جيتني مثّل الشروق اللي محى عتم الليّالي

بارت 41

.
.
بعد مرور اسبوع ع ابطالنا شركة ال سالم كانت واقفه بالمرر وهـي ماسكه الملف وهـي تشرح ل الشخص اللي قدامهـا اللي ماكان مع شرحهـا انما كان يتاملهـا وقف وهـو يشوف نظرات هالشخص ل ميلاف
ميلاف : فهـمت ! ضروري ابي نسخ هالملفات توصلني من الارشيف عندكم
رد ب ابتسامه : تامرين آمر
قطع عليهـا سؤال فيصل : شتسوين ؟
ميلاف : عفوا ؟
فيصل : ياشسمك انت موظف هـنا !
رد بغرور : لا بس جيت اوصل ملفات طالبتهـا ميلاف
فيصل : ميلاف ! مو استاذه ميلاف
ميلاف : يعطيك العافيه استاذ ماجد نتواصل
ماجد مد يده يصافحهـا لكن مد يده فيصل وهـو يصافحه وبهـمس : مافي رجال يصافح حرمه ماهـي من محارمه ماتدري !
ماجد ب استفزاز : توي ادري منك
فيصل ببرود : لاعاد تطب هالشركه فهـمت!
ميلاف : فيصل
كمل فيصل وهـو يقرب منه : اي شي تحتاجه ميلاف يجيبه موظف محترم مايطالع ببنات الناس او مانبي منكم شي
ماجد قرب يدفه : احترم نفسك ! بعدين بصفتك مين تكلمني
فيصل : يهـمك ؟ مايهـمك ويلا هالشركه تتعذرك
ماجد : ميلاف هـذا مين !
فيصل بعصبيه : واحد لاتجيب اسمهـا ع لسانك اثنين يوم اتكلم معك انا تكلمني يالرمه ماتطالع بالحرمه بوجود رجال ياعديم الشخصيه
ماجد : لاترفع صوتك علي احشم عمرك
فيصل : واذا ماحشمت عمري ! وش بتسوي
ميلاف : فيصل خلاص
لف وهـو ويبعدهـا ويشد ع اسنانهـا لاتتدخلين فهـمتي او لا عشان ماكسر بخاطرك
ماجد : تكسر خاطر مين !
فيصل قرب وهـو يلكمه ويكمل كلامه اكسر بخاطرك انت يالورع قام ماجد وهـو يرد اللكمه ل فيصل
ميلاف بصراخ : نادو الامن بسرعه
وصل الأمن اللي فرقو بين ماجد وفيصل بالقوه كان ماجد يستفز فيصل بضحكاته وكل مازادت ضحكاته ونظراته ل ميلاف كان يزيد ب لكماته زفر يده من الأمن وهو يتفل عليه ويتوجه ل مكتبه كان هالمنظر تحت انظار ميلاف اللي رجولهـا ماشالتهـا ورجفت يدهـا ماهـدت ابدا كانت ماسكه دموعهـا بالقوه وتهـدي نفسهـا وهـي تتوجه تاخذ الاسعافات الاوليه وتروح ل فيصل
.
.
مكتب فيصل . .
دقت الباب وهـي تاخذ نفس وصله جاوبه اللي كان ب عصبيه انه مايبي احد الحين اخذت نفس وهـي تتجاهـل كلامه وتدخل مكتبه
فيصل ببرود : تبين شي !
ميلاف برجفه : انا انا بس كنت
فيصل : انتي ايش شفيك !
ميلاف وهـي تمسح دموعهـا : اسفه مانتبهـت ل نظراته ولا كلامه انا بس كنت افهـمه ع الاغراض اللي ابيهـا
فيصل بتنهيده : حصل خير
قربت وهـي تمد له علبة الاسعاف الاوليه وتحطهـا ع مكتبه نطقت بهـدوء : اساعدك
هـز راسه بمعنى ايه قربت ويدهـا ترجف وهـي تمسح طرف حاجبه كانت تبعد نظراته عنه وهـي حاسه بنظراته لهـا وابتسامته الخفيه حطت اللصقه وهـي تبعد عن انظاره ل خارج مكتبه وقفت عند الباب وهـي تحط يدهـا ع قلبهـا وبهـمس : يمه ليه نظراته كذا حلو وتوي الاحظ !

