نغزات محرمه ( عراقيه)

الحلقه العاشره والحادي عشر

آدم : هذا عمچ يابعد عمچ مشتاقتلي....

فتحت عيوني بصدمه لزمت كلبي باوعت وراي واشوفه ضاحك فاتح حضنه تقدم مني ونزل وجهه كرص خدودي

آدم : يبوووو اكرطها هاي الخدود والغمازات الي اعشقها لسبب ما...

نزلت ايده مني ابتسمت حجيت مكتفه ايدي

قمر : لسبب ما؟ شنو هو؟

صفن بعيوني بشرود شويه وحجه بجديه اول مره

آدم : احب غمازاتج لأن  هم بيها غمازات اثنين بوسط خدودها....

قمر : واوو عندك حبيبه عمو؟.. تحبها؟ من شوكت ليش مانعرف؟

راحت ملامحه صارت جديه شارده تقدم خطوه وحجه بصوت غريب

آدم : المفروض هيج.... يعني هيه حبيبتي.. اي حبيبتي...

قمر : ههههههه مافهمت يعني شنو المفروض؟

آدم : هيج انسي تعرفينها بعدين امشي تعشيتي؟

هزيت راسي بنفي وحجيت

قمر : لاا هسه اريد اشوف شكو عشا.... شفت بابا وين؟

ضيق عيونه بتفكير وحجه

آدم : لاا ماشفته جنت طالع بس سمعت صوت من جهه المسبح اعتقد موجود هناك..

قمر :، صدك؟..... يله اروح اشوف شكو عشا..

آدم : ميرا..

بهتت من همسته بأسم خاله عقدت حاجبي مستغربه لكيته صافن بشرود بوجهي كأنو بغير عالم

قمر : شنوو؟؟

رفع ايده سريع رجع شعره ضحك وتحرك دفعني دخل الاستقبال حجه قبل لا يدخل

آدم : ولا شي روحي شوفي شكو عشا متت جوع...

راح وعافني ورا مصفنه راح انجن هذا شبي غريب ليش كال اسم خالتي... هزيتت ايدي ومشيت للمطبخ ع سيرة خالتي اليوم اخذ الجهاز من بابا ويصير عني جهازي الخاص مثل روان وانزل تطبيقات بي واتونس وهم اراسل صديقاتي... يممم تحمست.. ابتسمت ودخلت المطبخ خاله تصب بالأكل  بتيته وهمبرغر وكبه وزلاطه وطماطه وبعد هواي اكلات سريعه تخبل ريحتها تجنن واني ميته جوع ومزاجي مرتاح...

قمر : عمو آدم جوعان يكول يله...

باوعتلي شايله الخاشوكه اشو هاي هم صفنت بوجهي وحجت ما عاجبها

ام روان : شبعتي نومم بغيابنا؟؟.... شسويتي؟ وشعندج بغرفه ابوج نايمه منه منج يخليج تدخلين غرفته؟....

ابتسمت بصدمه وتقدمت حجيت بعدم فهم

قمر : اي وشبيها إذا نمت بغرفه بابا؟؟... وانتي كلتيها ابوج.... وإذا عن شعجب دخلت الغرفه هو مايقبل احد يدخل غرفته غيري اكيد والكل يعرف..... واليوم من طلعتو اخذني بحضنه نومني...