الحلقه الواحد و العشرون...(21)
محمد سكر و خش عطى الفون الصاحبه
و خذى حاجته و طلع من المستشفى و هو طالع كان في أعيون
أتراقب فيه خلانه نين ايبعد من المستشفى و أرتفع السلاح
و توجه شور محمد و طااااااااااااااااااف الرصاصه جت
في ظهر محمد جيهة الصدر من لاورا
محمد ابـ صوت عاااااااالي: آآآآآآآآآآآآآآآآآآآآآآآه و طاح ع الأرض
...............
عند بسمه
كانت ماسكه طاسة الميه تشرب فجأة قلبها نغزها نغزه
قووويييييييية نين الطاسة فلتت من يدها و طاحت
بسمه حطت يدها علي لقبها: بسم الله بسم الله ان شالله خير ياربي
وجت بسمه شور الكنبه و قعمزة و هي مزالت حاطه يدها عليها قلبها و خايفه
...............
عند كمال و أميرة
كمال بعد من أميرة وقعد ايشوف العيونها
كمال: عليش تبكي
أميرة تبكي بدون ولا صوت
كمال: ردي عليا عليش تبكي
أميرة ابـ صوت واطي: جت اللحظه يالي طول عمري انتخايل فيها
بس في نفس الوقت كنت عارفه أن هي مستحيل اتجي
كمال: أميرة
أميرة: نعممم
كمال: أتحبيني إنتِ
أميرة ابتسمت و مرشة عينها و دمعتها نزلت
كمال ابتسم: قوليها خليني نسمعها منك
أميرة مبتسمه و ساكته
كمال جا يبي يحكِ على رنة فون أميرة طلعاته من شنطتها
شافلته لقاته باتها
أميرة تمسح في ادموعها: بابا وصل نبي انروح
كمال: باهي توصلي للحوش رني عليا نحكو
أميرة: تمام حاضر باي
كمال: باي
وصبت أميرة تجري طلعت لقت باتها يرجى فيها
ركبت أمعاه و روحت شور الحوش و من أول
ما روحت طول رنة علي كمال و اقعدو هما الأثنين
ايهدرزو مع بعضهم
..............
عند بسمه
بعد مرور 4 ساعات
تحديداً الساعه 3 الـفجر
بسمه قاعده علي نااااااااااااااااااار
بسمه: اوووووف محمد وينك لعند توا ياربي
والله قلقت عليه
و خذت بسمه فونها و اقعدت اترن علي فون محمد
علي أمل يقعد عالق الشفره في فون أخر لكن الفون كان مقفل
و اقعدت بسمه ادور فـ الحوش و كملتها اترن عليه لكن بلا فايده
بعد ساعه
بسمه صبت: لا خلااااااااص أنا معش نقدر انتحمل
و عدت بسمه لبسة عبايتها و لفت وِشاحها و خذت فونها نزلت
تحت عند عمتها
...............
عند غالية
كانت راقده ف عز نومها حست حد ايهز فيها
بسمه ابـ صوت واطي: عمتي غالية , عمتي يا عمتي نوضي
غالية ناضت مفجوعه: آآآآآآآآآآآآه شن في
بسمه: ما اتخافيش يا عمتي هذي أنا
غالية: بسمه شن في كنك نازله في هـ الوقت
بسمه ابـ خوف: عمتي محمد لعند توا مزال ما جا
غالية قعمزت: عادي شن فيها يعني أكيد ماسك توكه ولا
من توا بديتي اتقلقي من تأخيره و عدم اهتمامه أساساً
قلتها لاه أنا قلتها ما تزوجهاش لكن هو يالي ما سمع كلامي و أزوجك
تي ... بسمه قاطعتها
بسمه ابـ خوف: يا عمتي محمد مش ماسك و من امبدري امكلمني
قالي طلعت من المستشفى و جايك و بـ العلامه قالي جايب امعايا
مفاجأة يعني محمد أكيد صيرتله حاجه فـ الطريق
غالية ابـ خوف: حي عليا يا احميده , باهي رني عليه
بسمه: المشكله أن كلمني و قالي فونه خرب
غالية: امنين كلمك دبينا فونه خرب
بسمه: من رقم دكتور صاحبه
غالية: مزال عندك الرقم
بسمه: اهاا مزال عندي
غالية: صبي تعالي فيسع
و صبت غالية وطلعت هي و بسمه و مشاً شور دار
كمال و دقت غالية ع باب
...............