مستشفى ال فيصل . .
اصوات الاسعاف خارج المستشفى صوت بكي صراخ العربات بدت تتنقل ل غرفة الطوارى اصوات جري الممرضات والدكاتره
ريم برجفه : كيان تعالي هنا ماقدر
كيان : ايش فيه
ريم : طفل صغير مره عمره يمكن 4 سنوات تعرض ل ضربة الحديده ب جهة قلبه وضعه خطير كيان
كيان : اهـدي اهـدي خلاص انا ب انتبه له روحي ل مريض ثاني
ريم : تمام
كيان : حبيبي تتحمل انت تقدر باذن الله توك صغير توك
قربت وهـي تكشف ع عينه وتلمح الحديده اللي جرحت جهة قلبه هـمست برعب : لا لا ليكون نزيف داخلي لا ياربي كملت بصراخ جهـزو غرفة العلميات بسرعه وخذو هالطفل انا جايه
لفت نظرهـا وهـي تتامل غرفة الطوارى كيف مقلوبه فوق تحت كان حادث سيارتين ل عايليتن السياره الاولى كانت الام والاب وبنت وولد  بعمر ال 18 و 21  السياره الثانيه كانت ل ام واب وطفل بعمر ال 4 سنوات كانت اول مره بعد حادث كيان تشوف المستشفى ب هالحاله وهـالمنظر المُفجع كانت تدعي ب يارب سلمهـم كلهـم يارب
دخلت غرفة العمليات وهـي تلبس القلفز وتبدا عمليتهـا كان هالطفل مليان براءه وعيونه مغمضه كانه نايم ماكنه ب عمليه خطره وممكن تكون نتيجتهـا سلبيه تاملته كيف مغمض عيونه ووجهه مليان جروح ويده مليانه دم قربت وهـي ترفع شعر الطفل راح اساعدك باذن الله بس خليك قوي ممكن !
الممرضه : دكتوره كيان النبض توقف
كيان بصراخ : النزيف زاد بسرعه عطوني المشرط راح احاول اوقف النزيف بطريقه ثانيه كملت بتوتر وهـي تدعي ان هالطريقه تكون ناجحه ل هالطفل قطع عليهـا توترهـا وتركيزهـا صوت الممرضه وهـي تطمنهـا بان النبض رجع طبيعي رفعت يدهـا وهـي تجلس ب تعب وقل حيله بعد ساعتين متواصله من العمليه واخيرا خلصت كملت بتعب وهـي تامرهـم يحطونه بالعنايه تحت المراقبه 24 ساعه
خرجت بعد مافكت لبس العمليه وغسلت يدهـا جلست ع اقرب كرسي وهـي تجهـش بالبكي وتحمد الله انهـا ماخسرت هالطفل كان يسال اذا خلصت عمليتهـا بس الممرضه اشرت له ب مكانهـا قرب منهـا وبخوف
فهـد : كيان حبيبي وش فيك !
كيان بدموع وشهـقه : كان راح يموت الطفل مرا صغير فهـد خفت خفت اخسره
فهـد وهـو يضمهـا : اهـدي اهـدي اهمشي نجحت العمليه ! ربي ساعدك وانتي دكتوره شاطره تقدرين لاتخافين
كيان بدموع : فهـد خفت مرا
فهـد : خلاص الحمد الله عدى عدى ياعيون فهـد
كيان : اهله !
فهـد بتنهيده : الحمد الله الام ماعندهـا اصابات خطيره بس الاب عنده كسر برجله المتضرر الاكثر هالطفل لانه خرج من السياره وقت الحادث
غمضت عيونهـا وهي تتخيل المنظر زي ماوصفه فهـد
فهـد : كيان خليك قويه
هـزت راسهـا وهـي تمسح دموعهـا بمعنى تمام وقفت بتقوم لكن اختل توازنهـا للحظه قام فهـد وهـو يسندهـا بخوف
فهد : بنت شفيك !
كيان : اعوذ بالله جتني دوخه !
فهـد : امشي نكشف
كيان : فهـد حبيبي لاتخاف يوم طويل وارهـاق تعبت منه
فهـد : طيب امشي بوديك مكتبك
هـزت راسهـا بالنفي : لا بروح اشوف وش صار ع الباقي
فهـد : كلهـم بخير لاتخافين الامور طيبه روحي مكتبك ارتاحي
كيان : طيب بس شوي مر على الولد طمني
فهـد : ابشري من عيوني مالك الا اللي تبينه

