روايه:- ألماس مكسوو
للكاتبه:- ايه العبدالله
أغرق فيك يومياً حباً وفكراً وأنني في كل مرة ظننت بها أني نجوت منك وجدتني أهوى بك سبعين قاعاً أشعر بك هنا إنك بداخلي أكثر من إي شخصاً اخر .
************
ملاك:- گلبي ان شاءالله تعدي سلامات لتبجين .
ضحى:- شلون ملاك يعني جايه تهديد ومتعرض لمحاولتين قتل وما ترديني اخاف اتصل علي ما يرد شسوي ملاك راحت روحي ورا أرغد .
ملاك:- حبيبتي گافي مسحي دموعج ، لا تحجين يم عمه خطيه ضغطها مرتفج من وره سالفت مروه .
ضحى:- لا توصيني اني اصلاً ما راح احجي يمها اعرف خطيه گلبها محترك .
نزلنه جوه ولكيت شوق بيده تلفوني وتريد تصعد شافتني وكالت
شوق:- الله جابج رجلج ديتصل هاي يمكن رابع اتصال غير الما سمعتهم
اخذت التلفون ولكيت 7 مكالمات رجعت اتصلت علي
ملاك:- الوو .
مهيمن:- يمعوده شسالفه وينج .
ملاك: والله جنت فوك خير نوسه خو مابيه شي
مهيمن:- لا ما بيه شي بس كلساع دكلي هثن، شني يعني ثبرتني .
ضحكت وكتله
ملاك:- يعني حسن .
مهيمن:- حسن منو .
ملاك:- ابن زمن هَذا الي يجي علينه كل يوم .
ضحك وكال:- وين تعرف هثن ابن زمن
اسمعه يحجي وياها ويكلها
مهيمن:- بابا شسوين بهثن مو بكدج هثوني جبير
ترد عليه ودكله:- هثن يثليلي (يشتريلي)
مهيمن ضل يضحك وكلي:- اخوج اتصل عليه عدهم عزيمه وحته على زعتر .
ملاك:- وماما هم اتصلت عليه وعله عمه .
مهيمن:- نشوف منا الباجر اذا لزمنه الي يهدد أرغد نروح .
ملاك:- شصار من سالفه أرغد خطيه ضحى خلص حيله
مهيمن:- شاكين بـ ثنين واحـد من ربعه والثاني ملازم ويانه لحد باجر نتأكد ويصير خير .
ملاك:- ان شاءالله خير عمري بالك عله نوسه
مهيمن:- نرجس بعيوني بدون لا توصين .
سديت الاتصال ورحت كملت شغلي صعدت الغرفتي دا الملم العاب نوسه ودخلت عليه تركض وتصيح ماما
شلته وكعدت على الجربايه وهيه بيده علاكه سألتها
ملاك:- شنو جابلج بابا
ـ دابلي اهيمن ثبث(جبس) ،عثيل (عصير)
ملاك:- وينه ابوج
سوتلي حركه بأيدها. بمعني ما اعرف
خليته تلعب ونزلت اشوفه وينه واني نازله سمعت صوت صرخه شوق ركضت على المطبخ لكيته تنفخ علي ايدها
ملاك:- سلامات گلبي شبيج
شوق:- ايدي احتركت
ملاك:- روحي ادهنيها اني اكمل عنج الغده
راحت واني ضليت احرك بالجدوره طفيت النار وصعدت للغرفه تركت نوسه لوحده واني صاعده سمعت صوت ابن ضحى يبجي ركضت اشوف ضحى متكتره على صفحه مكوره روحها وتبجي وابنها يصرخ دخلت شلته وحطيت بحلكه مميه ورحت الضحى وسألتها
ملاك:- شبيج تبجين ضحى .
تنهت وتحجي
ضحى:- ملاك أرغد مادري شبي ويايه راح اتخبل اني من وره تصرفاته .
ملاك:- بلوقت الحالي هوه مو عله بعضه بسبب مشاكله اصبريله وشوفي شلون يرجع مثل قبل
حجيت وياها الى ان اقتنعت
أنت تقرأ
ألماس مكسور
Mystery / Thrillerذات الـ 19 عام تذهب الى محافظه بغداد لحمايه نفسها ولكن تجد نفسها بين يديه مقيده لا تستطيع النجاة القدر يجمعهم في كُل مره ولكن في اخر مره هُزمت في حُبه الى أن وقعت في شباكٍ من حجر يتُم الاعتداء عليها يا تُره هل يستطيع قلبها النبض له مره اخر ام لا ؟ أ...
