جيتني مثّل الشروق اللي محى عتم الليّالي

بارت 22

.
.
سلطان وهو يجلس: شفيك انت اهرج
فهد بتوتر وبهدوء: مو عارف ابدا ولا وش اقولك بس شكلي طحت ياخوك وطيحه شينه بعد
سلطان بضحكه: اييي واخيرا انا قلت وراك بلا
فهد بهدوء: مادري هو حب ! او اعجاب سميه اللي تسميه بس كل اللي اعرفه انها غيرت ثباتي وقلبي وحتى ملامح وجهي
سلطان ب ابتسامه: من اللي قدرت تلين العصبي حقنا!
فهد ببرود: تخيل ع رغم معاملتي السئه معاها الا ان رقتها وكلامها هم اللي لينوني وخلوني اندم بعد كل كلمه اقولها!
سلطان بضحكه: فهد ياخوك تعال احس راسك !
فهد بهدوء: قلت لها اتمنى مانشوف بعض مرا ثانيه !
سلطان بصدمه: شلون قلت هي قالت لك شي او وضحت!
فهد بنفي: لا ماقالت بس انا حسيت نفسي وحسيت من توترها وهي حولي
سلطان بتنهيده : شوف ياخوك الحُب يبان على الملامح ، يبان تأثيره في روحك في النبرة ، في الضحكة ، في اختيار الثياب و الكلمات في الجلسةالحوار .الحُب يجمل و يخليك متصالح مع الكل و مع ذاتك .. راضي و واثق و مقتنع و يخليك أحلى و أحلى
وانا شايف هالشي فيك ، لاتحسبني مالاحظت شرودك ياخوك ! لاحظت بس كنت عارف انك بتقول اللي عندك وبهدوء كمل انا عارف انها كيان ولاتسالني كيف عرفت كيان بتغيركك مو عشان شي بس عشان انا اعرفها اكثر من كل شي وتذكر كلامي زين
فهد: كيف عرفت !
سلطان بضحكه: يوم ماتت صحبتها ذاك اليوم شفت كيف كنت تناظرها كل ماكنت تبكي كل ماجيبها ل اختك كيف تناظرها
فهد وهو يحك راسه: يعني كنت مفضوح
سلطان: وجدا ! تراها بنتي وكل شي لاتكسرها ياخوك
فهد بتنهيده: مو انا بعدت عشان لا اكسرها ولا اجرحها خايف من عصبيتي ياسلطان
سلطان: وش فيها عصبيتك لا اول ولا اخر واحد تعصب
فهد بسخريه: اعصب بس
سلطان بضحكه: وتكسر شوي
قسم الحريم . . . 
مها بنغزات: ماشاء الله عليكم ولاكنه صحبتكم ماتت قبل شهر ضحك ووناسه
كيان بصدمه: يعني لو ضحكنا واستانسنا يعني نسيناها؟
شادن: مو لازم نصيح ونوح قدامك الله اعلم ب كل شي
ام فهد: شادن يمه شوفي المطبخ جيبي القهوه
كيان: خذيني معك
مها: ماشاء الله ع بناتكم ف الردود حدث لا حرج
ام كيان بهدوء: الجرح اللي صار لهم بفراق صحبتهم مايعلم فيه الا الله احنا مو في قلوبهم عشان نحكم
سكت مها بغيض والواضح ماعجبها كلامهم ولا ارتاحت ل كيان
كيان وهي تجلس ع الكرسي وترفع شعرها كعكه: اخوك الرقيق ودعني بطريقه واو ايشي برود ايشي استفزاز وفوق ذا كله يقول اتمنى ما نتقابل مره ثانيه كاني اجري وراه سلامات !
شادن: ماعليك اعذريه مايعرف يبين مشاعره
كيان: ع اساس اني ماسكه يده ورجله اقوله حبني
شادن بضحكه: تراه يحبك الصدق ، اخوي متغير يابنت انا اعرفه
كيان : اي واضح الحب
شادن: كل ماتتصلين يسوي نفسه نايم بس عشان يسمع صوتك جنبي مايكفيك؟
كيان : مايهـمني تصرفاته وانا مو موجوده بس قدامي خليني ساكته
شادن كانت بتهرج انه فهد دخل بس اشر لها فهد بمعنى اسكتي خليها تقول اللي تبي لف ظهـره بحيث يسمعهـا وش تقول بس بدون لايشوفهـا ولاتشوفه
كيان ب انفعال: اخوك ذا رجل الي حتى الرجل الالي شكله عنده مشاعر
شادن ماقدرت ماتضحك ع شكل فهد المصدوم
كيان: اقول نكته انا
شادن: الا وين نوف ماشوفها
مها: والله انتي وصحبتك كنكم ماتبغونها طفشت وخرجت برا تمشي
ام كيان: يمه روحو لها اقعدو معاها
كيان بهمس: ياليل
شادن: مشينا اوريك الخيول
كيان: صبر ناخذ جلال معنا احتياط
شادن: تمام
عند البنات وصولو عند اسطبل الخيل . .
كيان: شادن ليكون فيه احد اسمع اصوات
شادن: مشينا نشوف اصلا ب جلالنا لو فيه احد مشينا
دخلو شادن وكيان ونوف موجوده ومعها جاكيت فهد
شادن ب استغراب: وش تسوين هنا لوحدك
نوف بدلع وهي تمسك الجاكيت: من قال اني لوحدي
شادن: ليه فيه احد خفي حنا مانشوفه!
كيان بهمس وغصه: جاكيت فهد معاها
شادن : ايش!
كيان: عبيطه انتي ماتعرفين حق اخوك!
شادن: نوف هذا جاكيت فهد ولا انا غلطانه ؟
نوف بدلع: اي تخيلو شافني وعطاني قال لي اغار احد يشوفك!
شادن بضحكه: فهد اخوي قال كذا
نوف وهي تقرب من كيان: شفيك انصدمتي؟ ووجهك احمر تعبانه ؟
كيان وهي تبعدها بقرف: مافيني شي
نوف وهي تمشي خارجه: شادن اشكري اخوك عني ع الجاكيت وخرجت
شادن بقهر: مستفزه ذي شفيها ماتستحي؟
كيان وهي تمسك اصابعها وتطقها للمره المليون: فهد كان معاها
شادن: اكيد تكذب
كيان: والجاكيت؟
شادن: اكيد له سالفه
كيان ببرود وهي تبلع غصتها: مايهمني
شادن: كيان
كيان وهي تحاول تخفي رجفتها وتوترها: يلا نرجع
نرجع ل قبل كم دقيقه عند فهد ونوف
فهد بعصبيه وهو يدفها ويرمي جاكيته عليها: للمره المليون احذرك يانوف لاتطلعين قدامي ب هاذي الطريقه انا ماني محرم لك طيب وشيلي الافكار القديمه من عقلك
نوف بخوف من عصبيته: بس انا
فهد: ولا كلمه ابعدي عني
قسم الرجال . . .
فهد دخل بعصبيه وهو يجلس بجنب مهند وسلطان
مهند: شفيك ياخوي!
سلطان: صاير شي رحت ب وجه وجيت ب وجه
فهد: ولاشي بس قرفان من سالفة زواجي من نوف بنت عمتي ودي احط حد
مهند: وش بتسوي مع ابوك!
سلطان: يعني عارف وصية جدك ماتوقع ان ابوك بيكسر عمتك
فهد: انا اكلها مع هالمتخلفه بنتها اللي لاحياء ولاشي
مهند: هدي ياخوك كل شي وله حل حاول تتكلم مع ابوك وش بيصير
سلطان: لازم حل لهالموضوع خصوصي ان قلبك بدا يميل ل جهه ثانيه
فهد: والله شكرا انك ذكرتني صراحه
مهند: اعترف ولا قال لي صح ؟ مسوين اسرار علي والله اوريكم
سلطان بضحكه: شفيك اكلتنا ترا كلمني اليوم
مهـند : حتى ولو حتى ولو
فهـد : مو وقتك مهـند طيب
سلطان : عندي مكالمه ضروريه شوي واجيكم
راحت شادن تنادي مشاري عشان العشاء  ، كان يكلم مكالمه ضروريه لفتت انتباهه كيف جميله بشعرها القصير الواصل اكتافها البلوزه اللي مبينه نص خصرها كيف تكلم مشاري وهي تتاميل والواضح انه تبي منه شي وهو رافض قطع عليه الصوت: استاذ سلطان انت معي
سلطان: اي اي معك
انتهاء يوم المزرعه ع خير اضطرو اهل كيان يمشون بسبب انشغال ابوها وضلو اهل فهد ب المزرعه بيمشون الصبح