عند كمال
كمال: باهي هيا قولي عاد
أميرة: كمااااااال اسكت
كمال قعد يضحك
علي دقت باب الدار
كمال ابـ صوت عالي: ايوا
غالية: كمال تعال فيسع
كمال: أميرة أشوية أنشوف أمي و أنرد انرن عليك
أميرة: تمام
سكر كمال من أميرة و صبى فتح باب الدار قبلاته أمه
أما بسمه كانت امصبيه بعيده من دار كمال ما بتش اتقرب
كمال: كنك يا أمي شن في
غالية ابـ خوف: حي عليا ووووووك عليا
كمال ابـ صدمه: تي كنك شن في
غالية: احميده خوك ران على بسمه من امبدري و قاللها
جاي فـ الطريق لكن لعند توا مزال ما جا
كمال بحت في بسمه: الساعه كم كلمك
بسمه كانت اتحاشى اتبحت في كمال
بسمه و أعيونها فـ الأرض: الساعه 11 ونص
كمال: رنيتي عليه
غالية: تي فونه خارب و هو رن من فون دكتور صاحبه
خوذ رقمه و رد رن عليه اسأل علي خوك بالك يعرف عليه
شي حاجه
كمال: باهي عطوني رقمه
غالية برمت على بسمه: تعالي عطيه رقمه
بسمه فتحت فونها و حطت ع السجلات و مدت الفون الغالية
بسمه: أهو ثاني رقم
و ردت بسمه وخرت
غالية عدت الفون الـ كمال و هو خش جاب فونه و طلع
سجل الرقم عنده و رن
كمال: ايوا السلام عليكم
الدكتور: وعليكم السلام
كمال: خويا أنا كمال خو محمد يالي يشتغل أمعاكم فـ المستشفى
الدكتور: اهاا مرحبتين تفضل تبي حاجه
كمال: آسف ع الأزعاج لكن محمد أخر مره رن علينا من رقمك
و قال امروح لكن لعند توا مزال ما جا للحوش قلت أنشوفك
بالك تعرف عليه حاجه
الدكتور بـ ستغراب: معقوله لعند توا مزال ما روح
هو فـ الوقت يالي كلم من عندي كان طالع و قالي امروح
للحوش و في شي ثاني أن عطاني توكته اليوم قالي نبي
انتريح فـ الحوش أنا قاعد حالياً فـ المستشفى ماسك بداله
كمال ابـ توتر: لالا , عليك قصة
الدكتور: أنا ح نسألك عليه مرات تقعد جاته عمليه مستعجله
ولا حاجه وانرد عليك انقولك
كمال: تمام نرجى فيك
و سكر كمال و حكالهم شن يالي قاله الدكتور و كلهم اقعدو
خايفين و التوتر ساكنهم و طلعو كلهم قعمزو فـ صاله
و اقعدو يرجو في الدكتور ايرن عليهم
...............
عند صاحب محمد
طلع من غرفته مشى سأل علي محمد في جميع
الأقسام ولو في عمليه اليوم ولالا لكن للأسف محد
شاف محمد
الدكتور: اووووف ازعما وين عدى وحق الله انشغلت عليه
و قعد ايفكر أشوية و بعدين قرر يطلع ايشوف سيارته لو قاعده
و طلع الدكتور برا المستشفى قعد ايشوف للسيارات شاف سيارت محمد قاعده
الدكتور بـ ستغراب: تي كيف صار أهي سيارته قاعده
و طلع قدم الدكتور شور سيارة محمد و بعد أقريب يوصل فيها
شاف محمد طايح ع الأرض و الدم مالي المِكان
الدكتور ابـ صدمه و صوت عالي: محماااااااااااااااااااااد
و قدم شوره ابـ سرعه شاف النبضه لقاه في نبض لكن ضعييييييييييف
الدكتور صبى و خش يجري للمستشفى كلم الأمن عشان ايجو ايشوفو شن صاير
و كلم الممرضين عشان ايجيبو باريله و يطلعو ايجيبوه و عدى يجري كلم الدكاتره
و طلعو كلهم برا و الدنيا كلها التمت عليهم خششو محمد ابـ سررررررررررعه
كشفو عليه و شافو أن امحصل رصاصه في ظهره من لاورا جيهة القلب
قالو أن حالته خطيرة بكل و يبي عملية مستعجله و طوووووووول خششوه للعمليات
................
