كيفيه اختيار العتريس قصدي العريس و مقالب أهالينا اللي اتعملت فينا

من يؤتمن علي العرض لا يسأل عن المال

دي مقوله الاب اللي باع بنته ورماها للزمن يلعب بيها

وزوج بنته حر طليق الحياه لو حس انه زهق من مراته هيقؤلها انت طالق والباب اهو
اذا كان اللي كاتبينلها قايمه ومسجلنها مش طايلها ولو المحكمه ادت حكم انها من حقها مبتعرفش تنفذ الحكم ومبطولش حاجه
ما بالك بالزوج الحر اللي جناحاته طايره ده هيعمل ايه فيها

سيبكوا من ده معني كلام ابو العروسه ان الزوج عارف ربنا فهو مطمن علي بنته اللي هيا عرضه
هو اللي عارف ربنا ميدفعش مهر وكمان العروسه تجهز نفسها

دا الرسول الفقير مهر كل زوجه من زوجاته ما يعادل ١٥ الف جنيه حاليا ودافعهم كاش ومفيش حاجه جابوها من بيتهم كله كان علي الرسول
وده الرسول مش بشر عادي عمل كده والصحابه كمان عملو كده ودول الصحابه يعني اهل الفردوس
كلهم كانوا خايفين من ربنا مع انهم اكتر ناس نفذت شرع ربنا ومخالفهوش مع ذلك دفعوا المهر وجهزوا بيتهم وضمنوا حقوق زوجاتهم بشهود علي الزواج والاتفاق عشان كانوا خايفين يسرقوا حق زوجاتهم شايفين الصحابه اللي نآمنلهم كانوا  بيخافوامن نفسهم وضمنوا حقوق زوجاتهم عشان ده شرع ربنا وعارفين ان النفس بتأمر بالسوء
طيب الشخص العادي اللي زي حالاتنا ايمانه مش كامل المفروض يعمل ايه والاب اللي باع بنته وضيع حقوقها

انتوا عارفين ان الجواز من دون دفع المهر قبل الفرح تبقي جوازه باطله شرعا الا في حاله لودفع مقدم وبقيت فلوسه بضاعه في السوق ومستني تبقي فلوس تتمسك في الايد عشان يعطيها لوالد العروسه
كده اغلب جوازات المجتمع المصري باطله شرعا وقانونا خصوصا جوازه من يؤتمن علي العرض لا يسأل عن المال