.
.
بداية يوم جديده الاسابيع بدت تمشي نهاية الترم قربت اخر اسبوع للبنات ف التدريب ، لان الاسبوع اللي بعده قبل الفاينل ولازم يكونون مستعدين
مستشفى ال فيصل . .
عند كيان كانن منسجمه ب الملفات اللي قدامها مانتبهت ل فهد اللي كان عارف انها بتصقع فيه ووقف ينتظرها تنتبه او لا ماحس
فهد بسخريه: رجعنا للطير يلي؟
كيان ب احراج: اسفه بس مرا عقلي مو معي
فهد بهدوء: ركزي ولا تخافين من شي لان الخوف ممكن يخرب كل شي اي سؤال كلميني
كيان بصدمه: بسم الله انت دكتور فهد؟
فهد : لا خياله وش شايفتني انتي !
كيان : لا مو قصدي
فهـد : تمام
كيان وهي تحط يدها على قلبها: يابنت اثقلي اوكي ريحة عطره حلوه بس اهجدي
ب الجهة الثانيه من المستشفى . .
مهند ب ابتسامه: صباح الخير
ريم: صباح الخير دكتور مهند
مهند: لا انتي ناويه تجننيني
ريم ببراءه: وش سويت ؟
مهند بتنهيده: كل اللي سوتيه انك ماخذه عقلي مايكفيك؟
ب الجامعه . . .
ساره: شفيها بيان تاخرت متاكده كلمتيها
شادن: اي كلمتها وقالت خرجت
ساره: طيب مابقي الا خمس دقايق ع الاختبار !
شادن وهي تقفل جوالها بخوف: مقفل للحين
ساره: مانبي طاقه سلبيه يمكن مافيه شحن
شادن: اي اكيد
ساره : دخلنا الاختبار تلحقنا هـناك تمام !
شادن : تمام
بالمستشفى . .
نادين : دكتور فهـد الاسعاف اتصل في حادث سيارتين السياره الاولى فيهـا بنت السياره الثانيه زوج وزوجته وضعهـم كلهم خطر هـم جاين بالطريق
فهـد : جهـزي غرفة العمليات ع طول استدعي الاطباء ع الطوارى بسرعه مانبي نتاخر
وصلت سيارة الاسعاف كيان وريم اللي كانو وراى ماكانو يسمعون الا همس الممرضات انها بنت شابه واصابتها كانت خطيره والسياره الثانيه رجال وزوجته ووضعهم برضو خطر
كيان بخوف: يارب يارب ساعدهم يارب
ريم: آمين آمين
فهد: كيان كيان بسرعه ابغا جهاز الاكسجين بسرعه
ريم: انا بعطيه انتي واضح متوتره
كيان: مدري شفيني قلبي ناغزني
ريم اللي وصلت عند فهد وانصدمت من الوجه اللي شافته كانت صديقة عمرها ملطخه ب الدم ضلت واقفه بدون صوت ماصحاها الا صراخ فهد: الاكسجين يادكتوره
ريم برجفه: بيان
فهـد : دكتور ريم انتي معي !
ريم برجفة : ب ي ان هذي هذي اختي
فهـد : ايش قاعد تقولين ؟ يا ممرضه بسرعه تعالي ل هـنا احد يمسك دكتوره ريم بسرعه
كيان بخوف : ريم وش فيك ايش صار ليه خافت !