في حوش أهل محمد
كانواْ كلهم امقعمزين و الخوف امسيطر عليهم
و فجأة رن فون كمال
كمال: الدكتور الدكتور
غالية و بسمه صباً يجاراً
غالية: رد رد
كمال رد: ايوا دكتور شن صار أمعاك ان شالله عرفت حاجه
علي محمد
الدكتور ابـ حزن: القينه محمد قدام المستشفى مصاب بـ رصاصه
و خسر دم وااااااااااااجد بكل
كمال صبى علي حيل حيله
كنال ابـ صدمه: أنت فيش تحكِ يا دكتور من يالي اضربه
و كيف اضربه و محد فطنله
الدكتور: الله أعلم لعند توا الفاعل مجهول
كمال: باهي محمد وينه توا وشن وضعه
الدكتور: محمد تحت العملية و وضعه للأسف خطيراً جداً
كمال: أنا مسافة الطريق و نقعد عندك
و سكر كمال و جا يبي يطلع غالية مسكاته
غالية ابـ خوف: تي وين ماشي خوك كنه ومن يالي ضربه
بسمه ابـ خوف: محمد وين و شن يالي صارله
كمال طبس راسه: محمد ..... و قاللهم كمال يالي صار
بسمه انصدمة و حطت ايديها علي فم..
غالية اتعيط: حي عليا اوليدي حي عليا من يالي دار فيه هكِ
وووووووووووك عليا احميده
كمال ابـ عصبيه: أمي خلاص اسكتي مش ناقصني أنا , توا
ماشي للمستشفى و ان شالله ما ايصير الا كل خير
غالية تبكي: خوذني أمعاك الله ايربحك خوذني أمعاك
كمال ايعيط: تي وين ناخذك أمعايا يا أمي تو تمرضي و اطيحي
عليا غادي قعمزيي هنا الله يسترك
و طلع كمال ابـ سرعه ركب سيارته و عدى شور المستشفى
و كلم خاله عبدالمهيمن قالها لاه و عبدالمهيمن خذى الصبايا
شالهن عند بسمه و غالية و عدى هو شور المستشفى
غالية تبكي ابـ صوت عالي: حي عليا اوليدي حي عليا يا احميده
يبو يرزوني فيك من يالي دارو فيك هكِ من يا عمري أنت
هاجر: غالية استهدي بالله و وسعي بالك عليش اتفاولي ع العيل
ان شالله ما ايصيرله الا كل خير و ان شالله اينوض بـ سلامه
و ايرد الميمته و مراته و أوليده بـ سلامه
غالية اقعدت تبكي
................
عند بسمه
ركبت فوق على أساس اتجيب منصور
خشت للشقه و قعمزت فـ الصاله و اقعدت تبكي
أميرة فقدت بسمه عدت ركبتلها فوق خشت للصاله قابلتها بسمه
امقعمزة ع كنبه و حاطه ايديها علي وجها و تبكي
أميرة قدمت شورها و قعمزت جنبها و حطت يد علي
اكراعها ويد علي كتفها
أميرة: عمـري خلاص ابكاء حرآم عليك إنتِ و خالتي اتفاولو على احميده
بسمه تبكي: مش قادره يا أميرة مش قادره انتحمل فكرة أن يمشي و ايسيبني
أميرة ابـ عصبيه: بسمه عليش اتفاولي عليه انشالله ح يقعد اكويس
و ايرد طيب و اتعيشي إنتِ وياه و اتكونو أحلى ثنائي
بسمه أعيونها مليانه أدموع: أزعما يا أميرة احميده ايرد من جديد
أميرة أعيونها دمعاً: قولي يارب
بسمه: يارب
و اضبطت أميرة و اقعدت تبكي أشوية و بعدين
صبت هي وياها جاباً منصور و نزلاً تحت
..............