مكتب مهـند . .
ريم : اوف الحمد الله عدى ع خير
مهـند بتنهيده : اي والله الحمد الله بدون خساير يارب لك الحمد الله
ريم : ياويلي كان فيه طفل عمره 4 سنوات تركته ل كيان مادري وش صار معه !
مهند : ع حسب اللي سمعته عمليته نجحت بس بالعنايه تحت المراقبه
ريم بتنهيده : الله يطمن اهله يارب
مهند : آمين ياعيوني انتي
قطع عليهـم اتصال ام مهـند فيديو اللي كانت بيان عندهـا
ام مهـند : شكل الحلوه اشتاقت لكم وطفشت مني
ريم : ياحبيبه ماما انتي
مهند : عسى ما ازعجتك يمه
ام مهند : ب عيوني والله انهـا منوره علينا البيت
ريم : الله يخليك لنا يارب
ام مهـند : ويحفظكم ويخليكم لهـا
مهند : آمين يارب ، طولنا اليوم كان عندنا حادث عشان كذا
ام مهند : الله يقويكم يمه عساكم ع القوه ما اشغلكم واي وقت تجون ع راحتكم
مهند : فمان الكريم يمه
ريم : كم الساعه صارت ؟
مهند : 7 المغرب
ريم بصدمه : تمزح ! يمه ماحسيت بالوقت مرا تاخرنا
مهند : الدوام الاضافي يخلص 9 شرايك ناخذ بيان ونروح مطعم !
ريم بتعب : منهاره تعب شرايك ناكل بالبيت ونعوضهـا بكرا !
مهند : بعدين مهند ليه مانخرج ! مهند انت تغيرت
ريم بضحكه : شدعوه انا كذا ؟
مهند : لا خيالك

بالشركة عند سلطان وفيصل . .
سلطان : وجهـك ليه كذا وش صاير !
فيصل : تهـاوشت مع واحد سخيف مافي شي مهـم
سلطان : كلمني وش صاير
فيصل : واحد من قسم الارشيف عيونه طويله لكن علمته حدوده الورع
سلطان : طويله ع مين ! ع احد من الشركه
فيصل بسخريه : ميلاف
سلطان : الحقير
فيصل : لاتخاف ربيته عشان ثاني مرا يوم يشوفهـا يقصر عينه هـذا اذا شافهـا مرا ثانيه
سلطان : ليكون الهوشه قدام ميلاف ! تراهـا خوافه
فيصل : اي جتني ترجف وتعتذر
سلطان : اي !
فيصل : وش اي ماصار شي انتهاء
سلطان : دقيقه اخوي مكلمني من قبل اسبوع انك تبي ميلاف ماعزمت ! للحين
فيصل : الا عزمت كلمت ابوي ع نهاية الاسبوع باذن الله
سلطان : اي عجل لان في ناس عيونهم طويله مالنا خلق مشاكل
فيصل : شقصدك !