يوم جديد
عند عصافير الحب اللي اختفينا عنهم شوي تحديدا غرفة نوم ريم
مهند: بدق بقولك حاجه ضروري
ريم: لا وش تبي قول هنا
مهند: يابنتي شي ضروري وبعدين اشتقت ل صوتك
صار لنا فتره
ريم: مهند انا قلت لك اللي عندي، انا خير شر هالسواليف مو راضيه عنها بس عشانك
مهند: طيب ردي ممكن ولا تنجلدين!
ريم: ماينقال هنا يعني
مهند: ريم ترا بعصب
ريم وهي ترد: اشوف عصب يلا
مهند: لا انا كذا اموت عند هالصوت ماعصب
ريم بحياء: اقول شتبي بسرعه عندك خمس دقايق
مهند بهدوء: كلمت  امي عنك
ريم بصدمه: ايش!
مهند: كلمت امي عنك وقلت لها اني ابيك
ريم: ووش قالت
مهند: مانكر رفضت ب البدايه بس قلت لها اني دربتك واعرف اخلاقك وعجبتيني ووافقت بس بشرط تجي تشوفك اول بعدين الخطبه والملكه سوا شرايك!
ريم بتوتر: يمه احس خفت
مهند بضحكه: لاتخافين ترا امي طيبه وانا عارف بتحبك ، وبصراحه ياليت تسعجلون لان بموت وتصيرين حلالي
ريم: مجنون ، يلا باي بقفل
مهند: ارسلي رقم امك وعنوان بيتكم
ريم: تمام
مهند: احبكك
ريم بدا قلبها يدق بسرعه وقفلت الخط كانت اول احبك من مهند نطقها بكل حُب وصراحه
ريم وهي ترسل للبنات سلامات متى ناوين نتقابل ليكون ب الجامعه الاسبوع الجاي؟
شادن بضحكه: للامانه اشتقت لكم
ساره: اي شايفين بعض ب المزرعه وناسيني انا وريم صح
ريم: الا وين كيان ؟ من بعد المزرعه مختفيه ماتلاحظون
ساره: الا ارسل لها ماترد اكيد فيها
شادن: اوفف تكفون ! 
ريم؛ وش فيه
شادن: دقي عليها نتقابل عندها بكرا واقولكم تمام!