نزلت ايدي واني افسر الصار شبيها هاي؟.... بقيت مصفنه عليهم ارمن عيونه ع عمو يضحك ويحجي ما باله رمشت وبلعت كلامي الغبي عادي شبيج قمر شصار....وإذا شنو يعني....اهدي....شعليج انتي... عادي..
قبضت ايدي واني مصفنه ع ارمن فزيت ع صوت عمو طفش عليه الماي جفلت
آدم : ويييي ليشش صافنه لججج؟ كومي انطيني المنشفه وراجج خل اطلع اروح اتريك...
هزيت راسي وكمت تايهه عقلي يم ارمن تحركت أخذت المنشفه من التعلاكه ورجعت امشي وعيوني عليهم كاعده قريب منه حيلل عيونها مبتسمه بحب تتأمل بنصف وجهه وهو ما يدري...
مديت ايدي بغضب ماحس غير انسحبت حيلل عطتتت واني اغطس بالماي كمت اكمز طلعت راسي بصدمه سمعت عيطه ارمن كال لااا...... رفعت راسي سحبني بقوه لزمته من كتوفه اخذ نفس الماي بخشمي عطت بنترر افتح بعيوني
قمر : الاااا.... عفيييه عموو ماعرففف اسبجحح اخافففف عفيه اختنكتتت طلعنيييي....
ضربته ع صدره نزلت دموعي الماي بارد واني عندي فوبيا من المسبحح لزم ايدي ع صدره وحجه بصوت ضاحك يرفعني من خصري تماسكت
آدم : اششش خلص وياج اني ياعمو ليش هالدموع السبح حلو شبيج نفسيه مثل ابوج....
ارمن : ادممم شنو هاي الحركات طلع البنيه تكلكك اخافففف...
عاط بي ارمن واكف بصف المسبح بجيت ورفعت ايدي ع وجهي ع هاي الحركه السواها ضوجتني حيلل لزمته من ايده اخاف اغطس اختنك.... رفع ايده مدري شيهمس بهاي اللغه ورفع شعري ورا مسح وجهي بيده من خدودي وحجه بخفوت بس اني اسمعه
آدم : كبرانه قمري صايره تلفتين العين... خلص اهدي الدموع ما تليق بيج خليها لوقتها لأن راح تحتاجين هواي بعدين....
باوعتله بدموعي مافهمت كلشي ابتسم بطرف شفته وارمن يحجي وياه ولا كأنو موجود لزمني من خصري ما استوعبت الصار الا سحبني حيلل صرت جوه الماي واني اتحرك سريع روحي تطلع حسيت احد قام عليه الحد أصعب اللحضات انو تمارس فوبيا مالتك غصبا عنك..... انصدمت عيوني بعيونه جوه الماي مبتسم بوسع حاضني واسمع صوت ارمن يغلط يكله طلعها...
قربني منه تمسكت بي اهز براسي سريع وابجي أريده يطلعني أنوب نزلني أكثرر فقدت كلشي النفس السمع الحركه بس حضنته اريد اطلع راسي لازمني بقوه ونزلني اجاني صوته الهامس بأذني ايده تسمح ع ضهريي
آدم : اعلمج السباحه لا تخافين اطلعج من كل فوبيا عايشه بيها... واطلعج من أكاذيب حياتج الي انطلت عليج وتعايشتي وياها... حتى تعرفين النذاله وأنواعها...كلشي تمام اوك؟.....
غمضت عيوني واني اسمع الكلام الي قشعرني بس حاليا بالموت اني انقطع نفسي باوعتله آخر نضره بعيونه اللعوبه بس لون ازرق استوني اريد افقد انسحبت بقوه وانرفعت طلع راسي شهكت بصوت عالي واني اخذ نفس واحد والثاني والثالث واشوف ارمن حاضني ويهدي بيه ضرب ع خدي بخفه وخر شعري وهو نفس حالتي غاطس بالماي.
أنت تقرأ
نغزات محرمه ( عراقيه)
Mystery / Thrillerتقولين .. إنما الحب عيب وذنب .. إننا في الحب نهوى العيوب . وإنا - عناداً - نسرف في الذنب . کي لا نتوب .. لأن ساءلونا ، أين المتاب ؟ أيرغب التوب محب الذنوب ؟! - . . قلب قاسي لا يعرف الرحمه يلين فقط لأجلها تلك الصغيره..... بقلمي ميار السعدي 📜...
الحلقه الثامنه والتاسعه
ابدأ من البداية
