كيفيه اختيار العتريس قصدي العريس و مقالب أهالينا اللي اتعملت فينا

العلاقات السابقة

يعني لو حضرتك كنت بتحبي حد او مرتبطه بيه وايا كانت الأسباب مكملتوش او حتي كنت مخطوبه لحد والخطوبه اتفسخت
وابدا هنا من ناحيه الحب والارتباط
لو جه حد اتقدملك وسألك كان في علاقه سابقه او كنتي مرتبطة طبعا البنت اللي قلبها طيب وعقلها علي قدها هتقؤل ايوه وحصل كذه وكذه وتحكي كل حاجه وإذ تفاجئ انه سابها ومش عايزها وممكن تكون مخطوبه ويفسخ الخطوبه ويسيبها وممكن بعد كده تلاقيه راح اجوز واحده مدوراها مع أصحابها الرجاله لمجرد انها زكيه وفهمت لعبته ولعبت عليه في حين ان واحده صادقه اعترفت بكل حاجه وحتي محصلش تجاوز في علاقتها القديمه ملهاش حظ حلو وهنا بنطبق المثل اللي بيقؤل( حظ العدايل مايل )
الراجل مش عاوز غير انه يكون الوحيد في حياة اللي هيتجوزها
فبأختصار لو اتسألتي السؤال ده بصي في عينه بكل ثقه وقؤلي لا مفيش علاقات سابقه ومش حرام خالص انك تقؤلي كده لان ربنا سترك ليه تفضحي نفسك والرجل كذلك لو ليه علاقات سابقة برده ميقؤلش
اما بقي حوار انك بتثقي فيه وهو مش بيفكر كده خدي بالك يا بنت الناس لانك لو قلتي حصل كذه وكذه في علاقتك السابقه هيهددك بيها وهيطلب منك اي حاجه وانت فاهمه انا اقصد ايه متورطيش نفسك مع شياطين الإنس

ولو جيتي تبصي لأي واحده اتخطبت وكان ليها علاقه سابقه هتلاقي ان الخطوبه مكملتش ولو كملت وقلبت جواز هتلاقيها بتعاني من شك جوزها فيها واللي هيوصل انه يحبسها في البيت ويمنع عنها الخروج والموبايل
وهقؤلهالك تاني متورطيش نفسك مع شياطين الانس