الممرضه : كانت تقول اختي
كيان بخوف : مافهمت ايش صاير ريم ايش فيهـا
مشت بسرعه ل جهـت فهـد وهـي تشوف البنت اللي كانت تدعي لهـا هـي نفسهـا اختهـا وصحبة عمرهـا بيان كان وجهـا مليان بالدم يدهـا مليانه جروح كانت جثه امامهـا وقفت بدون اي حركه تطالع ورجولهـا موقادره توقف من كثر رجفتهـا قطع عليهـا صدمتهـا صراخ دكتور فهـد ب قلب البنت وقف
فهد بصراخ: قلب البنت وقف بسرعه جهاز صدمات القلب بسرعه
كيان اللي كانت جسد بدون روح ريم اللي اخذوهـا الممرضات ومن صراخ فهد اللي يحاول ف قلب بيان اللي للحين صوت النبض وهو واقف بعقلها التفت لفهد اللي شال يده بقل حيله
كيان برجفه: دكتور فهد شفيك وقفت ساعد بيان
فهد: كيان اهدي
كيان بدموع : بيان قومي ادري انك نايمه
فهـد : كيان
كيان : دكتور فهـد بتتعافى اختي صح ! بتقوم بصحه وعافيه صح
فهـد : كيان اهـدي
كيان بصراخ: مارح اهدى فهد ابي اختي فهد اختي لاتموتت
فهد وهي يحاول يمسكها: كيان
دفته ومشت ل بيان اللي كانت مغمضه واللي روحها فارقت حياتهم بهاللحظه
كيان ودموعها تسيل : بيان قومي لاتمزحين معي قومي بيان انتي قلتي بنحقق احلامنا سوا صح طيب مو قلتي امس بتجبين لي كوكيز وينه قومي سامحتك مابي بيان لاتروحين الله يخليكك ، فهد بيان نايمه الحين تصحى وبصراخ فهد رد علي مارحت
فهد بهدوء: كيان اهدي بيان راحت عند اللي احسن مني ومنك راحت ل مكانها الافضل
كيان وهي تاشر له بمعنى اسكت وبصراخ : لاتكمل كلامك طيب مابي اسمع شي قربت منها وهي تمسك يدها وبرجفه : يدهـا بارده ليه ! هي شكلها خايفه خافت اكيد عشان كذا اطرافها بردت بيان انا ادفيك يا اختي طيب لاتبردين قربت تغطيها وبشهقه بيان لاتتركيني الله يخليك فهد سوي اي شي الله يخليك لاتخليها تتركني
فهـد : اسف كيان الله يرحمهـا
طاحت بقل حيله طاحت بوجع طاحت من صدمة طاحت وهـي تشهق وقلبهـا يوجعهـا
فهد: كيان خذي المويه قومي !
كيان بهدوء ودموعها تسيل: وش اقول ل ساره وشادن من اليوم يتصلون يقولون قالت بخرج ولاجت صارت الساعه ١٠ وهي وينها
وش اقول لهم ريم وش اقول لها دكتور فهد ماقدر اتحمل هذا كله حطت يدها على وجها وهي تبكي
ب الجهة الثانيه عند ريم اللي فتحت عيونها . .
مهند: ريم
ريم بدموع: وين بيان انقذوها صح الله يخليك قول لي مافيها شي وديني لها
مهند: ريم اهدي خليك قويه
ريم بصراخ: ابغا بيان جيبها لي او خليني اقوم لها وين كيان
مهند: بيان تو.. قطعت عليه بصراخها
ريم: لاتكمل ماتتركني بيان ماتتركني ابعد ابي بيان ابيها
مهند وهو يحط الابره المهدئه: سامحيني بس لازم اسوي كذا
ريم: بيان بيان لاتروحين لاتروحين
ب الجامعه . .
شادن: قلبي بدا يوجعني امشي نروح المستشفى للبنات ناخذهم ونروح بيتها
ساره ب توتر: يلا انا معاك لان من اول اقول تحملي تحملي مو قادره
عند فهد وكيان اللي كانت دموعها تنزل ب صمت وهي تفكر بمليون شغله وشغله قطع عليها سؤال فهد: عطيني رقم اي احد من اهلها
ضحكت كيان بسخريه من بين دموعها: ماعندها
فهد: شلون ماعندها
كيان: ابوها يصبحها ويمسيها ب ضرب و متزوج وحده ثانيه اذتها ف حياتها وكانها كانت ناقصه كان يقول لها انه ب القوه متحملها وانها شي ثقيل عليه كانت تجي تبكي عندنا كل يوم بسببهم ب اختصار لو قلت لهم ماتت مارح يفرق معهم
فهد بتنهيده: حسبيا الله وش هالاب ، مايمنع لازم نبلغهم يضلون اهلها
قطع عليهم دخول نادين السكرتيره
نادين: استاذه كيان ف بنات هنا يقولون صحباتك يبغونك
كيان وهي تطالع فهد: شادن وساره مابغا اقول لهم ولا اشوفهم
فهد: لازم انتي تقولين لهم خليك قويه وفهميهم بشويش
كيان بدموع: ماقدر
فهد: تقدرين صدقيني مايكفي ريم اللي طاحت لازم تكونين قويه عشان بيان ، نادين خليهم يدخلون
كيان وقفت وهي تمسح دموعها
شادن وهي تضم فهد : كيان وينك انتي وريم من اليوم ندق عليكم
ساره ب توتر: امشو نروح ل بيان البيت قالت خارجه وماجت حتى الاختبار راح عليهـا مو عوايدها تفوت اختباراتها !
