ယခုမှာတော့ အဖြစ်အပျက်များဟာ ခပ်မြန်မြန်ရောက်လာနိုင်ချေရှိနေ၏။ ပိုင်စိုးမိုးသူသည် သူ၏လုပ်ငန်းစဥ်များကို အရှိန်များစွာမြှင့်ထားပေသည်။ အကြောင်းအရင်းကား မသိရချေ။
"ဒီတော့ ဒါကသူတို့ရဲ့အစီအစဥ်ပေါ့"
"မဟုတ်ဘူး"
သူ့အဖေဟာ တည်တည်ငြိမ်ငြိမ်ဖြင့်ငြင်းချက်ထုတ်လာပြီး သူ့သုံးသပ်ချက်အား ဖွင့်ဟလေ၏။
"ဒါက သူတို့အစီအစဥ်သက်သက်မဟုတ်ဘူး။ ဒါက သူတို့အစီအစဥ်ရဲ့နိဒါန်းပျိုးရုံပဲရှိသေးတာ..။ ဖေဖေ့အထင်တော့ အဲ့ဒါကိုအယောင်ပြပြီး နောက်ကွယ်မှာကြံစည်မဲ့ကိစ္စတစ်ခုရှိနေတယ်"
သေချာလွန်းနေသောအချက်မှာ နောက်ကွယ်မှထိုကိစ္စဟာ စွမ်းစေတမာန်အား အမွေဆက်ခံသူနေရာမှဖြုတ်ချမည့် အစီအစဥ်ပင်။ ပိုင်စိုးမိုးသူဟာ စာအုပ်ထဲမှာ ထိုကိစ္စကိုအောင်မြင်အောင် လုပ်နိုင်ခဲ့သလားဆိုသည်ကို သူမသိသော်လည်း ယခုကိစ္စမှာတော့ ထိုလူ့ကို သူ အောင်မြင်ခွင့်မပေးချင်။
"နှိုင်းလေး.. ဖေဖေ ဒီလိုမေးတာကို စိတ်တော့မဆိုးပါနဲ့။ စွမ်းစေတမာန်... သူက သားအကူအညီကိုလိုရလောက်တဲ့အထိလဲ အင်အားမနည်းဘူး။ ပြီးတော့ သူ့ဘက်ကလိုတယ်ပဲထား။ သားကရော ဘာလို့ကူညီချင်ရတာလဲ။ သားပြောသလိုဆိုရင် ဒါကြီးက မိသားစုတစ်ခုအတွင်းက အရှုပ်အထွေးကြီးပဲလေ"
သူ ဘာကြောင့် ကူညီချင်ရသလဲတဲ့..။ တစ်စုံတစ်ယောက်ဟာ အပြစ်တစ်စုံတစ်ရာမရှိပါဘဲ မတရားမှုတစ်ခုထဲမှာ သားကောင်ဖြစ်နေရခြင်းကို သူလက်မခံနိုင်ပေ။ သို့သော် သေချာနေသောအချက်မှာ ဤအခြေအနေကိုပြေလည်ရန် သူဟာ သူနှင့်ဘဝတူဟုသတ်မှတ်ထားသည့် လူတစ်ယောက်ကို ကိုယ်ချင်းစာစိတ်ဖြင့် ကူညီချင်သောဆင်ခြေမျှဖြင့် မလုံလောက်မှန်း သူသိသည်။
နှိုင်းအမြုတေမှာ ထိုအတွေးဂယက်ကြီးကြောင့် ဖုန်းကိုင်ထားရင်း အမူအရာက ငူငူငိုင်ငိုင်..။ အကြည့်တို့က ဦးတည်ရာမဲ့ငေးမောလျက်..။
"ကျွန်တော် လျစ်လျူရှုမထားနိုင်လို့"
သတိမမူမိလိုက်သဖြင့် စွမ်းစေတမာန် အန္တရာယ်တစ်စုံတစ်ရာကျရောက်သွားမည်ကို သူမမြင်ရက်ပေ။
YOU ARE READING
ဗီလိန်ကို မရည်ရွယ်ဘဲဆွဲဆောင်မိသွားပြီ (Completed)
Romanceသုံးပွင့်ဆိုင်ဝတ္ထုထဲကို ကူးပြောင်းခံလိုက်ရပြီးနောက်..... နှိုင်းအမြုတေ - "စနိုက်ကြော်နဲ့ခြံခုန်နွားကို မှတ်လောက်သားလောက်အောင် ပညာပေး...ဟိုက်!! ဗီလိန်နဲ့ထိပ်တိုက်တိုးတော့မယ်။ ဝေးဝေးရှောင်မှ" စွမ်းစေတမာန် - "မင်းလေး ဘယ်လောက်ပြေးပြေး ကိုယ့်လက်ထဲက မလွတ...
Chapter-20
Start from the beginning