Reincarnated as a Stupid Daughter of the Mafia Boss

Chapter 86

Bakit parang napapansin ko ang hilig ng mga male characters na sandukan ako ng pagkain? Nasa ugali na ba nila 'yon at hindi ko lang maalala sa nobela? Hmm... Ang weird!

Napadako na lang ang paningin ko kay Deyl nang marinig na nagsalita na siya. Katulad ng ginagawa ni Clive ay hindi rin nagpatalo ang animal dahil siya na rin ang naglagay sa'kin ng inumin sa gilid. Seryoso?! Nababaliw na ba 'tong mga 'to?

"Yeah, I was about to visit you alone, but this monkey beside me wants to go with me. Tsk! So annoying!" Inis na sabi ni Deyl habang sinasamaan pa ng tingin ang pinsan niya.

Ako naman na tahimik lang ay hinintay ang susunod na banat ni Clive dahil siguradong hindi siya magpapatalo.

 
"Hey! Who asked for Uncle Lieutenant's permission? Isn't it me?!" Sabi pa ni Clive habang nakaturo sa sarili.

Sa itsura niya nga ay para bang hindi inis na inis siya kay Deyl sa hindi ko malamang dahilan. Aiya! Anong nangyari sa dalawang 'to at parang may alitan sila sa isa't-isa?

"Yeah, right! You're so shameless that you have the guts to call him late at night!" Sigaw pa ni Deyl habang may hawak-hawak na kutsilyo ngayon.

Napalunok na lang tuloy ako sa gilid dahil sa nakikita. Hindi kasi kalakihan ang lamesa dito sa opisina ni Lieutenant, kumbaga apat na tao lang ang kakasya. Kung kaya't ngayon ay nasa gitna ako nakaupo, samantalang nasa magkabilang dulo naman nakatayo ang mga animal.

Kaya naman nagmukha lang akong spectator sa away ng dalawang animal. Kung tutuusin ay para akong nasa sabong sa kakaputak ng mga 'to. Pasimple na lang akong kumain at hinayaan silang magbangayan.

"That's not being shameless; I'm just smart! I called him late at night to annoy him so that he would give me a yes. I bet he's going to be surprised if he saw us here!" Agad namang sabi ni Clive na kinatango ko sa gilid.

Akalain mong may naisip din pala ang baliw na 'to na hindi kalokohan. Sa mga panahon kasi na nandito ako ay wala akong nakitang pagkakataon na seryoso ang animal na 'to. Minsan tuloy ay nakakalimutan kong Lucretius siya at kuya ng male lead!

Idagdag mo pa 'tong si Deyl na parang nagkaroon na rin ng defects. Ang mga Leywin kasi ay mas involve sa Government Sector at sila ay kamag-anak nila Vile sa side ng mga Lucretius. Samantalang ang mga Roosevelt naman ay kamag-anak nila sa side ng mommy nila.

Kung pagbabasehan ang lakas nila sa pagkikipaglaban ay higit na mas malakas itong si Clive kaysa kay Deyl no! Isa ba namang miyembro ng Lucretius ang animal ehh!

Mukha lang talagang baliw 'to kaya minsan ay hindi mo maiisip na kamag-anak siya nila Venom. Aiya! Bigla ko tuloy naalala si Cabell dahil sa kaniya. I miss that kid!

"Don't fight and let's just eat, young master." Singit ko na sa bangayan nila.

Kumain na lang ako nang tahimik at hindi na sila pinansin. Kaya lang agad na nahagip ng mata ko ang nakasimangot na si Clive na parang bata sa itsura niya ngayon. Problema niya?

"Bakit? May problema ba, young master?" Tanong ko sa kaniya habang nginunguya ang pasta na kulay brown ang sauce.

Hindi ko nga alam kung saan gawa 'to at ganito ang kulay pero masarap naman siya, kahit pa na mukha siyang tae na hindi ko maintindihan. P--pfft! Ehem! Kumakain ka, Carnelia, kaya huwag kang mag-imagine!

Nawala sa tae--este sa pasta ang atensyon ko nang magsalita na ang animal.

 
"Venven, how many times do I have to tell you that you should stop calling me that?" Parang bata niyang sabi na pasimple ko na lang tinarayan.