A Hiccup Of Tea (✔)

Chapter 38

To be honest, hindi ko alam kung saan ako tutuloy ngayon. Ayokong umuwi sa bahay, gusto kong iwasan muna pamilya ko lalo na't may panibago akong nalaman ngayon. Hindi ko kakayanin kung may marinig nanaman akong kung ano galing sa kanila.

Ayoko naman pumunta sa bahay nila Hannah, baka maubusan ako ng pasensya't makapagsabi pa ako ng kung ano sa kaniya.

Masiyado akong naaapektuhan sa mga nangyayari kahit hindi naman dapat. Gusto ko lang protektahan ngayon sarili ko kaya umiiwas ako sa kanila.

Natatakot akong harapin yung katotohanan.

Agad akong huminto sa paglalakad nang maalala kong magkakaibigan pala sina Brent, Sam, Brylle at Denver. May kinalaman kaya siya sa ginawa ng tatlo sa akin?

Kumabog yung dibdib ko dahil doon. Hindi malabong alam niya rin.

Nakakatakot nang magtiwala.

"Una na kayo," I told them while facing the floor. I bet confusion is now written all over their faces because of what I said.

"Huh? Hatid ka na namin," Brent insisted pero umiling lang ako.

"T-thank you sa pag-asikaso sa akin kanina. Ayoko nang makaabala pa sa inyo," sabi ko muli.

Napatingin ako bigla kay Allyza nang marahan niyang hinawakan yung kamay ko. She smiled at me as she squeezed my hand which gave me some comfort.

"Is something bothering you?" She asked. Umupo muna kami sa gang chair na nadaanan dito lounge ng hospital.

"W-wala," I stuttered as I answered.

*hic!*

"Christelle."

Tila nagbabanta yung boses ni Allyza kaya no choice ako kundi magsabi sa kanila ng totoo. Alam na pala nila yung tungkol dito sa kondisyon ko, mas mahirap nang itago.

"Are you guys aware of w-what Denver did?" I asked. Nagkatinginan nanaman sila bago sabay na umiling.

"How can I know that you're telling the t-truth?" Tanong ko ulit. Kumunot tuloy noo ng dalawa.

"Busy kami sobra sa Student Council kaya wala na kaming oras halos ni Allyza para sa inyong mga kaibigan namin. Wala ka bang tiwala sa amin?"

Agad na siniko ni Allyza si Brent dahil sa huling tinanong niya sa akin.

"You're insensitive Brent. Great job!" Allyza sarcastically said. Napakamot naman ng batok si Brent dahil doon at humingi ng tawad sa akin.

Mukhang wala nga silang kaalam-alam sa nangyari. Totoo naman talagang bihira nalang namin sila makasama nitong nakaraan dahil sa Student Council duties.

Siguro, ayos lang na magtiwala ako sa kanila kahit kaunti. Mag-iingat nalang ako sa mga sasabihin ko.

"Promise Christelle, wala kaming alam sa kung ano man ginawa ni Denver sayo. Be comfortable with us, there's no need for to you be bothered or worried," Allyza assured me.

"Ano ba nangyari?" Dama ang kuryosidad sa boses ni Brent nang magtanong siya.

"Hindi ba't manliligaw mo ‘yun? Sinaktan ka ba? Gusto mo bang upakan ko? May kabit ba?" Dagdag pa niya. Muli nanaman akong naiyak habang inaalala yung mga nangyari.