Reincarnated as a Stupid Daughter of the Mafia Boss

Chapter 87

"Well, Mr. Roosevelt personally asked me to treat you. That's why I'm here." Naka-poker face nitong sabi na tinanguan ko na lang.

Kung pwede ko nga lang sabihin na umalis na siya ay ginawa ko na. Kaya lang nakakatakot ang scalpel ng animal na 'to. Hindi ko tuloy malaman kung nandito ba siya para manggamot o manakot?

My goodness! Siya na talaga ang magpapatunay na abnormal ang mga male characters ng siraulong author sa nobela niya!

"I see..." Sabi ko na lang at inayos ang kumot sa hita ko.

Hindi ko rin maiwasan ang mapalunok dahil sa sobrang awkward ng vibe sa buong kwarto. Tahimik lang kasi siya habang abala pa rin sa hawak nitong papel. Seryoso niya 'tong tinitignan na para bang may importante siyang inaaral.

Aish! Bakit kaya hindi niya yan gawin sa labas para naman hindi siya nakakabulabog ng kaluluwa dito, diba? Pasimple ko na lang siyang tinarayan bago tumingin sa labas ng balcony.

Tutal hindi naman siya nagsasalita ay mas pinili ko nang manahimik. Hindi kami close para bigla na lang magbigay ng topic. Baka mamaya mabara pa ako nang wala sa oras ehh. Isa pa naman si Alexio sa mga male characters na sobrang ma-attitude!

Kumbaga magkaparehas sila ng bibig ni Vance, masiyadong mapanakit! Ewan ko nga kung paano natiis ni Lilian ang ibat-ibang ugali ng mga characters ehh. Siguro dahil na rin sa mahal siya ng author kaya konting kilos lang niya ay okay na sa mga animal.

Samantalang heto ako at samu't-saring problema ang kinahaharap. Ang unfair lang diba? Aish! Kung pwede ko lang masakal ang siraulong author ng nobela na 'to ay ginawa ko na!

Sa hirap ng binigay niyang role kay Heavenhell ay kulang pa ang sampal at sabunot para gumaan ang loob ko.

"Tsk! Tsk! Kalma ka lang, Carnelia. Wala ka pa nga sa umpisa ng istorya ay ang dami mo nang reklamo, bruha ka!"

Napailing na lang ako at inalala ang iilang impormasyon sa libro. Base sa pagkakatanda ko sa nobela ay hindi naging maganda ang unang pagkikita ni Lilian at ni Alexio.

Paano naman kasi magiging maganda, kung ang unang scene ng animal at ng female lead ay yung panahon na may pinapahirapan itong si Mr. Torturer?! Kahit sinong tao ay hindi magkakaroon ng magandang impresyon kung 'yon ang makikita nila.

Isipin ko pa lang ay nababaliw na ako. Makakita ka ba naman ng gwapo na may hawak na ibat-ibang klase ng patalim para magpahirap ng iba ay talagang nakakawala 'yon sa wisyo.

"Aiya. Ang hot din siguro non! Bwahahaha! P--pfft! Ehem! Wala don ang point, Carnelia, kaya huwag kang malandi!"

"Are you uncomfortable?"

Agad akong napatigil sa pag-iisip nang marinig na nagsalita na si Alexio. Buti nga at nagparamdam na sya, dahil muntik ko nang makalimutan na may kasama pa pala ako sa kwarto. Tsk!