.
.
ب السياره عند كيان . . .
كيان: بموت ماصدق متى جيت بضمك وقف شوي انت
سلطان بضحكه: وصلت امس بس حضرتك مشغوله ماجيتك الا اليوم
كيان: يوه الحمد الله الحمد الله ع رجعتك
فيصل: ليكون مقصر بشي اشوفك كذا فرحتي
سلطان: اذا سوا لك شي ذا علميني اتفاهم معه
كيان: لا ماقصر صراححه
عند ريم اللي كانت تدق ع السواق ومارد عليها تحت انظار مهند اللي تاخر ف المكتب عشان يشوفها واقفه ولا احد جاء
ريم: ياربي وينه ذا شسوي الحين، الو ماما وين السواق مرا تاخر علي
ام ريم: هلا يمه سيارته متعطله هنا شوفي لك وحده من صحباتك تجيبك
ريم: يمه ليه ماعلمتوني الحين اتوهقت
ام ريم: يايمه شسوي انا علميني وش يصير معك اذا ما امدا باخذ مشوار واجيك
ريم: اوف اوف
كان يراقبها وشلون تحط يدها ع جنبها شوي ع راسها واخيرا قرر يقوم
مهند: دكتوره ريم
ريم ب احراج: هلا دكتور مهند
مهند: صاير شي ؟
ريم: السواق سيارته تعطلت وتاخر علي
مهند ب استغراب: طيب ابوك او اخوك؟
ريم بهدوء: انا وحيده امي وابوي ماعندي اخوان وابوي توفى
مهند: انا اعتذر الله يرحمه
ريم: جزاك الله خير
مهند ب احراج: اخاف اقولك شي وتفهميني غلط
ريم: تفضل
مهند: انا كنت ماشي اوصلك معي
ريم: لا طبعا يعطيك العافيه مايحتاج انا اتصرف
مهند: طيب اللي يريحيك
ريم وهي ترفع جوالها: بيان وينك رجعتي البيت؟
بيان: ب الطريق امري
ريم : اشوا مريني اجل السواق سيارته تعطلت وتوهقت
بيان: تمام خليك الحين اجيك
ريم: احبك منقذتي انتي لفت وجها وانصدمت انه باقي واقف: بسم الله مارحت
مهند ب ابتسامه: الحين ماشي تطمنت
بيت ال فيصل . . .
شادن ب الغرفه تمشط شعرها وفاتحه الاسبيكر وتتكلم مع البنات
اي كيف يومكم ريم وكيان ؟
ريم: خلوني انا ابدا لان كيان بتنفجر انا اعرف صحبتي ساكته طول اليوم
بيان: ليه وش صار
ريم: انا طحت ع دكتور يارب لك الحمد متفهم ومتعاون وفوق ذا كله اسلوب
ساره: الحين انتي تمدحينه ك دكتور يدربك ولا ك معجبه؟
شادن بضحكه: المدح مو حق متدربه شفيك ي الاخت اول يوم
كيان: محترم محترم اللي معها مو اللي معي طاح حظي بس
ريم بضحكه: اسكتو بحكي لكم وش صار
شادن بحماس: ايش
ريم: سيارة السواق تعطلت وخست ب المستشفى تخيلو قعد ينتظرني لين رحت قلت له ليه مارحت قال تطمنت
بيان: اشم ريحة حب ب الساحه يابنات
ريم ب احراج: شدخل حب غبيه انتي ، هو محترم بس
شادن: اي اي واضح
قطع عليها دخول فهد اشرت له ب معنى اسكت انسدح ع الكرسي حقها وغمض عيونه وهو يسمعهم يسالون عن سالفة كيان اللي خلته يفتح عينه هالاسم يلاحقه ف كل مكان حتى عند اخته؟
شادن: بنات اسمعو بقفل الحين
كيان: والله ماتقفلين اسمعي سالفتي مع الدكتور اللي طحت عليه
ساره: يلا احكي تحمست
كيان: تذكرون الرجال اللي وقت طاحت المريضه بالكوفي ، قعد ينافخ ومدري وش
شادن : دقيقه هذا بارت ماعرفه !
كيان : اول اسبوع دوام بالكوفي كان في وحده المهم عرفت من تصرفاتها انها بيغمى عليها المهم ساعدتها وجاء ينافخ كان هو اللي شافها او يحسبني غبيه ماعرف المهـم مافي اسلوب
شادن : خير !
كيان : لا ماكفى اسلوبه بالكوفي بالمطعم فجاءه هبد جوال ع راسي والصدمه يطلع هو !
شادن : لا كذا كثير
ريم: تكفوون اسمعو الحماس اليووم
كيان : تخيلو ماعرفني بس عرفته انا ، المهـم اليوم سبرايز يطلع الدكتور اللي يدربني
ساره : يمه يمه ، ليكون عرفك ذا
بيان : اكيد عرفك يابنت
كيان : اي حبايبي مسوي مايعرفني والله انه فهم
شادن : كاشفات انتو
كيان : لا حاطين كمامات
بيان: كملييي
كيان: من اول يوم يابنات قعد يحشرني ويبيني اغلط ويحاول يستفزني وانا ساكته يابنات ساكته تخيلو يقول تمشين ب الاحساس !
شادن : وش اسم دكتورك ياكيان !
كيان : فهد ال فيصل
شادن وهي تاشر ل فهد بمعني ياويلك مني،
ابتسم ع طريقة شرحها له والواضح انه وصل للي يبغاه اجل طلعتي صحبة شادن، وين بقي بتطلعين لي ي كيان؟
YOU ARE READING
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
