جيتني مثّل الشروق اللي محى عتم الليّالي

بارت 20

.
.
بعد مرور اسبوع كان كثيف ع البنات من ناحية المذاكره وتسليم مشاريع وتعديل درجات ماتجمعو عند كيان من ذاك اليوم هددتهم انهم لو ماجو اليوم بما انه اخر يوم ويبدا الفاينل بتزعل منهم واخيرا قررو يتجمعون بعد غياب اسبوع
بيت ال فيصل . .
ابو كيان: يبه كيان حتى انا اطلع مع ذول
كيان بضحكه: انت محشوم بس التؤام المختلف ذول لا اشوفهم
سلطان: والله عازم اصحابنا ب المجلس حقنا يعني ياحبيبة عمك جهزي من كل شي اثنين
كيان بعصبيه: سبحان الله سبحان الله مالقيت الا اليوم
فيصل: اقول ياسنفوره ترا انتو بقسم واحنا ب وادي لاتكثرين كلام سوي ثلاجتين قهوه وحلا وخلاص
سلطان: والعشاء ولا تزعلين على حسابي وش تبين بعد
كيان: كثر الله خيركم ، بعدين خلي ميري تسوي لكم شدخلني
ابو كيان: اتركو بنتي بحالها تسوي اللي تبغاه لحد يزعجها
كيان: بابا ب الله ليه يختارون اليوم فوضى
ابو كيان: مايدرون يبه معليه عشاني طنشيهم
كيان: مستفزين وع

بيت ال فيصل . .
فتحت شعرها اللي يوصل ل اخر اكتافها لبست بنطلون هاي ويست مع تيشرت فضلت ماتحط شي بوجها ب انه جمعه عاديه
شادن: فهد مشاري وينكم يلااا
ابو شادن: هاه يبه على وين
شادن: رايحه ل صديقتي كيان وهم معزومين عند عمها
ابو شادن: شسمه عمها
فهد: يبه سلطان ال سالم تعرفهم كانو جيراننا ب البيت القديم
ابو شادن: اي اي تذكرتهم كان صديقي سالم واختفى من زمان وصل له سلامي وقول له لنا لقاء قريب
فهد: ابشر يبه ، مشاري يلا ولا الحقني ب سيارتك
مشاري: لا مايحتاج يلا مشينا
شادن: وقفني اي مكان باخذ تشوكلت او اي شي معي
فهد: من عيوني
شادن بهمس: اهرج مع كيان كذا وش بتخسر
فهد: شرايك اهرج معك زي كيان وش بخسر؟
شادن: يمه لا خلاص
مشاري: الحين البزر قدام وانا رجال وراى صدق ماعندي سالفه
شادن: لاتصيح بس
مشاري: لايكثر بس وشغلي المسجل
شادن قربت بتشغل المسجل وانتبهت ل اسوارة كيان اللي كانت تدور وراها شادن وهي تاخذها وتبعد بحيث مايشوفها مشاري اشرت له بمعنى وش ذا !
فهد وهو يسحبها: اكره اللقافه اهجدي
شادن بهمس: فهـد !
فهـد : شادن قفلي
بيت ال سالم . . .
كيان: اهلين وحشتوني مراا
ريم: اكثر والله احس راسي كله معلومات ماستقبل اي شي
ساره: انا كل ماغمض اشوف فيثاغورس افتح اشوف ارقام لو سولفتو معي بطيح
كيان: لالا مو ناقصين جاين ننبسط ونغير جو احنا
الدور اللي تحت ب الصاله كانت ام كيان وسلطان ب الصاله، ام كيان تتحجب من سلطان بس بحكم انها ربته وكان مع فيصل ف يعتبرها اخته الكبيره
سلطان: يرضيك بنتك تسوي فيني كذا ياختي
ام كيان بضحكه: ماعليك ترا مجهزه كل شي بس تعاندك
قطع عليهم رنين الجرس، سلطان: انا بفتح
شادن اوفف كتمه بفتح الرميه اكيد مافي احد تجمد سلطان من البنت اللي شافها قدامه كانت تحرك يدها ب عفويه دليل ع الحررفعت راسها من انتبهت ل جسم ضخم قدامها شادن وهي تبعد بخوف
سلطان ب احراج: اسف تفضلي
ام كيان: شادن يمه معليه مادري انك تاخرتي
شادن وهي تسلم عليها: لاعادي خالتي البنات فوق
ام كيان: اي يمه اصعدي لهم
سلطان: راحت
ام كيان: اي راحت
سلطان انا بروح للشباب
عند البنات ب غرفة كيان . . . 
شادن من وراى الباب: وش تحشون فيني هاه اعترفو
كيان وهي تضمها: اهلين اهلين
شادن: اهلين ب مرت اخوي
ريم: ايش
ساره: وش تقولين
كيان وهي تضربها: وش تقولين انتي متخلفه
ساره: الله شادن وش هالحلاوه محللووه
شادن: قصيت شعري كيف
ريم: يجنن عليك

ب المجلس عند الشباب . . .
ابو كيان: وصل سلامي ل الولد يافهد واطلب منه العذر ع القطاعه بس تعرف الدنيا
فهد: معذور ياعمي
ابو كيان: يلا انا اترككم
مهند: مابغيتو تتجمعون يامال العافيه هالكلام مو ل فهد ولا مشاري لان كل يوم اشوفهم غثوني
فيصل: انا من جاء سلطان الشركه وهو مو مخليني اتنفس حتى
فهد: احمد ربي كل يوم تشوفنا
مشاري: انا ادري كمان متضايق
سلطان: انا عندي مناقصه ادعو اربحها اذا ربحتها لكم اللي تبون
مشاري: خليكم شاهدين عليه
الكل: شاهدين
مشاري: فهد شهايد المتدربين بعد اختبارتهم تتسلم لاتنسى انت ومهند
سلطان: علمني درجة بنت اخوي
فهد: اقول وخر عني لا اجلدك

شادن: كيان غني بليز
ريم: اي تكفين ابغا اروق
ساره: غني اغنيه رومانسيه بليز
كيان: انتو شفيكم تعالو علموني وراكم شي بس ساكتين بسثناء ريم لان كلنا عارفين
ريم: عارفين ايش
شادن: ي ليل مصره تكذبين
ساره: كلنا فهمنا لاتطيرين الرجال بغباءك ترا يحبك لو مايحبك ماسال عنك وانتي تردين هالردود الغبيه
كيان: خلاص اسكتو ب اغني
ظالم ولكن في القلب لسى هواه
كم قلت بكره يحن القاه يزيد في جفاه
ينسى الهوا ينساه قولوله ليه ينساه
يعني عشان بهواه يعمل كدا فيه
فين عطفه فين شوقه ياما بكي ليه
واحنا بنتعاهد وحلف لي بعنيه
كملو البنات معها بصوت عالي: هي ياعيوني رخاص لما قسى عليه ينسى الهوى ينساه قولو ليه ينساه
شادن : الله ياكيان ع هالصوت
ساره : ماقدر ماقدر