فـ المستشفى
كان كمال و عبدالمهيمن قاعدين على أعصابهم و بـ الأصح
المستشفى كلها كانت خايفه على محمد لأن محمد كيف ولدهم
و الكل ايحبه لأن أنسان خدوم و محترم و عمره ما زعل حد من زملاءه
كلهم اقعدو يرجو نين طلع عليهم الصبح
تحديداً الساعه 7 وربع
طلع الدكتور من غرفة العمليات كلهم صبو جو شوره يجارو
كمال: دكتور محمد شن صار أمعاه
عبدالمهيمن: دكتور طمنه الله يسترك لنا 3 ساعات و نحن على أعصابنا
الدكتور ابتسم: الحمدالله العمليه نجحت و محمد نجى من الموت
بس بيش تعرفو أن محمد ولد حلال و داير خير في حياته
كان ناقص عليه دم و أول ما طلبنا من المعمل القينه زمرت دمه طول
و العمليه مشت علي خير بدون اي عوائق طلعنا الرصاصه يعني
محمد ايحبه الله يالي طلع من الموت بـ الأعجوبه هذي
كلهم: الحمدالله ياربي الحمدالله
كمال: باهي امتى يطلع
الدكتور: لالا هو ح يقعد فـ المستشفى نين ايصح و جرحه ايطيب
لأن يبي عناية و اهتمام و بعد ايصح ح ايتعرض لِـ جلسات فيزيائيه
عشان كتفه و يقدر ايحركه مره ثانيه
عبدالمهيمن: باهي نقدرو انشوفوه
الدكتور: بعد نص ساعه تقدرو اتخشو
كلهم: تمام
و عدى الدكتور و كلهم فرحو لأن محمد قعد اكويس
و صحته أكويسه
و كمال رن علي أميرة و طنها علي محمد و قاللها أن هو طلع
من العمليات و حالته أكويسه
...............
عند أهل محمد
بسمه كانت اتصلي فـ الصبح
بسمه: السلام عليكم و رحمة الله السلام عليكم و رحمة الله
علي خشت أميرة من برا تجري
أميرة ابـ صوت عاااااااالي: خااااااااااااااالتييييييييي بسمااااااااااااااااااااااه
بسمه و غالية انفجعاً و صباً يجاراً و هاجر طلعت من الحمام ابـ سرعه
بسمه ابـ خوف: أميرة كنك احميده صارتله حاجه
أميرة تبكي ابـ فرحه: الحمدالله احميده اكويس توا كلمني كمال
و قال عمليته نجحت و بعد نص ساعه يبو ايخشو ايشوفوه
بسمه من فرحتها قعمزت علي الأرض و اقعدت تبكي
و غالية اضبطت هاجر و اقعدت تبكي و أميرة برضو اقعدت تبكي
ههههههه المهم كلهم كانو يبكو من فرحتهم ابـ محمد
..............
