و عشان خاطركم كملتها و نزلتها😊🔥
___________
الحلقه الثالثة عشر...(13)
عند محمد
كان امقعمز فــ صاله و يرجى في كمال ايجي علي
رنة فونهشافله لقاها سمرمحمد رفع الفون ابـ سرعه
و رد
محمد: ايوا سمر
سمر: احميده أنت وين
محمد: فــ الحوش كنك صايره حاجه
سمر: أنا قاعده تحت عند الباب افتحلي
محمد ابـ صدمه: قاعده تحت ؟
سمر: اهاا
محمد: تي شن جابك قصدي كيف جيتي
سمر: أنت تعال افتحلي بس و تو نحكيلك
محمد صبى: هيا هي جايك
و نزل محمد ابــ سرعه فتحلها الباب و خش هو وياها
للمربوعه يالي تحت و قعمزو ع كنبه و قابلو بعضهم
سمر اتشوف الــ محمد في عقلها ياريتي ما درتها ولا خسرتك يا محمد
محمد ايشوفلها: سمر كنك ساكته
سمر فطنت الروحها: آه
محمد: احكِ كيف جيتي هنا من ورا هلك
سمر: هربت من وراهم و جيتك عشان نحكِ أمعاك
محمد: شنو احكِ
سمر: أنا سمعت بابا قال أنك تبي اطلقني بكره
محمد طبس راسه
سمر قربت يدها من يد محمد و مسكتها
محمد رفع راسه و شافلها
سمر أعيونها مليانه أدموع: احميده ما اتخلاش عليا أنـا نبيك
و نبي انكمل حياتي أمعاك و مع ولدنا
محمد ابـ قلة حيلة: حتى أنا مش هاين عليا حياتنا تخرب يا سمر
لكن إنتِ شفتي باتك كيف امسكر راسه و يبيني انطلقك اليوم كبر بكره
سمر: اصرف اصرف دير اي شي أهم حاجه ما اطلقني احميده أنا
ما نقدرش انعيش من دونك و ربي ما نقدر انعيش من دونك
محمد تنهدة ابـ حسرة: خلاص إنتِ توا عدي الحوشكم قبل لا هلك يفطنولك
و انشالله خير
سمر: يعني مش ح اطلقني
محمد: أنا ح نصرف ما اتخافيش
سمر: هي كلها فترة و تمشي صح ؟
محمد قعد ساكت
سمر: أكيده فترة و اتعدي و ح اطلق بسمه و انردو أنا وياك
و ولدنا الحوشنا و حياتنا
محمد: انشالله خير هيا تعالي انوصلك الحوشكم و أنا ح نصرف
سمر صبت: لالا أنت خليك خايفه بابا ايشوفك امعايا ايديرلي قصة
تو انروح في تكسي أقل حاجه لو شافني نكذب أي كذبة
محمد: باهي تمام
سمر برمت و طلعت من المربوعه و عدت شور الجنان
............
عند كمال
وصل الحوشهم درس السيارة و نزل فتح باب حوشهم
و خش و هو مش شايف شي قدامه علي طلعت سمر
و تقابلت هي وياه
كمال بعد شاف سمر قرب شورها و أعيونه ناااااااار
سمر بعد شافت كمال جاي شورها و راقيلية عرفت
أن في حاجه صايره
سمر: كمال ... وقبل لا اتكمل كلامها كمال هجم عليها و مسكها
من يدها من فوق بــ القووووووووووة
سمر ابــ وجع: آآآآآآآآآآآآآآآه كمال كنك شن في
كمال ابــ عصبيييييية: تضحكِ عليا يا بنت الـ ##
سمر ابــ صدمه: كنك شن درتلك أنا
كمال أعيونه نااااااار: تلعبي عليا و تضحكِ عليا طيحتيني
في فخ يا حقيرة يا ### ###
سمر أول ما كمال قال الـكلام هذا عرفت أن هو عرف بـ يالي
هي دراته
كمال: أتقوليلي انساعدك و اتيجبيلي البنت للـشقه و اتكملي خوتها
يا ## عشان ايشوفونا و يقتلونا القنك وحده ##
