جيتني مثّل الشروق اللي محى عتم الليّالي

بارت 25

.
.
بعد مرور يومين واخيرا ملكة عشاقنا الحلوين مهند بدت ريم يومها على رسالة مهند واللي كانت اغنية ماتمنيتك - محمد عبده بدا يديدن على قلب ريم اللي كانت طايره من الفرحه
ما تمنيتك لأنك ،كنت ابعد من خيالي ما خطر في بالي مره ، اني ممكن اوصلك كنت اشوفك مثل نجمٍ ، في السماء ساطع وعالي
يا بعيد وجابك الله ، لين عندي وصلك.🤍)
ساره بملل: شادن ياتبن بنتاخر شفيك انتي
شادن: طيب خلاص ادري
ساره: يلا كيان وصلت ترا بس بقي احنا
شادن: مزعجه طيب
ساره: متت حر شسوي
شادن: قلت ادخلي رفضتي ، ماما يلا انا رايحه مع البنات نتقابل هناك طيب
مشاري بضحكه: هذي شفيها
ام فهد: اختها عروس اتركها تفرح
ب الصالون عند مهند وفهد وسلطان):
فهد بضحكه: نمزح
مهند ب عصبيه: والله اندمكم طيب ع هالحركات
سلطان: يهو شفيك قلنا نفرفر بك شوي
مهند: اقول مابقي شي ع المغرب وانا مارحت للحلاق اخلصو لاوالله مايفككم من يدي لا انس ولا جن وانت يالورع ملكتك قريبه والله اجننك
فهد بضحكه: ليه مجنون اجي معك
سلطان: طيب لاتصيح وصلنا
مهند طنشهم وهو يضحك ع رد ريم اللي كتبته له انها متوتره
فهد: وش قالت كيان ع الملكه ؟
سلطان: شفيك مستعجل
فهد: اقول قلت نهاية السنه نملك تمام
سلطان: والله على راحتها حبيبي
قطع عليهم السياره اللي كانت ملاصقه لهم وكانها متعمده تقرب هالكثر
فهد : سلطان انتبه
مهند: وش يبون ياشرون مرضى هذول
سلطان ب عصبيه: ماتشوف انت
الرجال بسخريه : عندنا رساله لدكتور فهد
رمى الورقه ومشى
مهند: وش مكتوب
فهد ببرود: تكلم الاستخبارات عنى لعبت مع الناس الخطا خاف من اللي بنسويه من الحين
سلطان: الله ياخذهم ذول ماينلعب معهم ياخوك شوف حل
فهد اللي توتر بس حاول مايبين لهم: طنشو يلا نجهز عريسنا

