رواية ﴿الـعـشق الفـاخـر﴾⁦♥️⁩

العشق الفاخر⁦♥️⁩

يا بنات واللهي اللخبطة مش مني هذا الواتباد
مش عارفه كنه رايح امزطني بكككككل و الحلقه
العاشرة والهي نزلتها قبل الـ 11 لكن توا انصدمة
بعد لقيتها كش نازله انرد نعتذر ع لخبطة💚

الحلقه العاشرة...(10)
محمد ايعيط: أنا قتلك اطلعي
بسمه تبكي و ساكته😭💔
محمد قدم عليها بـ زيادة
محمد ضاغط علي أسنونة: أنا قتلك اطلعييييي
بسمه مزالت تبكي و ساكته😭💔
محمد قدم مسكها من يدها و جا يبي يطلع بيها على فتحت باب
الشقة بـ القووووووووووة و خشت خوت بسمه
محمد و بسمه😳
وائل و حمزة😡
حمزة ابــ عصبيه و اعياط😡: هذا الشغل يا بنت الكلب(حشاكم)
وائل أعيونه ناااااااااااااار😡🔥: و أنت يا ولد الـ ##
اديرلي في روحك دكتور و محترم هذي ناهيتها
مع بنتنا في شقة
محمد قدم شورهم: استهدو بالله واللهي أنتم فاهمين غلط
حمزة قدم شور: تي شن فاهمين غلط شفنا بـ أعيونه مافيشداعي اتبرر حاجه يا ###
و قدموا حمزة و وائل علي محمد مسكوه و نزلو فيه ضرببسمه وخرت و صلقت ع ساس و اقعدت تبكي
ابــ صوت عاليو جسمها كلا يرجف من الخوف
بسمه😭😭
محمد قعد ايحاول ايفهم خوت بسمه لكن بلا فايده
محمد ضرب حمزة بوني نين طاح ع الأرض و عطى وائل ادماغو صبى مسكه من سوريته
محمد ايعيط: أنا قتلكم خليني انفهمكم
وائل خشمه دم: مافيش بيناتنا كلام
حمزة صبى من ع الأرض و طلع السلاح من وراه
بسمه بعد شافت السلاح في يد حمزة ماتت من الخوف
محمد ابـ صدمه😳: أنت شن ادير
حمزة: نبي نقتلك و نقتلها يا ###
محمد: أنا قتلكم واللهي مافي يالي في بالكم استهدوا باللهو خليني انفهمكم
حمزة ايعيط: سكر فماااااااااااااااااك معش تحكي فهمت معش تحكي
و قدموا حمزة و وائل شور بسمه و مسكوها
من شعرها و نزلو فيها ضرب
بسمه تبكي ابـ صوت عالي😭: واللهي أنا بريئه و قسماً باللهما درت شي أنا طاهره عفيفه
حمزة ايعيط: هه صار طاهره تي واللهي انوريك
و قعدو حمزه و وائل يضربو فيها نيييييييين ادقدقوها دقديق
بعدو من عليها و هما داهشين
وائل فك المسدس من يد حمزه و اسحبه
محمد ايعيط: تي أنت شن تبي ادير
وائل و هو داهش: نبي انصفيها قدام أعيونك و بعدين
انصفيك أنت يا ولد الــ ###
و رفع وائل السلاح شور بسمه يالي كانت طايحه
ع الأرضو جا يبي يضغط ع زيناد
محمد ابــ صوت عالي: لاااااااااااااااااااااااا رد بالك اديرها
وائل: معناها تبي اتموت قبلها حاضر من أعيوني
و وجه وائل السلاح شور محمد
محمد: استهدي بالله و نزل السلاح من يدك و خلينا نحكوا
وائل سكت
محمد: أنت استهدي بالله و يالي تبيه تاخذه
حمزة ابـ صدمة: وائل أنت فيش ادير أقتل أمهم
و اغسل عارنا
وائل ابــ عصبيه: أنت سكر فمك
حمزة خبط يده بـ القوة ع ساس
محمد: كيف ما قتلك يالي تبيه تاخذه أنت
استهدى بالله و نزليالي في يدك
وائل: تزوجها
محمد ابـ صدمه: نعمـمممممم
حمزة في حالة صدمة
وائل: كيف ما سمعت يا تزوجها اليوم يا أنتم الأثنين
اتباتوا في أقبوركم
محمد قعد ساكت و مزال مش مستوعب يالي قاله وائل
..............