سمر ابــ خوف: اسسسسسس كمال وطي حسك و تعال خلينا انتفاهمو
كمال ايعيط: شن انتفاهمو معش فيها تفاهم اليوم هذ نبي نحكِ الــ محمد
علي كل حاجه عارفه شن معنى كل حاجه , كل حاجه
سمر: اسسسسس كمال رآه محمد يسمعك اسكت و تعال خلينا نحكو
كمال: تي أساساً نبيه يسمعنا أنا محمد اصلاً لو ما سمعنا توا يبي يسمعنا
بعد دقيقتين
و طلق كمال سمر و جا يبي ايخش للحوش سمر مسكاته مع يده
سمر ابــ خوف كبيييييير: كمال الله ايربحك وقف وخلينا نطلعو برا
و نحكو علي راحتنا و انتفاهمو علي كل حاجه
كمال ابـ صوت عالي: حولي يدك أنا قتلك
سمر: الله ايربحك يا كمال واللهي لو محمد علم انِ أنا
وراها القصة هذي كلها ح ايطلقني واللهي ح ايطلقني
كمال ابـ هزوه: هو في كلتا الحالتين امطلق امطلق , وبعدين
تحسابيني نبي انقوله على يالي صار و أن إنتِ السبب لالا يا حلوه
ما نبيش انقولها لاه
سمر استكت: معناها شن تبي اتقوله
كمال قرب شورها و جا عند وجها: نبي أنقوله علي كل يالي
كان بيناتنا يا سمر
سمر فنصت أعيونها عشرة عشرة
سمر: شنوووو
كمال ضحك ع جنب: كيف ما سمعتي نبي أنقوله علي كل
يالي كان بيناتنا قبل لا تزوجيه و يالي صار بيناتنا بعد زواجكم
سمر ابــ صدمه: لا كمال رد بالك اديرها واللهي لو يعلم محمد بـ يالي
كان بيناتنا ح يذبحني أنت عارف شن معنى يذبحني و قسماً بالله
ما ح ايخليني عايشه لا أنا لا أنت
كمال ضحك ابـ صوت عالي: احكِ علي روحك كلا أنا بعد ح أنقوله
معش ح ايشوف وجي بكل ح انسافر و انسيبها لكم لكن إنتِ يا حرآم
تبي اتريحي فيها سموحة
سمر مزالت مش امصدقه يالي قاعد ايقول فيه كمال
كمال: ها كنك سكتي
سمر: كمال الله يسرتك ما اديرها واللهي حياتي ح تدمر
كمال: يعني بعد كلمتي خوت بسمه ما فكرتيش أنا حتى أنا حياتي
ح تدمر , سمر انتِ طول عمرك ما اتفكري الا في مصحلتك
عمرك ما فكرتي في غيرك ولا حياة غيرك طول عمرك اتفكري
بس في روحك و الباقي يطربق ينحرق أهم شي روحك و بس
سمر: تمام تمام أنا عارفه روحي وحده حقيرة و أنانية بس الله ايربحك
ما تقعد كيفي و اتخرب حياتي
كمال ضحك ضحكة لا حول ولا قوة الا بالله
سمر: مستعده أندير أي شي تبيه واللهي أي شي تطلبه
مني مستعده أنديره أهم شي ما اتقول الــ محمد حاجه
كمال سكت أشوية و بدها
كمال: أي شي أي شي
سمر: أي شي واللهي يالي تبيه حاضر أنت اطلع أمعايا
و ما ايسر خاطرك الا الطيب
كمال قعد ساكت و ايشوفلها
سمر: هيا تعال
و طلعت سمر و طلع امعاها كمال وقفو تحكسي
و عدو شور الجنينه
..............
عند محمد
بعد طلعت سمر قعد امقعمز فــ المربوعه و ايفكر كيف ح ايدير
و كيف ح يصرف صح محمد و سمر كان بيناتهم مشاكل واجد
لكن مهما كانت سمر مراته و أم أولده و ما يقدر ايفرط بيها
و قعد محمد ايفكر أشوية و بعدين صبى طلع ولع سيارته و عدى
...............