بعد صلاة العشاء تحديدا بدت ريحة العوده تاخذ كل القاعة بدو الاقراب يوصلون جهزو البنات كيان اللي كانت لابسه فستان حرير ب اللون الاحمر ماسك ع الجسم فيه حركه من عند الصدر  عاري الاكمام شعرها مفروق من النص وويفي من الاطراف كمل اللوك مكياجها الناعم والروج الاحمر ساره اللي لابسه فستان قصير  منفوش ب اللون الازرق برضو سبعه من عند الصدر فوق الركبه شعرها اللي قصته وزادها جمال كان ويفي كمل شكلها
ساره: كيان مرا حححلو شكلك
كيان : اقول وخري عني انتي تجننين ، وين شادن ؟
شادن ب ابتسامه وهي تدور: انا هنا شرايكم
ساره وكيان: تموتين واوو
عند شادن اللي كانت لابسه فستان كم اي كم لا  ماسك ميد ب اللون الاسود شعرها كان ويفي كله وتاركته مفتوح ع طبيعته
عند عروستنا الجميله اللي كانت قمه ف الجمال كانت لابسه فستان توب بدون اكمام فيه ريش خفيف من فوق مع نقاشات بسيطه منفوش نفشه خفيفه شعرها اللي رفعت النص وخلت النص تحت والاطراف ويفي والخصلتين اللي جملتها اكثر كانت متوتره من علمت ب وصولهم قطع عليها دخول صحباتها
شادن: واوو والله مهند اليوم بينهار ماشاء الله
ريم ب توتر: قولي كذا والله مانزف
ساره بضحكه: اقول خلي عنك بس خلاص مافي كلام الشيخ وصل
كيان: امشو نروح نستقبل المعازيم مع خالتي ام ريم ياروحي تعبت
ساره: صح اي والله
شادن: حبي روقي وبطلي توتر ، مهند الحب ذا لاتنسين
ريم: شادنن
خرجو البنات ع دخول مها وبنتها نوف
كيان: وعع وعع ياربي اكيد جاين من طرف اهل مهند
شادن: ايي عمتي مها تعرف امه
ساره: يالله ذي نوف ام المشاكل اخيرا شفتها شوفي كيف تناظر
شادن: مقهوره من الزين
كيان بضحكه: اموت في اللي يعزز لي
مها : لفيتي عليه ب الدوام واخذتي عقله لما رفض بنت عمته
نوف بغرور: عاد تصدقين مدري شنو لاقي فيك
كيان ببرود: الشي اللي م لقاه عندك
مها : تصدقين هو شافك قدامه ٢٤ ساعه واكيد بيجري وراك
شادن: رجاء خاص قفلو ع الموضوع ، وفهد من البدايه رافض نوف لانكذب ع بعض
ساره: وبعدين ليه محسستني انها تمشي مفصخه ب الدوام؟ ب نقابها وساتره نفسها اوه صح ماتعرفون وش معني الستر
نوف: من انتي اصصلا
ساره وهي تقرب منها: شيطانك الجديد
مها وهي تدف ساره: وخري عن بنتي وانتي ياكيان جعل ربي مايهنيكم
كيان: كثري من هالدعاوي طيب
نوف وهي تهمس ل كيان: بخصوص جاكيت فهد اللي معي وش بتسوين؟
كيان: خذيه ونامي معاه حدك هالجاكيت الباقي ماتقدرين تطولينه
ساره بضحكه: تحزنين صدق
شادن: اتوقع يكفي فضايح يانوف صح
نوف: مريضات والله ياكيان ماتتهننين
شادن: يلا بس يلا ، يوه ياويلي امي تاشر مشينا
ام فهد: وش هالزين ياكيان يابخت فهد فيك والله
كيان بخجل: حبيبتي والله تسلمين
ام فهد باعجاب ل ساره: يمه ساره تعالي عرفيني ع امك
ساره: الحين اخليها تقعد معكم
ام كيان: اعرف امها انسانه محترمه فعلا
ام فهد: واضح من تربية البنت ماشاء الله ، وش تبي مها ونوف؟
شادن: كلام فاضي ماعليكم فيهم
قسم الرجال . .
ماكان فيه معازيم كثير بحكم ان الملكه عايله ف اقتصرت ع الاقارب
فهد: اقول تعبت
مهند: اقول قوم تحرك اخوك عريس
فهد وهو يعطيه نظره: ملكه ومسوي كذا الزواج وش بتسوي
مهند بضحكه: ترقبو
سلطان: ترا اللي بيقول لي قوم سوي بجلده شوفو فيصل او مشاري
فيصل: مو خويكم تصرفو احنا ضيوف
مهند وهو يضربه: ضيف ب وجهك اقول تحرك بس
مشاري: ياخي جوهم بيض اسمعو الطق عند الحريم وناسه
مهند: والله صادق
جاء المملك وملكو عليهم واخيرا انعقد اسم ريم ب زوجة مهند اللي وده يطير من الفرحه حاليا وهو رايح لها
عند ريم ف انتظار مهند عشان التصوير
مهند ب ابتسامه وهو يقرب يبوس راسها: طلعتي احلا من خيالي ياريم
ريم بحياء: والله؟
مهند: والله ماتوقعت هالجمال كله كثير علي؟
ريم بضحكه: لا مو كثير حتى انت حلو
مهند بصدمه: دقيقه مدحتيني الحين
ريم وهي تمسك يده: حس يدي كيف بارده بموت توتر
مهند وهو يبوس يدها: هدي ياروحي
بدت جلسة تصويرهم الحلوه واللي كان مهـند مستمتع فيها اكثر مايكون وريم اللي كانت بتموت من حياها