عند سمر
كانت ادور فـ الحوش و اترن علي كمال لكن مش امحصلته
سمر ابـ خوف: يييييييييييي حي علي حي عليك
مصيبه سوده
كمال كنه ما ايرد ازعما شن صار حي ياربي استر
و ردت سمر رنة علي كمال رد عليها
سمر ابـ خوف و ترعش: كمال كنك ما اترد شن صار عندك
كمال ايعيط ابـ صوت عالي: هذي نهايتها تضحكِ عليا
و اتشيليني للشقة و اتخلي محمد ايجي ايشوفنا يعني كنتي
لاعبتيها الروحك من الأول
سمر: و قسماً بالله العظيم ما دخلني و مش أنا يالي قلتها الـ محمد
و بعدين أنا شن مصلحتي عشان انخلي محمد ايشوفكم
كمال: و أنا شن عرفني شن مصلحتك أساساً انتِ انتوقع منك
أي شي
سمر: واللهي العظيم محمد كلمه .......
و حكتله سمر يالي صار
كمال قعد ساكت
سمر: باهي قولي شن صار في بسمه و محمد وين توا
كمال: محمد ضربي و لزني من الشقة و سيبته هو و بسمه
فـ الشقه
سمر ابـ صدمه: انشالله مزالو غادي
كمال: ما نندريش أنا بعد لزني طلعت طول مش عارفه شن
صار امعاهم
سمر أعيونها دموعو: حيييييييييي عليااااااااااااااا
و سكرت سمر من كمال و اقعدت اترن علي محمد
و اقريب اتموت علي روحها من الخوف أن خوت بسمه يقعدو
جيين للشقة و شايفين محمد و بسمه و اقعدت اترن علي محمد
لكن هو ما ايرد
(طبعاً يالي صار أن سمر بعد شافت سلسال بسمه عند محمدتحساب أن بسمه و محمد بيناتهم حاجه و معش اقدرت اتحمل أكثر من هكِ و قالت لازم انحول بسمه من حياتها هي و محمدفــ قررت أنها ادير خطه و من ضمن هذي الخطه هو كمال اتفقت مع كمال انها اتجيبله بسمه في شقته و أن ح ايدير فيهايالي يبيه و كمال وافق بس ما كان عنده علم بـ الجزء الثانيمن خطة سمر يالي هي كلمت أختها و اقلتلها نبي نعرف معلوماتعلي وحده و عطتها عنوان و أختها كلمت معارفها و جابتلهاكل معلومات بسمه  و منها معلومات علي خوتها و قصتهم كلهاسمر بعد عرفت أنها خوتها يسكرو و ايحششو خطرت عليهاأنها اتحطهم فـ الخطه و جابت أرقام خوتها و بعد كمال قاللهاأن بسمه جت للشقه هي رنة علي خوت بسمه و قالتلهم أنها فاعلةخير و أن تبي اتقوللهم أن أختهم قاعده فـ الشقه مع الشاب يالي تشتغل عندهم
فـ الحوش و عطتهم العنوان و هما عدولها لكنجيت محمد خربت خطة سمر فوق تحت و قلبت موازين الخطةو نقدرو انقولو أن انقلب السحر على الساحر)
.............
عند محمد
وائل: شكلك ماتبيش اتعيش
و رد وائل رفع السلامح شور محمد و حط صبعه ع الزيناد
محمد: تمام تمام خلاااص يالي تبيه ايصير
وائل ضحك ضحكة ع جنب: حمزة
حمزة و هو متعقد: شنو
وائل: عدي جيب الشيخ
حمزة: بس ..
وائل قاطعه ابـ صوت عالي: كيف ما قتلك دير , امشي جيب الشيخ
حمزة عدى شور الباب و طلع و طربقة بـ القووووووة
.............
