ဤသို့နှင့် အရုဏနှင့်ယုဂန်သည် ညနေခင်း ပွဲတော်စာ တည်ခင်းပြီးသည်နှင့် မိမိတို့နားခိုရာအခန်းတွင် ကိုယ်လက်သန့်စင်ရင်း အနားယူခဲ့ကြသည်။
ယုဂန်သည် အရင်ရေမိုးချိုးခဲ့၏။ နောက်မှ မောင်က ကိုယ်လက်သန့်စင်ခြင်းအမှုပြုနေလေရာ ယုဂန်သည်လည်း ပျင်းပျင်းရှိသည်နှင့် ပြတင်းပေါက်ဘေးသို့လာ၍ တစ်ကိုယ်တည်း အပြင်ဘက်သို့ ငေးကြည့်နေခဲ့သည်။
ထိုအချိန်တွင် ရုတ်တရက် ယုဂန်၏အနောက်ဘက်မှ နေ၍ နွေးထွေးစွာ ထွေးပွေ့ခြင်းကို ခံစားလိုက်ရသည်။
ယုဂန်သည် ထိုထွေးပွေ့မှုနှင့် အလွန်တရာနေသားကျနေပြီဖြစ်ရာ အနောက်ဘက်ရှိ ရင်ခွင်ထဲသို့ပြန်လည်မှီခိုလိုက်ရင်း
" ရေချိုးပြီးသွားပြီလား"
ဟု နူးညံ့စွာမေးသည်။
မောင့်၏သန်မာသောလက်နှစ်ဖက်က သူ၏ခါးသွယ်သွယ်ကို ပိုမိုတင်းကျပ်စွာ ရစ်ပတ်ချုပ်နှောင်လာသည်။ ထို့နောက် တိုးညှင်းလှပါသော အက်ရှရှအသံက နားထဲသို့ ဝါညက်စွာညက်တိုးဝင်လာသည်။
" အင်း။ ချိုးပြီးပြီ"
မောင်က သူ့ပခုံးပေါ် မျက်နှာအပ်ကျလာ၏။ ထိုအခါ မောင့်၏ဖားလျားချထားသော ဆံနွယ်ကောက်ကောက်များက သူ့ပခုံးနှင့်ရင်ဘတ်ဆီ ရှုပ်ရှုပ်ပွပွ ကျဆင်းလာကာ ယုဂန်သည် မောင့်၏ဦးခေါင်းကို ပွတ်သပ်ပေးရန်အတွက် မောင့်၏ဆံပင်တို့ကို လက်ချောင်းများဖြင့် ထိုးဆွလိုက်သည်။ မောင့်ဆံပင်များက ရေစိုနေစမြဲဖြစ်သည်။
" ခေါင်းကို သေချာမသုတ်ဘူး မောင်ရယ်။ ရေစိုနေတုန်းပဲ"
ဆူပူသည့်နှယ် ခပ်ဆတ်ဆတ်ဆိုလိုက်သောအခါ မောင်က ခွေးကလေးတစ်ကောင်မှ သခင်ကို ဦးခေါင်းကလေးဖြင့် တိုးဝှေ့ပွတ်သပ်သည့်ပမာ သူ့ပခုံးပေါ် သို့ ခေါင်းဖြင့်ပိုမိုတိုးကပ်လာသည်။
"ယုဂန် သုတ်ပေး"
မောင် ဒီလိုဆိုမည်ဟု သူ,အထင်သားပါပင်။ ရေမချိုးခင်ကလည်း ရေတစ်ခါချိုးဖို့အရေး လှည့်ပတ်နေကာ " ယုဂန် ချိုးပေး" ဟု ပြောပါသေး၏။ ခါတိုင်း မောင်သူ့ကိုတွယ်ကပ်ပေမဲ့ ဒီလောက်မဟုတ်။ ဒီနေ့မှ သူ့အနားတွင် တောက်တဲ့တစ်ကောင်လို မလွှတ်တမ်းတွယ်ကပ်နေခြင်းဖြစ်သည်။
YOU ARE READING
The Everlasting One (volume 2 + 3 )
FantasyStart Date : 24.11.2021 End Date : 1.4.2024 Unicode ဥတ္တရနိုင်ငံရဲ့ မင်းသားအရုဏဟာ သူ့ချစ်သူ ယုဂန်နိုင်နဲ့အတူ ပျော်ပျော်ရွှင်ရွှင်နေထိုင်သွားဖို့ပဲ ဆန္ဒရှိခဲ့တယ်။ ဒါပေမဲ့ မထင်မှတ်ထားတဲ့အရာတွေ သူတို့နှစ်ဦးဆီ ရောက်ရှိလာတဲ့အခါ.... ယုဂန်ကိုလက်တွဲပြီး သူက...
Chapter: 119
Start from the beginning
