لما تبقي مدلعه في بيتك ومش بتقؤمي من مكانك غير عشان الاكل والشرب فقط لا غير وبعدين تتجوزي في بيت عيله وعايزه تثبتي نفسك لحماتك عشان تقؤل عليكي شاطره وعرفت تنقيكي من وسط البنات
ابقي فكري كويس قبلها متفرشيش الارض فل وياسمين علطول كده لان اللي هتعمليه النهارده برضاكي
بكره هتعميله غصب عنك حتي لو روحك رايحه للي خلقها
الحلوين اللي بينضفوا البيت من أوله لاخره ويطبخوا لحماتهم وينضفوا ليها الشقه اول ما اتجوزوا، اخبارهم ايه الوقت ؟
عارفين امنيتهم الوحيده ايه ؟
نفسهم ميطلعوش من شقتهم وندمانين ع المعروف اللي قدموه لانه بقي فرض وواجب عليهم.
س سؤال يطرح نفسه هي حماتك مشلوله مش عارفه تطبخ ولا تنضف ؟
س سؤال هو البيت مفيش فيه غيرك ؟
س سؤال لو حد من اهلك هو اللي اجبرك ع الكنس والتنضيف لغيرك كنت هترضي
بعد كده يا هانم يا اللي عندك صحه مش عارفه توديها فين ابقي شغلي عقلك بصحتك دي عشان مهيش دايمه وعشان متروحش منك بدري
سلام
بس مش سلام اوي
الست المصريه حوارتها كتير انا عارفه والوطن العربي كله عارف
YOU ARE READING
كيفيه اختيار العتريس قصدي العريس و مقالب أهالينا اللي اتعملت فينا
Teen Fictionهحكيلكوا علي ازاي نفكر في العريس والمواقف والمقالب اللي اهلي عملوها فيا ويا ريت اللي عنده مواقف في الموضوع يقؤل و ننشرها وحاجه اخيره ابعدوا عن طنط عفاف عارفينها المصيبه اللي في ايدها الجوازه
