Hindi pa lumilitaw ang araw ay umalis na ako sa mansion. Matapos ang pag-aaway namin ni Hercules ay sabay kaming umuwi
At siya rin ang pagtawag sa akin ni Caitlin. May sakit daw si Hero at hinahanap ako. Mas lalo akong nainis dahil hindi man lang nila ako tinawagan para ipaalam sa akin ang nangyari.
Kaya ngayon ay uuwi ako sa La Consalancion para maalaga si Hero. Hindi ko na pinaalam kay Hercules na aalis dahil alam kong sasama iyon kapag nagkataon na ayaw kong mangyari.
Pasakay na ako ng bus nang tumunog ang phone ko. Napakunoot ang noo ko ng makita kong unknown number ang naka registered na name.
Imbes na sagutin ko iyon ay pinatay ko na lang ang tawag at tumuloy sa pagpasakay sa bus. Kaagad kong nilagay sa taas ang gamit ko at umupo banda sa bintana.
Ilang oras din ang naging byahe bago ako nakarating sa bahay. Binati pa ako ng ibang kapitbahay namin na nakakamita sa akin bago ako pumasok, pagpasok ko ng bahay ay siya rin ang paglabas ni Caitlin sa kusina.
Napatingin ito sa gawi ko at biglang nanlaki ang mga mata niya. Mabilis siya naglakad papalapit sa akin at niyakap ako. Hinagkan ko rin siya pabalik at bahagyang natawa.
"Si Hero? Maayos naba siya?" Tanong ko sa kaniya matapos kong kalasin ang pagkakayakap.
Tumango siya at ngumiti sa akin.
"Medyo okay na siya. Kakatapos ko lang siyang pakainin." Tumango naman ako dahil sa sagot niya.
Nilapag ko ang dala kong gamit sa sofa at muling sumulyap kay Caitlin na ngayon ay mariin ang tingin sa akin.
"Hindi kana babalik sa Manila?" Natigilan ako dahil sa sinabi niya.
Umiwas ako ng tingin sa kaniya. Kahit hindi ko naman sabihin na ay alam niyang babalik pa rin ako roon. Narinig ko ang malakas na buntong hininga niya kaya napatingin muli ako sa kaniya.
"Babalik ka pa pala sa Manila. Sana hindi na ka nalang muna umuwi," Ani Caitlin.
"Nag-aalala kasi ako kay Hero kaya umuwi muna ako," sabi ko.
"Kung ganoon huwag ka ng bumalik do-"
Pinutol ko na ang kaniyang sasabihin dahil alam kong pipigilan niya rin naman ako.
"Caitlin... Alam mo naman iyon, 'di ba?" Sabi ko sa kaniya. "Hindi ko naman ito gagawin dahil lang gusto ko pa siya makita... Ginagawa ko ito kas-"
"Kasi ano? Talitha, nangako ka sa akin na hindi kana babalik sa kaniya! Naiintindihan kita pero ngayon ang hirap mo ng intindihin! Hindi ko alam kung anong pumasok sa riyan sa utak mo para pumayag ka!"
Hindi ako makapagsalita, tahimik lang akong tinitignan siya. Habang sinasabi niya ang mga katagang iyon ay para may kumurot sa puso ko at ang mga luha niyang lumalandas habang nakatingin sa akin.
"Kaibigan kita! Parang kapatid na kita, nag-aalala lang ako sa'yo dahil baka mangyari na naman iyong dati na ginawa nila sa'yo!" Sigaw niya sa akin at mabilis na nilagpasan ako.
Napakagat nalang ako sa labi ko at napatulala na lang dahil sa guilty na nararamdaman ko. Ang sabi ko sa kaniya ay hindi na ulit ako tatapak sa lugar na iyon pero ako rin lang pala ang sisira sa pinangako ko.
Nang maghapon ay ako ang nag-alaga kay Hero dahil si Caitlin ay nagtungo sa Resort para magtrabaho. Hindi ako nito kinikibo kahit pagpaalam niya ay hindi niya ginawa.
Pinunasan ko ang kaniyang balikat at katawan at binihisan siya para maging maayos ang pakiramdam niya kahit papaano.
Nakangiting umalis ako sa pagkakaupo sa kama at pinagtitigan ang mukha niya. Napakagandang pagmasdan ang mukha niya dahil sa kamukhang kamukha niya siya.