عند سمر
كانت مزالت اترن علي محمد لكن بلا فايدة
سمر ابـ خوف: حي عليا شن درت في روحي أنا
ياربي سترك كان ما شافوا محمد و قتلوه ليا حي ياربي حي
علي خشت غالية
غالية: سمر
سمر برمت عليها: نعم
غالية: تعالي شوفي من جا
سمر بـ ستغراب: من ؟
غالية طلعت و طلعت سمر في جرتها
سمر وصلت للصالة قابلوها باتها و أمها و أختها
سمر ابـ ضحكة صفرة: مرحبتين مرحبتين
و قدمت سمر شور هلها و سلمت عليهم
بات سمر: كيف حالك يابنتي انشالله ابـ خير
سمر: الحمدالله أكويسه
أم سمر: كيف حال نصوري
سمر: أكويس قاعد راقد
بات سمر: كنك انحس في جوك مش تمام
سمر: لالا مافي شي هيا تعالو نركبو الشقتي
غالية: لا واللهي مانكم طالعين خليكم الحوش حوشكم
خوذو راحتكم أنا ماشية اندير فـ الغداء
سمر: خليك انتِ يا عمتي تو انديره أنا الغداء
غالية: لالالا انتِ خليك مع هلك أنا تو انديره
و عدت غالية شور المطبخ و سمر أقعدت اتهدرز مع
هلها لكن فوق من النفس و علقها مش أمعاها و اتفكر
في محمد و شن صار فيه
..............
عند محمد
جا حمزة و امعاه الشيخ و قرو فاتحت محمد علي بسمه
و طلع الشيخ و امعاه خوت بسمه و محمد قعمز فـ صاله
و حط راسه بين ايديه و قعد ايفكر فـ المصيبه يالي هو
طاح فيها و كيف ح يصرف
بسمه طلعت من الدار و جت شور محمد بـ شوية بـ شوية
بسمه أدموعها سييييل من أعيونها: آسفه
محمد رفع راسه و بيحت فيها: بعد شنو بعد طاح الفاس في الراس
بسمه تبكي: واللهي أنت فاهم غلط واللهي مالياش ذنب فيـ ...
محمد قاطعها: عدي أستري روحك و اطلعي قدامي
بسمه برمت بدون ولا كلمه خشت لبسة دبشها و خذت شناطيها
و طلعت لقت محمد نازل تحت نزلت في جرته و ركبت الشناطي
فــ السيارة و ركبت لاورا و محمد ركب للسيارة طلع فونه و دز
لِـ أميرة رساله و علق و عدى شور الحوش
.............
عند غالية
كانت فـ المطبخ تنصب فـ الغداء خشت عليها أميرة
أميرة: خالتيييييييييي
غالية برمت لقتها أميرة
غالية: مرحبتين أبنيتي كيف حالك
أميرة: الحمدالله اكويسه , الحمدالله ع سلامه
غالية: الله ايسلمك , وين هلك جو أمعاك
أميرة: لالا جيت ابروحي
علي خشت سمر
غالية: كنهم ما جو أمعاك
أميرة: أنا احميده دزلي رساله قالي تعالي نبيك
في حوشنا ضروري
غالية: اهاا
سمر ابــ صدمه: احميده هو يالي كلمك
أميرة: لالا دزلي رساله
سمر: ما قالكش شن يبي
أميرة: لا والله
غالية: هيا اهي القهوه واتيه خوذهنا و اطلعاً
أميرة بـ ستغراب: من في عندكم
غالية: أهل سمر
أميرة: اهاا
سمر قدمت خذت القهوه و هي ترجف و طلعت برا عند هلها
و طلعت في جرتها أميرة و غالية
..............
عند محمد
وصلو للحوش نزل محمد و فتح الـ بسمه الباب
محمد: انزلي قدامي
بسمه نزلت و خشت هي و محمد للحوش
....
