميرا : علي اريد احجي وياك بخصوص قمر ع انفراد...
ESTÀS LLEGINT
نغزات محرمه ( عراقيه)
Misteri / Suspensتقولين .. إنما الحب عيب وذنب .. إننا في الحب نهوى العيوب . وإنا - عناداً - نسرف في الذنب . کي لا نتوب .. لأن ساءلونا ، أين المتاب ؟ أيرغب التوب محب الذنوب ؟! - . . قلب قاسي لا يعرف الرحمه يلين فقط لأجلها تلك الصغيره..... بقلمي ميار السعدي 📜...