عند بسمه
تفقدت محمد لقاته مش قاعد عدت ولعت الــ tv و قعمزت
اتفرج بعد أشوية سمعت الباب يالي تحت ايدق صبت لبسة
وِشاحها و فتحت باب الشقة و نزلت تحت مشت شور الباب
و فتحاته قابلوها خوتها حمزة و وائل
بسمه بعد شافتهم انجمدت و أقريب ماتت
وائل و حمزة اقعدو يضاحكو
وائل يضحك: ماشالله ماشالله شفت أختك يا حمزة مسرع
ما خذت ع العز
حمزة يضحك: مش غير
وائل: خش خش حوش أختنا مش غريب
و خشو وائل و حمزة
بسمه امصبيه و خايفه منهم و بذات أنها ابـ روحها فـ الحوش
و محمد مش قاعد
وائل برم شافلها: كيف مافيش تفضلو
بسمه ابـ صوت يرعش: اااااااا تفضلو تفضلو
خشو وائل و حمزة و في جرتهم بسمه
بسمه: تفضلو للمربوعه
حمزة: كيف إنتِ ساكته هنا
بسمه: لالا فوق فـ الشقة
حمزة: معناها ركبينه فوق عليش حطيتنه هنا
بسمه زمطت ريقها: باهي تفضلو من هنا
و ركبو خوت بسمه وهي ركبت وراهم و كلها ترعش
مع بعضها
...............
عند سمر و كمال
وصلو للــ جنينه دفعو افلوس الأجره و نزلو خشو
و قعمزو ع المقاعد
كمال: باهي
سمر زمطت ريقها: شنو
كمال: احكيلي علي شن كنتي امخططه معنى الموضوع قاعد
واضحك لكن أنا نبي نسمعها منك إنتِ
سمر: شن نحكيلك يعني
كمال: خطتك يالي فشلت نبيك تحكيها ليا من الأول
سمر: باه تمام
و بدت سمر تحكِ الــ كمال علي خطتها و كيف فشلت
و جت علي راسها
كمال: يعني انقلب السحر على الساحر
سمر ساكته و أعيونها فــ الأرض
كمال: المهم
سمر بحتت فيه
كمال: ح أنقولك كلمتين ولازم اتفذيهن لو لعبتي
امعايا المره هذي و نقسم بالله أن نمشي الــ محمد
و نحكيله
كل حاجه و إنتِ عارفه شن نقصد
سمر: باهي تمام قول و أنا ح أنفذ
كمال: ..........
سمر😱
..............
عند محمد
برم أشوية بــ السيارة و بعدين عدى للكفي خذى قهوه
و عدى شور البحر درس سيارته و فتح الرواش و قعد
يشرب في قهوه و مسترخي مع بنة البحر
.............
عند بسمه
خشت هي و خوتها للشقه استقبلهه فـ صاله
و قعمزو ع كنبة
بسمه: تشربو حاجه
حمزة: شن رايك إنتِ
بسمه: تمام
وجت بسمه تبي تبرم
وائل: لالا تعالي ما اديري شي نحن مستعجلين
بسمه ردت صبت
وائل غمز لِـ حمزه يعني احكِ
حمزة: كيف انسيتي أن عندك خوت
بسمه ترعش: لا ولو أنتم خوتي
حمزة: و دبينا خوتك عليش معش اتجيبيلنا فــ أفلوس
بسمه انصدمت من كلامهم و اقعدت ساكته
حمزة: اليومين هذين ادبريلنا 50 فهمتي
بسمه: 50 أجنية
وائل و حمزة بحتو في بعضهم و اقعدو يضاحكو
حمزة: ألف , 50 ألف
بسمه😳
حمزة: إنتِ توا مرات دكتور معروف يعني 50 ألف
عندك كأنهن ربع أجنيه
وائل و حمزة صبو
حمزة: بكره أنجو لقو الفلوس وتيات يا أما إنتِ عارفة
شن ح ايصير
و عدو حمزة و وائل شور الباب فتحوه و نزلو
بسمه قعمزت ع كنبه و هي في حالة صدمةة و مش امصدقه يالي صار و يالي كان قالقها أنها كيف أدبر كل
هــ المبلغ
.............
