كيفيه اختيار العتريس قصدي العريس و مقالب أهالينا اللي اتعملت فينا

أصله خطيبى

كلمه بنقؤلها عشان نبرر بيها اخطاءنا في حقنا وحق دينا
اصله خطيبي؟
اصله خطيبك انت عارفه يعني ايه خطيبك يعني واحد واعدك  بالجواز لا اكتر ولا اقل، غريب بيقؤلك هتجوزك ،
والا بقا كل واحد يقابلك في الشارع يقؤلك تعالي يا قمر نكتب الكتاب تروحي تخديه بالحضن ما هو بيقؤلك هتجوزك زي خطيبك برده !

ناخد ايه بقي من هنا انه خطيبك لازم يتعامل معامله الغريب ازاي ؟
اولا كده لو حد اتقدملك مينفعش يقعد معاكي لوحدك لازم حد من محارمك يكونوا موجودين يعني تقعدوا بعيد عن اهلك واهله بس يكونوا شايفينكوا ولو صعبه ممكن تقعدوا لواحدكم ومعاك اخوكي الصغير او اي حد من اهلك حلو الكلام
وفي الرؤيه الشرعيه يحق ليكي وله أنكم تبصوا علي بعض وتشوفوا اذا كنتوا قابلين بعض ولا لأ
ما وافقتيش خلاص الموضوع خلص وافقتي لازم تعرفي الكام حاجه دول عشان ما تقعيش في الحرام

فوق كنت بقؤلك بصي عليه وشوفيه صح ، بعد كده غضي بصرك وهو كمان نفس النظام ،
ولما يجي يزورك متقعديش معاه لوحدك لازم حد من محارمك ، ومينفعش يلمسك، يعني مامته هي اللي تلبسك الشبكه مش هو ، ومينفعش ترقصي معاه خصوصا رقصه slow دي ، وبلاش الحجج اللي ملهاش لازمه دي زي اصله مش هيلمسني جامد ، اصل ايده علي الفستان مش عليا وانت كمان ملكيش حق تلمسيه ، والبنات اللي ما بتصدق وتاخده بالحضن بلاش المصايب دي

الكلام
الكلام مع خطيبك يكون في خطط مستقبلكم وتتناقشوا في مواضيع تخص حياتكم المستقبليه زي انه يعرفك نظام شغله ، الحاجات الاساسيه عنده ، مش وحشتني وبحبك والكلام ده عشان ده اكبر حرام ،
لازم لما تتكلموا مع بعض يكون في محرم زي ما قلت حتي لو بتكلميه علي الموبايل،
والأستاذه اللي سهرانه مع خطيبها علي الموبايل للصبح اتقي الله فيكي وفي اهلك

الخروجات
لازم يكون في حد معاكي ولازم تكون في مسافه بينك وبينه ولما تكونوا داخلين مكان وفيه ناس كتير  وهتعدوا من باب مش بيدخل غير واحد يخليكي قدامه ميمشكيش وراه عشان محدش يدايقك ، كذلك وانتوا بتعدوا الطريق يكون هدفوا انك تعدي من غير ميحصلك حاجه مش بيفكر في نفسه وسايبك ، ومش حضرتك اللي هتقؤليله يعمل كده هو يعمل من نفسه وان معملش كده يبقي ده واحد معندوش نخوه وسيبيه
وزي ما اخدك من قدام باب الشقه ادام اهلك يوصلك لباب الشقه وحد من اهلك ياخدك منه

المره الجايه هكلمكم عن شقه المستقبل ومصايبها وكتب الكتاب