كيفيه اختيار العتريس قصدي العريس و مقالب أهالينا اللي اتعملت فينا

حبيب قلب ماما

حبيب قلب ماما ده عاده بيكون آخر العنقود زي ما بيقؤلوا
لازم مامته تدلعه علي الاخر وتخدمه وتعمله كل حاجه بيبقي شخص معتمد علي مامته بشكل كبير جدا ماما تأكلني وتشربني وتجهزني وتجوزني ولو مراتي ضايقتني اروح لأمي تجيبلي حقي
والأكبر من كده حياته مع مراته وكل اللي بيحصل بينهم بيكون عند مامته في ثانيه يروح يحكيلها وعاده الشخص ده بيقؤل اللي ليه مش اللي عليه باختصار بياكل الكلام اللي يدينه ويسيب الكلام اللي يطلعها بيه مفتريه وظالمه والانيل من كده انه بيحاول يفرض سيطرته علي مراته عشان يحس انه راجل وله كلمه
الحل مع شخص زي ده مش انك تسيبي البيت أو تطلبي تبقي في بيت تاني بعيد عن مامته
قدامك حل من اتنين لو انت عايزاه وعايزه تكملي حياتك معاه هو انك تكوني حلوه في نظره ميبقاش متضايق منك والأهم ما تقؤليش ليه علي سر ولا تغلطي في حد قدامه ابدا لان كل كلمه هتقؤليها تروح لأمه خصوصا ان منهم البجح اللي بيحكي تفاصيل اوضه النوم
اما الحل التاني لو منتش قادره تتحملي الانفصال لان صعب اوي تعيشي مع حد مش سند ليكي وكمان ملوش امان وهتفضلي حسه معاه انه مخليكي عريانه قدام اهله