رواية { الــعــشــق الـــفـــاخـــر♥️}
للكاتبة : أودي الفرجاني##
مـعـنـى كـلـمـة الـفـاخـر: أغلبية الناس بعد شافو أسم الرواية
فسرو كلمة الفاخر هي الطعام اللذيذ و شهي الطيب
أو الولميةالفاخره ، لا معنى كلمة الفاخر في روايتي هي : ذو قيمةة عالية و نفيس و أيضاً من
الدرجة الأولى♥️
______
الحلقه الأولـــى ... {1}
بسمه امصبيه ع المرايه و حاطه يدها تحت عينها
بسمه ابـ حزن😔: ياربي كيف نبي نمشي للجامعه
و عيني متورمه هكي
و اقعدت اتشوف العينها كيف متورمه
و لونها موف
و فجأة باب الحمام دق بــ القوة
حمزه ابــ صوت عالي😡: بسسسسمه
بسمه وهي ترعش😧: نعم نعم
حمزه😡: هياااا كنك متي فــ الحمام(حشاكم)
بسمه: هيا طالعه
و غسلت بسمه وجها و أسنونها و طلعت ابـسرعه
لقت حمزه امصبي قدام الباب
حمزه: كنك طولتي جوا😡
بسمه وهي خايفه😟: كنت نقضي في حاجتي
حمزه قدم و مسكها من شعرها
بسمه: آآآآآآآه حمزه كنك واللهي ما درت حاجه
حمزه ابـ صوت عالي😠: أنا قتلك فيش كنتي اديري جوا
بسمه تبكي😭: واللهي ما كنت اندير في شي غسلت
وجهي و أسنوني وطلعت
حمزه زاد ضغط عليها: دايره فون من ورانا صااااااااااااح
بسمه زادت فــ البكاء😭: و قسماً بالله ماني دايره فون ولا دايره حاجه من وراكم
حمزه فك بسمه وخش للحمام(حشاكم) قعد يبرم و ايدور
و فتح الغساله و بحت فيها و بعدين فتح الرفوف شافلهن
و قدم علي مغطت السيفوني فتحها و قعد ايبحت جوا
و بعد مالقى شي طلع و هجم عليها و نزل فيها ضرب
حمزه ايعيط: وين دسيتيه يا كلبة الكلاب(حشاكم) احكي
انطقي من الحقير يالي اتكلمي فيه الفون وين دسيتيه
بسمه تبكي بــ العبره😭: و قسماً بالله و جلالة الله أن ما عندي
فون ولا نحكي مع واحد , حرآم عليك واللهي انهريت من الضرب
حمزه طلقها و صبى
حمزه و هو داهش: هذي أخر مره اطولي جوا فهمتيييييي😤
بسمه تمسح فــ دموعها: باهي حاضر😢💔
حمزه: صبي درقي وجك اللبسي خليني نعزقك فــ جامعه
بسمه صبت: حاضر💔
و عدت بسمه شور الدار بدلة دبشها و اقعدت اتبحت في وجها
يالي كلا كدمات أثر الضرب و انهارة من البكاء😭😭
حمزه فتح باب الدار وخش
حمزه: اسمعي أنا صارلي عمل نبي نطلع مافيش داعي للجامعه اليوم
بسمه خافت اتقوله أن عندها محاضرات مهمه ولازم تمشي ايرد حمزه يضربها
بسمه: باه
حمزه لف يبي يطلع و بعدها
حمزه رد: مافيش وحده من صحباتك اتشيلك
بسمه انصدمة من سؤال حمزه😳
حمزه: اووووووووووووي تسمعي فيا
بسمه: آه اهاا زينب صاحبتي
حمزه: ومن ايشيل فيها زينب هذي
بسمه: السواق امتاعهم
حمزه قعد ساكت اشوية وبعدها
حمزه: كلميها خليها اتكي عليك
بسمه ابــ فرحه: باهي حاضر
حمزه: و روحي حتى امعاها لأن مش ح نفضى انجيك
بسمه: باهي تمام
حمزه طلع و بسمه عدت تجري رنة علي صحبتها
زينب من الفون الأرضي و قالتلها اتكي عليها
و زينب قالتلها أن عشر دقايق و تقعد عندها
لبسة بسمه ويشاحها و خذت شيتاتها و شنطتها
و قعمزة ترجى في زينب
.............