شادن: انت مجنون ولا ايش والله لو درت اني سويت كذا لاتذبحني
فهد ببرود: لاتبالغين وبعدين ماشفتها صار لي اكثر من شهر اخبرها ب المزرعه
شادن: ماتحل لك باقي وبعدين لو شفت كشختها بتتهور
فهد بضحكه: لهدرجه حلوه
شادن: اوفف
فهد : يلا تكفين اقعد اترجاك بروح للرجال انا
شادن: طيب دقيقه ، الو كيان تعالي ب صالة الاكل شيكي الله يسعدك
فهد: كفو كفو
شادن: بخرج الحديقه الخارجيه انتظر خمس دقايق يافهد قبل الخمس لو ماخرجت ياويلك مني
دخلت كيان وهي تنادي شادن: سلامات وينها ذي
فهد شاف وانصدم من كمية الجمال ب كيان وشكلها توقع انها جميله بس مو ب هذا الجمال قرب منها وهو يسحبها ل ناحيته ويقفل ع فمها: اهدي فهد انا اهدي
كيان بخوف: فهد خوفتني
فهد ب ابتسامه: اسف
كيان وهي تلاحظ قربه: ابعد لو سمحت شوي بعدين وين ش... اهـا كذا نظامكم انا اوريها
فهد بهمس: ياحي شوفتك ويا حي مقابل وجهك
كيان ب توتر وبهمس : فهد شفيك
فهد بضحكه: اشتقت لك مو كافي
كيان: تضحك وتقول اشتقت يمه شكلي احلم
فهد بهدوء: بعجل الملكه
كيان: بس
فهد وهو يحط يده ع شفايفها: لاتعترضين
كيان ب توتر وخجل من قربه: طيب يصير خير بمشي الحين

ب الحديقه الخلفيه عند شادن
هين يافهد انا اوريك هذا وانا قايله خمس دقايق قطع عليها رنين جوالها ياويلي امي تدق كانت بترجع على وراى بس سمعت صوت احد يكح ب صوت عالي اتخبت خلف الشجره وهي تشوف سلطان ووجهه بدا يقلب لونه من كثر مايكح
شادن وبدون وعي راحت له ضربت خده بخفيف: سلطان فيك شي شفيك؟
سلطان مو قادر يهرج
شادن: دقيقه بجيب لك مويه دخلت بسرعه ع المطبخ وهي تكلم العامله تجيب مويه خرجت بسرعه وهي تشوفه مغمض عيونه وماعاد يكح
شادن برجفه: سلطان شفيك
سلطان برضو لا رد
شادن بخوف: يمه ليكون متت سلطان
سلطان ب ابتسامه وهو يكح: وتساليني شلون عرفتك وانتي الحين؟
شادن وهي ترمي علبة المويه: يالسخيف يالمتخلف بغيت اموت شفيك انت
سلطان وهو يكح: ترا صدق جتني كحه فجاءه
شادن وهي تفتح المويه وتمدها له: خذ ، ناظرت لبسها وشكلها ياويلي عليك ياشادن ياحماره ومشيت بسرعه
سلطان: شادن دقيقه ، اوف طالعه قدامي ب هالرقه والنعومه والجمال ، حرام عليك
دخلت شادن صالة الاكل وهي حاطه يدها ع قلبها لفتت انتبهاه كيان وهي جالسه وحاطه يدها ع قلبها مثلها
شادن: كيان وش فيك
كيان: قال اشتقت لك !
شادن : احلفي
كيان: كان غير اليوم مو فهد اللي اعرفه ؟
شادن: هذا اخوي الحقيقي كفوو
ساره: خير وينكم ساحبين علي ، شفيها كيان فاهيه
انتهت الملكه ع خير كان يوم يخلد ب الذاكره على  كل بطل من ابطالنا ارتباط اسم ريم ب مهند اعتراف فهد بشوقه ل كيان والصدفه الجميلة اللي جمعت شادن وسلطان