جوا كانوا كلهم ايهدرزو الا سمر عقلها ايشيل
و ايجيب و فجأة انفتح باب الوسطي و خش محمد
و وراه بسمه كلهم بحتو في محمد و بعد شافو بسمه
سكتو
سمر😳
أميرة ابـ صدمه😳: بسمه
و صبت شورها تجري
أميرة ابـ خوف: بسمه ياروحي كنك من يالي داير فيك هكِ
غالية صبت شورهم ابـ خوف
غالية: احميده شن يالي صاير بسمه شن جابها هنا
و كنكم شكلكم من يالي دار فيكم هكِ
محمد: أميرة خوذيها و اركبي بيها للشقه
أميرة ابـ خوف: احميده
محمد طلع المفتاح و مده الها
محمد: كيف ما قتلك خوذيها و ركبيها فوق
أميرة خذت من محمد المفتاح و خذت بسمه و ركبت
هي وياها للشقه خشاً و قعمزاَ فـ صاله و بسمه من خشتها
و هي تبكي و ما حكتش ولا كلمه أميرة حاولت امعاها
واجد لكن هي تبكي و بس سيبتها و نزلت عشان تفهم من محمد
يالي صاير و بعد وصلت تحت سمعت محمد يحكِ صبت و اقعدت
تسمع فيه
.......
غالية: محمد احكِ شن في
محمد قدم و خش للصاله و شاف الأهل سمر يالي كلهم امقعمزين
من ضمنهم باتها
بات سمر: محمد شن يالي صاير فيك احكِ
محمد قعد ساكت و قعد الكل يسأل فيه نين حكالهم القصة يالي
صارت كلها من البداية للنهاية
محمد و هو امطبس راسه: و هذا كل يالي صار
سمر من كثرة الصدمة نين معش اقدرت لا اتصبي ولا تحكِ
أميرة شهقت وحطت يدها علي فمها😱
كلهم قاعدين في حالة صدمة😳
بات سمر: باهي و توا
محمد رفع راسه و شافله: شن توا
بات سمر: شن يالي ح ايصير
محمد: مش ح ايصير شي البنت خلاص اقعدت مراتي
و سمر مزالت مراتي و علي عيني و راسي
بات سمر ضحك ضحكت هزوة: هه مراتك بنت ##
محمد سكت و ما قدر يحكِ
بات سمر صبى: صبي يابنتي صبي عدي خوذي ادبشك
و اطلعي قدامي
سمر زادت انصدمة
غالية ابـ خوف: وسع بالك نحن عيلة وحده و يالي صار
سوء تفاهم و ح انحلوه
بات سمر: أنا ما ايشرفني بنتي تقعد عند ناس كيفكم
سمر: بابا أسمعني
بات سمر ابـ صوت عالي: اطلعي قدااااااااااااميييييي
سمر صبت و قلبها ايدق ابـ سرعه و ايديها يرجفو
و ادموعها نزلو
............
عند بسمه
كانت امقعمزة و تبكي خشت عليها سمر
سمر بعد شافتها جت شورها و اقعدت اتعيط
سمر تبكي و ابـ صوت عالي و اتخبط علي وجها
سمر😭: كلا منك انتِ السبب
انتِ يالي من جيتك حياتي انقلبت كلا منك كلا منك
انتِ يالي خليتينا نوصلو لِـ هـ المواصيل حسبي الله و نعم
الوكيل فيك ربي ياخذ الحق منك و ايفكني من وجك
بسمه امطبسه راسها و تبكي😔😭
سمر برمت و خشت الدارها و أميرة خشت من باب الشقة
أميرة أدموعها شلال😭: كنتي تضحكِ عليا صح
بسمه بعد سمعت صوت أميرة رفعت راسها و بحتت فيها
أميرة: كنتي حاطه عينك عليه و تبيه و ضحكتي عليا عشان
اتجي تشتغلي هنا و تاخذي كمال
بسمه ابـ صدمه😳: أميرة انتِ فيش تحكِ أنا مستحيل اندير هكِ فيك
أميرة اتعيط و تبكي😭: حرآم عليك يالي درتيه فيا يا خاينةحرآم عليك تضحكي عليا عشان تاخذي كمال مني انتِ اكثروحده عارفه قديش انحب كمال تمشي اتخونيني و اتعديلايا ريخصة
بسمه انصدمة من كلام أميرة
أميرة: لا و أنا الهبله أنقولك ازعما عليش ما يبيش
يعطيني وجه و انتِ اتقوليلي فوتيه و ما تعدلي عليه
ح اتحصلي خير منه , ثاريته راسمه رسمتك و بارمة
