عند مهند وريم . . .
مهند: تدرين اني بفقدك صح؟
ريم: وتدري انك جننتي بهالكلام ولالا؟
مهند: متى تبين اللقاء؟
ريم ب ابتسامه: ب الوقت اللي يعجبك
مهند: يعني
ريم: يعني
مهند: قوليها طيب خلينا نكملها ب وداع حلو
ريم: ابي شهادتي ب امشي
مهند وهو يوقف ويقرب ل ناحيتها: ماتفقنا ع كذا
ريم وهي تسحب الشهاده وتجري: حدك عاد
مهند بضحكه: لاسريعه
ريم: اجل تجيب فينا العيد؟
مهند بهدوء: اخاف عليك من كل شي مستحيل اسوي شي يؤذيك
ريم بتصريفه: يلا باي
مهند: كذا نظامك
ريم: مع الاسفف وخرجت
مهند اللي كان مروق ع الاخر سند راسه ع الكرسي وهـو يفكر
كيان ب عصبيه : غثيث ومتكبر وشايف نفسه على ايش !
ريم : بسم الله علامك تهـرجين نفسك انتي !
كيان : يعطيني الشهـاده بدون نفس قال ايش هذا مدري وش
ريم : بسم الله وش تطلسمين انتي !
كيان : اهخخ قهـرني استفزازي بشكل مو متوقع مسوي انا رجل الجليد وع
ريم : كيان اسمعيني
كيان : الشرها مو عليه علي اصلا ، ولا هالمتكبر مين يتوقع منه شي زين !
اشر ل ريم بمعنى خليهـا تكمل
كيان : انا مادري ليه حارقه دمي ع شخص مايستاهـل بعدين من هـو ليه زعلانه ماني فاهمه !
فهـد : اي كملي وش بقي ماقلتي علي
كيان بتوتر : انت من متى هنا
فهـد : من وقت ماقلتي متكبر وغثيث
كيان : طيب المطلوب الحين !
فهـد : جيت اودعك بالطريقة اللي تبينهـا وب اختصار اتمنى مانشوف بعض ثاني مرا ،
كيان : نعم ! شايفني ميته عليك ! ابركهـا من ساعه
فهـد بهـدوء : حلو اجل مشى وتركهـا
كيان برجفه : هذا مين يحسب نفسه !
ريم : طنشيه طيب ! مو كفو مايستاهـل اهتمامك امشي مشينا ؟بيت ال سالم جمعت شجاعتها ودخلت ع اهلها بحماس
كيان: اخخيرااااا خلصت يا اهلي باركو لي بليز
ابو كيان: اهلين الف مبروك يمه الحمد الله
ام كيان: الحمد الله يمه مابغيتي
كيان: وين سلطان وفيصل؟
ام كيان: فوق ب غرفة فيصل
كيان: بروح ازعجهم بايي
بيت ال فيصل . . .
شادن: ماما بطلع انام وبصحى اي وقت لحد يزعجني طيب خلاص اجازه
ابو شادن: طيب ماتبين تسمعين وش عندي
شادن: ايش بابا
ابو شادن: عزمت ابو كيان واهله ع المزرعه حقتنا
شادن ب حماس: صدق اححلاا شي
ابو شادن بفرحه: اي يبه بعد يومين جهزي نفسك
شادن وهي تبوسه: من الحين لو تبي
قطع عليهم دخول فهد اللي سلم واستاذن بحجة انه مصدع ويبي ينام
شادن : وش فيه !
ام شادن : يمكن مرهق من الدوام يمه
دخل غرفته وهو يرمى بنفسه ع السرير بتفكير ب اللي سواه اليوم ! ليه عاملتهـا ببرود ؟ ليه قلت لهـا كذا ؟ اسبوعين وانت تفكر فيهـا ف زعلهـا ب حزنهـا يوم شفتهـا ليه سويت كذا ! يبدو انك مُصر ع قرارك اللي هـو الشغل وبس وكيان راح اشيلهـا من بالي مالي خلق هالسواليفبعد مرور يومين ع ابطالنا بالمزرعه تحديدا . . .
كان اول الواصلين عايلة ال فيصل ب اكملها وبوجود عمتهم مها ونوف
شادن: ماما خلصت من البخور
مها بسخريه: وش هالحماس ياشادن ولا عشان صحبتك يعني مو فاهمه
شادن ببرود: صحبتي واهلها جاين اكيد ب اتحمس وين المشكله
نوف: عاد تراها متكبره مدري شفيها علي
شادن: مو متكبره بس اللي يبي يشوفها كذا يشوفها
بيت ال سالم . . .
كيان اللي كانت تلقي نظره اخيره ع شكلها بحماس كانت لابسة جمبسوت عاري الاكمام ب اللون الاصفر شعرها رافعته ذيل حصان وكان محليها
فيصل وهو يصفر: اوف اوف قمر بعز الظهر مشكله كذا
كيان بضحكه:لا تبالغ عاد
سلطان: مافي اي مبالغه ترا صدق طالعه نار
كيان: اقول يلا انتو وياه تاخرنا وشادن تدق، قطع عليها وصول اشعار من البنات
ريم: صورو كل شي ياويلكم ماتصورون
ساره: اي كنا معكم ياويلكم
كيان بضحكه: خلاص طيب ارسلت لكم شكلي كيف ؟
ساره: يموت ماشاء الله
ريم: بيرفكتت
كيان: ليتكم موجودين بعد
ريم: الجايات ياروحيب المزرعة وصلو اهل كيان واخيرا كان ب استقبالهم ب قسم الحريم ام فهد
ام فهد بفرحه: هلا حيا الله من جانا
ام كيان: الله يحيك ياقلبي
ام فهد: تفضلو تفضلو
شادن: كياننييي
كيان: هلا هلا، ترا زعلانه منك
شادن: ليه
كيان: تقولين لي اخوك مادوام واروح القاه مداوم وعطاني كم كلمه ع وجهي
شادن بصدمه: كذابه وش صارر
كيان: بعدين اقولك
ب قسم الرجال . .
كان ب استقبالهم ابو فهد وفهد ومشاري
فهد: مشكله انت صاير تطلع لي بكل مكان
سلطان: احمد ربي ، ولا اقولك ترا بمشي
فهد وهو يضمه: اتغشمر يامعود
مشاري: فهد والمزح ماتتجمعون ترا
فهد: اقول اطلع منها انا وخويي
فيصل: انتبه ترا ذول لا اتحدو يخوفون اسال مجرب
سلطان بهمس: فيك شي؟ وينك اليومين اللي راحت
أنت تقرأ
جيتني مثّل الشروق اللي محى عتم الليّالي
General Fictionالبدايات دائم جميله مهما كانت بداية حب بداية صداقة وبداية جديده، اروي لكم اليوم جزء مني ابطال عشت معاهم جميع تفاصيلهم ف مخيلتي وكانهم جزء مني
بارت 21
ابدأ من البداية