فـ المستشفى
خش كمال و عبدالمهيمن علي محمد
كمال: احميده شن حاس أنت اكويس
محمد ابـ صوت واطي: اهاا الحمدالله
عبدالمهيمن: الحمدالله ع سلامه
محمد: الله ايسلمك
كمال: من يالي دار فيك هكِ قولي بس من ولد الـ##
يالي حاول يقتلك
عبدالمهيمن: كمال مش وقته الكلام هذا توا أهم شي
احميده رد بـ السلامه و بعدين الشرطه قالت الموضوع شورها
و هي يالي ح اتحقق فـ الموضوع
محمد: امتى ح ايخرجوني
كمال: قالو مش ح تطلع نين اتصح لأن جرحك تبيله عناية
محمد ايحاول ايصبي: لالالا توا ديرولي خروج مانيش قاعد
عبدالمهيمن: غير استهدي بالله يا راجل شن تطلع ما تطلع
علي خشت الدكتور
الدكتور ابتسم: احميده الغالي الحمدالله على سلامتك
محمد: الله ايسلمك يا دكتور
عبدالمهيمن: دكتور محمد امسكر راسه يبي خروج نقدرو
انطلعوه
الدكتور: هو عادي يقدر يطلع بس لازم اتوفروله العناية
الخاصه و الشديده فـ الحوش و يبي اهتمام و تغير الجرح
كل 4 ساعات
محمد: جو تمام يا دكتور ان شاء الله ح انوفر هذا كلا غير
اكتبلي الخروج بس
الدكتور: باهي ابـ راحتك
...............
الساعه 10 الليل
دارو خروج الـ محمد و طلعز بيه شور الحوش
عند بسمه
كانت هي و أميرة فوق فـ الشقه ايوتاً في المِكان يالي ح يقعد
فيه محمد حطاً القطن و الغيارات و المسكينات و اميه التغذيه
المعقمات و كل شي يحتاجه محمد حطنه و وتت بسمه السرير
غيرتله الكفر امتاعه و غيرت اوجوه الأمخاد و الورغان
و عطرت الدار و وتت الدبش يالي ح يلبسه محمد بعد ايروح
...............
عند غاليه تحت
خالة بسمه بعد سمعت بـ يالي صار جت و قعمزت
هي و غالية و هاجر فـ الجنان علي جيت كمال و عبدالمهيمن
و امعاهم احميده
فتحو الباب و خشو الصبايا صباً ابـ سرعه و عداً شورهم
غالية تبكي: يا نا عليا يا اوليدي أنت أكويس يا عمري
محمد يا دوبك يحكِ: عليش تبكي يا أمي أنا أكويس
غالية: حولو نبي نضبطه حولو
عبدالمهيمن: تي شن تضبطه العيل كتفه يوجع فيه
محمد: معلش يا خالي خليها
بعدو عبدالمهيمن و كمال أشوية و غالية قربت اضبطت محمد
و اقعدت تبكي و محمد يمسح على ظهرها
محمد: خلاص يمي أنا أكويس عليش البكاء توا
غالية بعدت من عليه و مسحت ادموعها
غالية: الحمدالله علي سلامتك
محمد ضحك: الله ايسلمك
هاجر و نعمه: الحمدالله على السلامه
محمد: الله ايسلمكاً
غالية: هذي نعمه خالة بسمه
محمد: خير يا خالتي كيف حالك
نعمه: الحمدالله ابـخير , الحمدالله يالي رديت الهلك طيب
محمد: سلمك
عبدالمهيمن: هيا خلونا انخشو جوا الراجل تعبان
و خشو كلهم جوا أميرة سمعتهم نزلت تجري حمدت الـ محمد
على سلامته و محمد قال أن يبي يركب الشقته و غالية جت تبي تركب
أمعاها أميرة حبت أن بسمه و محمد يقعدو برواحهم فـ قالت الـ غالية
أن اتخلي محمد يركب ايتريح و يرقد و بسمه هي يالي ح اتعانيه
لعند بكره تركبله و غالية بألف سيف بيش اقتنعت و ركبو عبدالمهيمن
و كمال محمد فوق خششوه الداره و نزلو و سكرو الباب
طبعاً بسمه كانت فـ الحمام و ما تندري أن محمد روح و قاعد فوق
طلعت بسمه فقدت أميرة أنها مش قاعده