عليه و ياريته غير حبك جديات جابك الشقه عشان ياخذمنك يالي يبيه و بعدين يعزقك أساساً أكيده ح ايدير هكِبعد يلقى وحده ريخصة كيفك يا ريخصة
و برمت أميرة و طلعت من الشقه و هي منهاره من البكاءأما بسمه مزالت مش مستوعبه كل يالي صار
حطت ايديهاعلي وجها و اقعدت تبكي ابـ صوت عاااااااااااااالي
أما سمر لمت دبشها و خذت ولدها و طلعت من الشقه
و نزلت تحت لقت هلها يرجو فيها فـ صاله
بات سمر شافلها: وين ماشيه بيه هذا
سمر و ادموعها مالية اخدودها: من ؟
بات سمر شيرلها علي منصور
سمر: كيف وين ماشيه بيه اولدي يا بابا
بات سمر: حطي الفرخ هنا ما عندك وين شايلتيه امعاك
كلهم انصدمو من كلام بات سمر
سمر ابــ صدمه😳: بابا هذا اولدي كيف انسيبه
بات سمر ابـ صوت عالي: ما ايشرفني انربيه ولا انتِ اتربيه
سمر تبكي😭: بس هو مش ذنبه شي
بات سمر أعيونها ناااااااار😡🔥: اسمعي الكلمه و حطي فرخ الـ ##هنا ما يلزمنيش لا هو ولا حد من هله اطلعي قدامي
سمر ضمة ولدها و اقعدت تبكي
بات سمر قدم شورها و فكه من يدها و حطه ع الأرض
بات سمر: اطلعي قدامي
و دفها قدامه
بات سمر: من دون شوشره ولا تكبير مواضيع من بكره تمشي اطلق
البنت و اتجيب ورقة طلاقها بـ الحسنى خير
و طلعو سمر و هلها و أميرة نزلت من فوق تبكي طلعت برا الجنان
و قعمزة ع كرسي و انهارة انهيار كامل
أما محمد قعمز في وسط الحوش و حط راسه بين ايديه و قعد ساكت
غالية خذت منصور و جت قعمزة قدام محمد و اقعدت تبكي
.............
مشى الوقت
تحديداً فــ ليل الساعة 10 ونص
هداً أجواء الحوش أشوية
جو أهل أميرة و حكولهم كل يالي صار و خالهم
كان راقيله من كمال ومن يالي داره و قال أن ح ايحل
الموضوع في اقرب وقت و خذو أميرة و روحو
أما محمد كمل يومه فـ الحوش امقعمز في مربوعة حوشهم
غالية كان امعاها منصور ولد محمد و طول اليوم اتفكر في حياتها
و حياة أعيالها يالي اتقلبت
بسمه مسكينه كانت قاعده في الشقة  امقعمزة في نفس المِكان
و تذكر في كل يالي صار و تبكي نين خذاها النوم و رقدت ع كنبه
.............
عند غالية
عشت منصور و رقداته وصبت عدت شور المربوعه عند محمد
غالية دقت ع باب و خشت قابلها محمد فارد جسمه ع كنبه و حط
يده تحت راسه و ايشوف للصقف
غالية: احميده نايض
محمد رفع راسه و شافلها: اهاا تعالي يمي
غالية خشت و جت قعمزت تحت كرعين محمد
غالية: شن تبي ادير توا
محمد تنهد: واللهي ماني عارف يا أمي عقلي متلخبط
و مش عارف طيف نصرف
غالية: باهي و خوك
محمد صبى ابـ عصبيه: كمال معش نبي نسمع أسمه
ولا اتجيبولي سيرته
غالية ابـ خوف: بس هذا خوك
محمد: الا خو العدو , أنا من اليوم ما عنديش خو فهمتي
يا أمي خو ما عنديش
و صبى محمد طلع من المربوعه و ركب فوق للشقه
غالية اقعدت تبكي و واجعها يالي صار بين اعيالها
............
عند كمال
كملها ايدور في الشوارع و بعد ليل عليه الليل معش
عرف شن ح ايدير
كمال: اووووووووف عليك قصةة الزح شن نبي اندير
توا الحوش مش ح نقدر نمشيله لأن تلقى محمد توا قايم عليا الحد
اووووووف عليك سريب امعفن هو و الحقيرة هذي فونها مقفل
(قصدة علي سمر)
و قعد كمال ايفكر أشوية و بعدها
كمال: جبتها يالي ح اتساعدني , هي وحده و مافيش غيرها
و رفع كمال فونه و رن علي أميرة
..............