شادن: بالي معاها تكفون يلا نروح لها وين ريم
ساره: كيان شفيك منزله راسك ردي علينا
شادن: كيان لاتخوفينا شفيك وين ريم
كيان بدموع : بقولكم شي طيب بس لاتخافون !
شادن بتوتر : ليه تبكين ؟
كيان : ماعرف كيف ابدا او كيف اقولكم
ساره : كيان اهرجي وش فيه !
كيان : بنات ، بيان ماتت
ساره : ايش !
كيان بشهقه : جت هنا بحادث شفتها يابنت دكتور فهد كان يساعدها ماتحملت ماتت
شادن بدموع : ايش قاعد تقولين انتي !
ساره بصدمه: كيان وخري بلا مزح انتي وياها وين بيان
شادن: لا اكيد تمزحون وينهم مو وقت مقالب ترا ياويلكم
كيان بشهقه: مو مقلب ولا مزح ولاشي بيان ماتت
ساره: لا لا ماماتت
شادن بصراخ: وش قاعده تقولين انتي وينها
فهد: شادن اهدي ياخوك
شادن بدموع: تقول بيان ماتت بيان ما تموت انا قلت لها قدامنا عمر طويل ماتروح وتتركنا
ساره بدموع: كيان ابي اختي تكفين لاتروح ماقدر بدونها
كيان بدموع: الله يصبرنا يابنات ريم طاحت وكل ماتصحى تصارخ خليكم قويات عشانها تكفون
شادن بدموع : ابي اشوف بيان تكفون
عند البنات دخلو عند بيان اللي كانت متغطيه كلها رفعت كيان عن وجها
شادن بدموع: ليتك نايمه ، ليت هذا كله حلم
ساره: ليه تركتينا نهون عليك مين يعوضنا عنك هاه كسرتي ظهورنا ياختك عورتي قلوبنا
كيان: وش حسيتي فيه بذيك اللحظه قد ايش خفتي ليتني كنت جنبك وش يقوينا الحين كيف بنقوم بعد فراقك؟
شادن قربت وهي تبوس راسها: الله يجمعني فيك ياختي ب الجنه الله يجبر كسر قلوبنا
خرجو البنات وقلوبهم خلوها هناك عند بيان اللي فارقتهم ف لحظه محد توقعها محد كان يدري ان هالمكالمه الاخيره بينهم كان اخر كلامها ودي اشوف وجيهكم وكنها كانت تودعهم وكنها حاسه ب كل شي بهالفتره وهم كان ع بالهم مجرد ضيق وبيروح بس هي اللي راحت وراح معاها ضيقها
عند ريم كان البنات متجمعين حولها ينتظرونها تصحى واخيرا فتحت عيونها
كيان: ريم حبيبي تبين مويه
ريم هزت راسها بمعنى ايه التفت شافت ساره وشادن نطقت ودموعها سبقت كلامها: راحت يعني مو حلم
كيان بدموع: عند اللي احسن مني ومنك
ريم وهي تحط راسها ع كتف كيان: كسرت ظهري ياكيان
شادن: كسرت ظهورنا كلنا ياريم حنا عشانها لازم نكون قويات فهمتو
YOU ARE READING
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
