نغزات محرمه ( عراقيه)

الحلقه الثامنه والتاسعه

بلعت ريقي ونزلت راسي راح عمو يسبح محترف بالسباحه هو وبابا بس بابا مو دائما يسبح هناا نادر ماتذكر آخر مره سبح بالمسبح.....

الحجيه: وين ابوج ولج كومي شوفيه عمتج خلصت ريوك...

باوعتلها مارديت بس وجهت نضراتي ع ارمن عيونه عليه بقى صافن بوجهي.....

آدم : روحي يمه تريكي والله مو جوعان هسه اجي وراج عوفيلي اكل مو تمسحين الصينيه مسويه روحج عجوز.....

غمته جده ضحكت اني حجت تهز ايدها

الحجيه : مخبلل والله اذا بعد تروح اتبرأ منك كول ما كلتها عبالك اجذب يا جلب..... خلص اطلع خل نتريك...

آدم : يمه ع سيرة الجلب لكيتلج عريس يشكك شكك....

فتحت عيونها وشهكت مصدومه غمته وهيه تلطم حجت وهيه تولول

الحجيه : يا يا يا.... ماتسحتي تحجي ويه امك هيج يا جلب يا كواد يا مكرننن كممممم جلببب لو يسمعك اخوك يخليك تفطسس بالماي...

ضحك هو وتقدم سند ايده كتفها ع حافه المسبح حجه بغمزه عيونه زرقق قوي لونهم

آدم : علينااا؟ حجيه علينا؟ لا تقنعيني مارايده عريسس؟...

غمزلها شالت يمها بطل ماي شمرته بالجذب ع وجهه وهو يضحك رجع حجه مكتف ايده بالماي

آدم : يخبلللل مثلي بس للأسف عيونه ما ملونه هذا كاعد بصفججج.... كرديي بعد شتردين؟

فتحت عيوني بصدمه وهيه تغم بي وكفت ع حيلها وتغلط وتحجي كام يطلفش ماي عليها... باوعت ع ارمن ضحك ومسح ع شفته باوعلي بطرف عينه رفع حاجبه اني ابتسمت لا إرادي وافرك بيدي.....

الحجيه : كومي روان خل نتريك يولي هذا ما يستحيي....

روان : هسه اجي وراج جده...

الحجيه : كومي ولج الثانيه انتي... كوم يمه ارمنان مدري شسمك تريك ويانه...

ارمن : لا حجيه بالعافيه ماريد تريكت.. هسه راح اروح....

الحجيه : يابعد روحي سلملي على امك يله لا تبقى يم هذا المسودن يخبلك...

آدم : احبنه يمه ماكدر بدونه...

ارمن : انجببب انتت لحيت كافي...

الحجيه : مو اكلك مخبل لا تمشي وياه خلي دايحح مسودنن...

آدم : مو جنتي تبجين عليه أجيت علمودج وعلمود ابو قمرتييي..

طول اسمي عيونه عليه حسيته يقصد شي بس ماعرفته ضل متجادلين  وجده عافتنا وراحت بقينه أحنه.... التفتت واجت عيوني بعيون روان خازرتني تعجبت شبيها هاي انكلب وجهها.... عقدت حاجبي ارتاجيت ع كرسي كتفت ايدي عيوني عليها كامت هيه وكفت وتقدمت كعدت بصف ارمن اكو كرسي مال جده انصدمت من الحركه...