عند أميرة
كانت امقعمزة برا أجنان حوشهم عالقة سماعات
و حاطه أغاني و متكيه راسها ع كرسي و اتفكر
في يالي دراته بسمه فيها فجأة رن فونها رفعت راسها و شافتله
أميرة فتحت أعيونها عشرة عشرة
أميرة ابــ صدمه: كـــمــااااال😳
و بدون حتى ما اتفكر ردت طول
أميرة ابـ لـهـفـة: ايوا كمال
كمال: أميرة انتِ وين قاعده
أميرة: فـ الحوش
كمال: نبيك في موضوع ضروري
أميرة: باهي قول
كمال: لالا هكِ ما ايصير شي لازم انشوفك
أميرة: تمام تعال فـ الحوشنا و أنا نرجى فيك فـ الباب الخلفي
كمال: خلاص تم جاي في الطريق
و سكر كمال من أميرة و عدى شور حوشهم أما أميرة
استغربت رنة كمال عليها لكن في نفس الوقت فرحت
لأن أول مره كمال ايرن عليها و يطلب أن ايشوفها
صبت ابـ سرعه و عدت شور الباب الخلفي و اقعدت
ترجى في كمال
( يالي ايقول كيف أميرة فرحت ابـ رنة كمال وهي عارفة
بـ يالي صار بينا وبين بسمه , أميرة منجونة في حب كمالو مهما دارلها مستحيل تكرهه و بذات أن كمال أول مره ايرنعليها و أول مره يطلب منها حاجه )
..............
عند سمر
كانت قاعده في حوش هلها تحديداً في غرفة أختها
كانت امقعمزة ع سرير و تبكي من وسط قلبها
علي خشت أختها و بعد شافتها خشت و سكرت الباب
أخت سمر: تريحتي هكِ يا سمر تريحتي بعد خربتي بيتك
سمر تبكي و اتبخط علي وجها: كلا مني أنا يالي خربت
حياتي بيدي كلا مني أنا اليوم كان كلمها ح ينتهي و ح اتروح
الحوشها اليوم كانت ح اتعدي و تطلع من حياتي و ايرد
محمد امعايا كيف قبل و اترد حياتنا كيف ما كانت أنا يالي
قلبتها علي روحي أنا يالي قدمتها الـ محمد علي طبق من ذهب
أخت سمر: لما كلمتيني و حكيتيلي ع يالي تبي اديريه
شن قتلك , قتلك يا سمر اطلعي من بابهن المشاريع هذين
فوتي البنت و خليها في حالها لكن انتِ سكرتي راسك
و ردتي يالي تبيه و شوفي كيف انقلبت عليك توا لا عاد
في محمد ولا حوشك ولا منصور معش تحلمي اتردي الحياتك القديمه
سمر حطت ايديها علي وجها و انهاااااااارت😭💔
...............
عند بسمه
كانت راقده ع كنبه و بعد سمعت باب الشقة انفتح فتحت أعيونها
قابلها محمد جاي شورها صبت قعمزت علي حيلها
محمد جا و قعمز ع كرسي يالي كان  امقابل بسمه بس بعيد
من عليها
محمد: ...........
بسمه😳

.
.
.
.

يتبع...
خوت بسمه هل من الطبيعي أنهم ايزوجو بسمه
الـ محمد عشان يسترو يالي صار ؟ و لا في عقلهم
شي ثاني ؟
محمد شن ح ايدير مع بسمه ؟ و شن ح ايكون قراره ؟
بسمه كيف ح اتكمل حياتها و شن مصيرها ؟
كمال شن يبي من أميرة ؟ و هل ح يعلم بـ باقي قصة
بسمه و جيت خوتها للشقة ؟ ولو ح يعلم شن ح اتكون ردتفعله ؟
لأن أكيده ح يفهم أن سمر كانت رسمتها عشان خوت بسمه ايشوفوهم مع بعضهم لكن ما صار شي و شافوها مع كمال
سمر كيف ح ايصير فيها ؟ و شن مستينها ؟

هذا كلا ح نعرفوه في الحلقه الجايةة

أودي الفرجاني💚