بسمه اتنادي: أميرة أميرة وينك مافيش أخبار على أحميده
كنهم طولو بيه
و خشت بسمه للدار قابلها احميده امقعمز ع سرير
بسمه بعد شفاته ما صدقت أعيونه و طول نزلاً ادموعها
بسمه ابـ صوت يرعش: احميده
محمد ابتسم: اهاا احميده
بسمه بدون وعي و بدون حتى ما تفطن الروحها قربت شوره
تجري و اضبطاته زيييييييييييييييييييييييييييييين و غرست وجها
في أرقبته و اقعدت تبكي
محمد ابتسم ولف يده الثانيه عليها و قعد يمسحلها في شعرها
و ينزل على ظهرها
محمد ابـ صوت هادي: خلاص عليش تبكي اهو أنا قاعد جنبك
بسمه زادت تبكي ابـ صوت عالي
محمد قعد يضحك: سوما خلاص عاد بطلي ابكاء
بسمه بعدت من عليه و بحتت في وجه محمد
بسمه أعيونها امغرغره ادموع: احميده
محمد بعد قالتله احميده قلبه تحرك من مِكانه
محمد و هو ذايب: نعم
بسمه ابـ صوت فيه حزن: معش اتسيبني ابـ روحي
محمد حط يده علي وجها: حاضر يا سوما
و ردت بسمه تبكي و اضبطت محمد من جديد
محمد طبس راسه عليها و غرس وجه في أرقبتها و قعد ايشم
فيها بـ القوووووووووووة
محمد: خلاص تمام اسكتي معش تبكي
بسمه بعدت من عليه و اقعدت تمسح في ادموعها
و محمد ايساعد فيها و يمسحلها في ادموعها
................
عند كمال
كان هو و عبد المهيمن برا الجنان
كمال: بس كيف ايصير هكِ يا خالي
عبدالمهيمن: يا كمال أنا مانبيش أمك تنشغل علي خوك
انقولولها أنها ارصاصه طايشه بيش ما تقعد اتفكر و اتقول
تو يقتوله من جديد أنت عارف أمك و حركاتها
و بعد نعرفو من يالي داره هكِ نعرفو كيف انحاسبوه
كمال هز راسه: باهي باه ان شالله خير
عبدالمهيمن: توا اسكت و ما تفتحت الموضوع
نين بعد يومين تو نمشي للشرطه و انشوفهم لو صارت
أمعاهم حاجه
كمال: باه كيف ماتبي يا خالي
عبدالمهيمن: سلم اولدي الله ايربحك راك تحكِ قدام أمك
على حاجه تمام
كمال: حاضر يا خالي حاضر
عبدالمهيمن: هيا تعال انخشو
و خش كمال و عبدالمهيمن قعمزو جوا و اقعدو ايهدرزو
كمال و أميرة ما حولوش أعيونهم عن بعضهم بككككككل
و كملوها ابتسامات البعضهم
الكل كان ايهدرز و كمال في عقله
كمال: دبينا كلهم ملتمين توا ليش ما تحكيلهم و اتبك هـ القنبله
هيا يا كمال هيا ديرها و اطلبها من خالك قدامهم كلهم
الكل ايهدرز و فجأة
كمال ابـ صوت عالي: خالي
كلهم سكتو و بحتو فيه
عبدالمهيمن: نعم
كمال: نبي نحكيلك موضوع
عبدالمهيمن صبى: باه تعال للمربوعه
كمال: لالا يا خالي خليك هنا نبي نحكيه قدامهم كلهم
أميرة في عقلها😳: حي عليا يا كمال شن تبي
تحكِ الـ بابا
عبدالمهيمن رد قعمز: باه احكِ نسمع فيك
كمال: خالي أنــا ... أنـا .. أنـ
عبدالمهيمن بـ ستغراب: أنت شنو احكِ
كمال: أنـا يا خالي نـبي .. ااااااااا نـبي
كلهم كانو مستغربين طريقة دوت كمال
كمال: أنـا .....
عبدالمهيمن: كمال بدى يرقالي منك احكِ اكويس و قول كنك
كمال سكت أشوية و استجمع كل قوته و ....
كمال صبى: خالي أنا ايشرفني نطلب يد بنتك أميرة علي سنة
الله و رسوله و اتكوني مراتي و أم أعيالي
أميرة😳
كمال☺️
غالية😟
عبدالميهمن😳♥️
.
.
.
.
.
يتبع...
أودي الفرجاني💚
