كيفيه اختيار العتريس قصدي العريس و مقالب أهالينا اللي اتعملت فينا

بدايه الارتباط ( جواز الصالونات )

الحب مش كل حاجه ومش اهم حاجه لما تيجي تتجوزي مش معني كده انك تتجوزي من غير حب لا الحب مهم و اوي كمان بس لما تيجي زوجك اختاريه بعقلك وبعدين شوفي قلبك قبله ولا لأ
يعني لما تقعدي مع العريس شوفي شخصيته نضافته وخدي بالك من اللي راشش برفان زياده عن اللزوم وهقؤلكم بعدين
ركزي علي اخلاقه وتفكيره واختاري زوج و اب
يعني من الحاجات المهمه وانت بتختاري اختاري اللي يخلي ولادك عايزين يقعدوا معاه ٢٤ ساعه مش اللي ولادك بيستنوا يخرج من البيت عشان خايفين منه اللي يلف ويدور مينفعش واللي يقؤلك اجلي الموضوع ده لبعدين لا مينفعش ده واحد بيهرب من مسؤولياته وده كارثه
متتجوزيش غير بعد ما تخلصي تعليمك كله
لما تيجي تتجوزي لازم يكون سنك ٢٤ فيما فوق عشان متقعيش في فخ اخد واحده صغيره تقؤلي حاضر ونعم ومتقؤليش لا واكتر من ٢٤ عشان لو راجل بيفكر التفكير  المتخلف بتاع دي عانس والكلام ده تبقي بعدتي عنه عشان بنتك لو ربنا كرمك بيها ميجوزهاش لاي باختصار ميبعهاش عشان يحميها من كلمه عانس
مفيش مانع لما تقعدي مع العريس اكتر من مره خصوصا لو كنت حابه توافقي او مرتاحه له وركزي في نضافته زي ما قؤلتك والاهم تشوفي تركيز علي نضافته وطريقه لبسه
اصلك لما بتروحي فرح مش زي ما بتروحي خروجه عاديه ولا ايه
بتلاقي نفسك بتجودي وبتحطي حاجات زياده باختصار بتبقي ملاك ماشي علي الارض بس ده مش كل يوم
وهو كذلك يعني جالك اول مره لابس ومتشيك المره التانيه يجيلك عادي ميجودش ولو كان جايلك علي نفس شكل المره اللي فاتت خصوصا البرفان الكتير زي ما قؤلت
مفيش حاجه اسمها تعارف علي النت حتي لو اهله جولك البيت عشان رد فعله الحقيقي يبان تجاه كل كلمه الأشخاص علي النت مش زي الحقيقه انت نفسك علي النت بتكوني شخصيه تانيه حتي لو بتكلمي صوت وصوره

الجواز علي الحب حلو ووحش
لو وحش بيبقي عامل زي الفستان اللي بتعشقيه هو الجزمه اللي بكعب عالي اللي بتوجع الضهر ومش بتبقي متحملاها
هتتحمليها ساعه ساعتين تلاته بس مش هتقدري تتحملي انك تلبسيها العمر دا عامل زي الحب اللي كله مشاكل

هكلمكوا في كل حاجه تخص الاختيار   حاجه حاجه كده وحكيلكوا المواقف اللي حصلت لي

حاجه اخيره متقبليش اي حاجه تجيلك من ناحيه مامتك عشان متندميش