في مِكان ثاني
محمد و هو راقيله: أمي أنا شن قتلك ع الموضوع هذا
مش قتلك سكريلي عليه
غالية ابــ عصبيه: كيف أنسكرلك عليه , أنت شايف حالتك
محمد: كنها حالتي الحمدالله ابــ صحتي و شغلي و عيلتي اكويسهشن نبي اكثر من هكي
غالية: وين هي عيلتك مراتك يالي حرجانه عند هلها من 6 أشهور و امعاها أولدك يالي ما لحقنا نفرحو بيه
محمد ابــ عصبيه: أمي بــ ختصار شديد سمر مانيش رادهاولا امعبرها الوليه يالي تطلع من الحوش بدون شوري ما تلزمني و كان علي أولدي كل يوم نمشي انشوف فيه و نطمن عليه و كان أنتِ تبي اتشوفيه
في اي وقت وتي روحك و ناخذكعندهم , كلا موضوع نمشي انردها لالالا طلعيه من راسك
غالية ابــ عصبيه: محمد
محمد صبى: هيا اوكي
طلع محمد و سكر الباب الوسطي بــ القوة و طلع ركب
فــ سيارة و علق ابــ سرعة شور المستشفى و هو راقيلة بكككككل
.............
عند بسمه
رنة عليها زينب و قالتلها أن تطلعلها برا لأنها خمس دقايق
و توصل فيها صبت بسمه عدت شور باب الحوش فتحاته و طلعت
و هي عقلها ايشيل و ايجيب اتفكر في عيشتها يالي معش بت تسقم
و خوتها يالي اقريب اتموت بين ايديهم من الضرب يالي يضربو فيه
الها ليل نهار وهي طالعه ومش فاطنة الشيء قطعة الطريق و هب
اتجي سيارة ابــ سرعة غريبة و تخبط فيها
..............
عند محمد
كان يجري بــ سيارة و هو غمتله ومش شايف شي قادمه
وهب يخبط بنت ابــ سيارته
بسمه طاحت ع أرض لكن الضربة ما ضرتها لأن محمد
وقف علي أخر لحظة
محمد فتح باب السيارة و نزل و قعد ايهزب في بسمه
محمد ابــ عصبيه: تي أنتِ ما أتشوفيش قدامك ولا كيف
خلي أعيونك ع طريق و أنتِ طالعه
بسمه كانت طايحة ع أرض و قلبها ايدق ابــ سرعة من الخوف
محمد: اوووووي طرشه ما تسمعي
بسمه أعيونها امتلو أدموع و معش أقدرت أتحمل
علي جيت زينب بعد شافت بسمه طايحة ع أرض
و محمد امصبي ايهزب فيها قالت للــ سواق ان ايدرس
و نزلت تجري شور بسمه
زينب ابــ عصبيه: هااااااااااي أنت كنك اتعيط عليها هذا بدل ما اتساعدها
محمد: واللهي صاحبتك هي يالي عمية ما أتشوفش قدامها خليها اتعدي
ادير نظارات علي حالها ولا فوق هذا كله بكوشه ليا ساعه نحكي امعاها
و ما أتردش
زينب ابــ عصبيه و صوت عالي: اوووووي وين تحساب روحك
عشان تحكي عليها هكي أحترم نفسك يا أستاذ واللهي ما في غيرك عمى
بسمه رفعت يدها وحطتها علي فم.. زينب
زينب بحتت فيها
بسمه ابــ صوت مخنوق: زينب خلاص أنا يالي غلطانه
زينب: كيف ...
بسمه سكتتها و صبت مسكتها من يدها و عدت هي وياها شور السيارة
علي نزلت السواق لكن بسمه قالتله انهن حلاً الموضوع ومافيش مشكله
و ركباً بسمه و زينب فــ سيارة و رد السواق ركب و علق بيهن شور الجامعه
أما محمد رد ركب سيارته و كمل طريقه
.............
تعالو أنعرفكم على الأبطال
بطلنا محمد م89 متخرج من كلية الطب البشري
و حالياً يشتغل فــ مستشفى خاص قسم النساء
متزوج عن طريق الرواده لاه تقريباً سنه و عنده
اوليد عمره 8 أشهور
مراته سمر م98
أمه غالية
باته منصور متوفي
عنده أخ واحد يالي هو كمال م96
برضو ح ايكون بطل و ح اتعرفو عليه أكثر من خلال الرواية
محمد شخص عاقل شخصيته متزنه و ما ايحب الغلط بكل
في نفس الوقت هو شخصيه عصبيه صارمه ما ايحب حد يكسر كلامه
لكن طبيعي اي إنسان انسان قوي تلقى قلبه أبيض و طيب و محمد
أنسانه حنون بكل