انردو عند سمر و كمال
سمر مصدومه😳: كمال أنت فيش تحكِ
كمال: كيف ما سمعتي بكره الصبح تمشي عند محمد
و تحكيله يالي درتيه كلا و كل يالي خططتيله
و اطلعينيمن الموضوع , يعني ح اتقوليله أن كمال
و بسمه ما كان الهم دخل فــ الموضوع أنا يالي خططت
و خليتهم هما الأثنين يمشو للشقة بدون ما يعلمو
سمر مصدومه😳: بس كيف ح انقولها لاه و شن ح انقوله
كمال صبى: واللهي هذي حاجه اتخصك تبي اتقوليله سمعت كماليبي يمشي للشقه عشان اينظفها خططت اندزله بسمه ولا سمعتكمال يبي ايجيب دار النوم
دزيتله بسمه المهم أنا مش شوريإنتِ ديري جوك
و عدي قولي كل شي الــ محمد عندك يومين
يا تحكِ الــ محمد يا واللهي العظيم و جلالة الخالق نمشيله و نقوله كل حاجه و اتريحي فيها بكلك و تنسي محمد و تمسحيه من ذاكرتك و تنسي أنك اترديله و إنتِ أكثر وحده عارفه محمدلو علم بــ يالي كان بينا مستحيل ايردك ولو اتموتي هذا كانما قتلكش
يعني , هيا سلام
و برم كمال و عدى أما سمر اقعدت امقعمزة
و مصدوووومهبكل و بعد أشوية صبت و ردت الحوشهم
..............
عدى الوقت
سمر روحت و هلها ما فطنو بــ أغيابها و كل وقتها كانت
اتفكر شن ح ادير و كيف ح تحكِ الــ محمد
أما بسمه طول الليل اتفكر شن ح ادير و امنين اتجيب
لفلوس الـ خوتها لأن المبلغ مش أشوية
أما كمال عدى شور الشباب أصاحبه و قعد طول الليل ساهر أمعاهم
محمد كمل الليل ع البحر نين خذاه نوم و رقد في سيارته
..............
صباح يوم جديد
تحديداً عند سمر
بعد فكرت طول الليل ناضت خذت فونها
و سكرت علي روحها باب الدار و فتحت فونها
و كتبت رقمو رنة
سمر: أيوا
......... : ألو
سمر: سمر مرات محمد
.......... : ههههههه عارفك هو في حد ينسى صوتك
سمر: نبي أنشوفك ضروري
........... : كنك شن في
سمر: نبيك في خدمه
........... : مافيش خدمه بــ بلاش يا سمحة
سمر: يالي تبيها تاخذها
............ : أوكي تمام
سمر: وين أنشوفك توا
........... : تعالي فــ الكفيتيريا يالي في ##$%
سمر: خلاص نص ساعه و نقعد عندك
و سكرت سمر و عدت غسلت وجها و لبست دبشها
سمر امصبيه ع المرايه و تلبس في وِشاحها
سمر: أنت يالي خليتني نوصل للمرحله هذي يا كمال أنت يالي
اظطريتني اندير هكِ
و طلعت سمر قالت الأختها أنها طالعه نص ساعه و راده و أنها اتغطي
عليها و طلعت سمر خذت تكسي و عدت شور الكفيتيريا بعد أشوية وصلت
نزلت وخشت قعمزت و اقعدت ترجى
..............
عند خوت بسمه
حمزة اينادي: وائل يا وائل
وائل طلع من الدار يلبس في سوريته
وائل: ايوا
حمزة: هيا نمشو الـ بسمه ناخذو منها الفلوس
وائل: لالا عديلها أنت أنا عندي مشوار
حمزة: باهي تمام
و عدى حمزة طلع شور شقة بسمه و وائل كمل
لبسة طلع من الحوش و عدى
..............
عند سمر
كانت ترجى بعد أشوية جا شورها ...
سمر بعد شفاته ابتسمت
وائل كر الكرسي و قعمز
وائل: مرحبا
سمر مبتسمه: مرحبتين
وائل: كنك شن عندك
سمر: بدون مقدمات نبيك في خدمه ضرورية و سريه
و مانبيش حد يعرف بيها
وائل: ولو نحن فـ الخدمة و السريه شورنا
سمر قربت شوره و ابــ صوت واطي: نبيك تقتل كمال
خو محمد
وائل😳
سمر😏
.
.
.
.
.
يتبع...
مش ح أنقول ولا توقع لأن أحداث الحلقة الجاية
مش طبيعية بكل↗️↗️🔥🔥
أنتظروني
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥
أودي الفرجاني💚
