_حمد لله على السلامة
=كل يوم ح نتأخر كده !؟
_وين التأخير !!..حالتهُ الشغل ما ضاغط الأيام دي
=ده كلهُ وما ضاغط..
_بكرة بدري..ما عاوز كسل.
إبتسمت ليهو ونزلت دخلت بيتنا..عماتي كانوا معانا بشربوا شاي المغرب وآخر ونسة وضِحك.
_السلام عليكم
ردت علي غيمة
=الموظفة..وعليكم السلام
عمتو إنتصار عاينت لي
_إتوظفتي متين..السيرة ما جاتنا !!
غيمة ردت:-
=نزلت شغل مع يوسف في شركتهم
_بالله..ماشاء الله بالتوفيق يارب
=تسلمي يا عمتو..ح أصلي وأجيكم
دخلت جوه ظبطت أموري وطلعت لقيتهم مشوا..قعدت أحكي لغيمة عن أول يوم شغل وهكذا..إياد جاا داخل ضربني في ضهري.
_يا حاقد
=كيف بالله...الشغل لقيتي كيف !؟
_ما شفت ليهو شيء لسه.
=ما تتجرسي بس
_لو خليتني في حالي ما بتجرس والله
=وين الحاج !!
_بابا مع أعمامي في بيت عمو محمد.
=ليه خير إن شاء الله.
_ما عارفة والله..بس جدو طلب يمشوا هناك.
غيمة جابت ليهو العشاء ورجعت جوه.
_عايز شنو أنت !؟
=نويت خلاص
_نويت شنو !؟
=أتم العرس..الأمور روقة وأجلناهُ كتيير
![](https://img.wattpad.com/cover/320759971-288-k877228.jpg)