اسفه علي التاخير بس النت وحش خالص 💜
صلو على النبي محمد 🌺
محبوب مجنون 10.... الاخيره
فضلت نايمه لحد ما وصلنا بالسلامه واول ما الطياره هبطت لقيت زياد بيصحيني وبيقولي هنروح فين دلوقتي
قولتله: ع بيت بباك
اتصدم وقالي ده اخر شخص ممكن اروحله انتي اتهبلتي
قولتله: مش واخد بالك انك خدت عليا اوي
قالي: انا مبهزرش دلوقتي
قولتله: يعم وديني بس لابوك وانا هقنعه واخليه يحل عنك كمان اديني الثقه
فضل معارض كتير لحد مقولتله: والله لو مش ودتني لابوك لاروحله انا بنفسي وانت عارفني مجنونه
بعد جدال كتير ورغي وعناد وافق انه يوديني
وطبعا انا متقاومش في الاقناع
روحنا بيت والده كان ساكن ف فيله كبيره اوي وجميله اوي اتصدمت لما شوفتها بس بقي عادي بالنسبالي لان من ساعه ما زياد دخل حياتي وانا حياتي اتشقلبت خالص
دخلنا الفيله والخادم قالنا ان الوالد في مكتبه قولت لزياد خليك هنا وانا هروحله انا بنفسي وشمرت كم ايدي وقولت استعنا ع الشئه بالله يا انا يا انت انهارده
لقيت زياد بيقولي: هتعملي اي يمتخلفه ده ابويا برضه
قولتله: اسكت عشان انا متقمصه الشخصيه ومش عاوزه مقاطعه
فسيبته ودخلت المكتب وهو كان مديني ضهره فلما اتكلمت لف وشه وانا فضلت اتكلم كلام كتير ورغي كتير وهو ساكت وبيسمعني بس
بعد مخلصت كلام لقيته نده لابنه بصوت عالي
فدخل زياد وهو مخضوض وقال: في اي اي اللي حصل
رد ابوه: انت بتحبها صح
قاله: اه من كل قلبي
بصيتله وابتسمت وخجلت شويه
فلقيت ابوه بيقوله: انا موافق تتجوزها ومش هضغط عليك تاني بس بشرط
رد زياد: اي هو
قاله: انك تشيلها من قدامي وتخليها تبطل كلام عشان مفجرش راسها دلوقتي
قومت انا وبكل تلقائية زغرطت زغروطه بنت حلال
لقيت زياد لطم ع خده وقالي: تعالي يبت المجنونه هتموتينا هنا
قولتله مفيش كلام يلا بينا ع شقه اهلي
قالي: انعي بالظبط
افتكرت اللي حصل وزعلت بس قولتله: اليي ربوني
وخدته وفضلنا ماشين لحد مروحنا عند امي وابويا اللي ربوني
اول مخبطت لقيت ابويا فتح الباب واةل ما شافني خدني بالحضن وفضل يعيط ويقولي انا اسف سامحيني انا غلطت ف حقك وكلام كتير كده
فقولتله: انا مسمحاك من زمان يبابا وبحبك علي فكره وحبي ليك منقصش ولا فيمتو سنتي حتي
فضل يحضني ويعيط وكده
فقولتله: امال فين ماما
قالي في اوضتها جوه
قولتله: هدخلها
وانا رايحالها افتكرت كل كلمه قالتهالي وعيني دمعت بس مسحت الدمعه بسرعه وفتحت عليها الباب جامد وخضتها
لقيتها اول ماشفتني فضلت تعيط وحضنتي وقالتلي السفه ودموع دموع دموع
المهم خلص الجو الحزين ده وقولتلهم اني هتجوز من زياد اخر الشهر ولقيت زياد اتصدم وبرق كده بس ضحك في نفس الوقت وكنا كلنا فرحانين وقولتلهم هما هيفضلو اهلي برضه وهودهم ويودوني وكده
ونزلت من عندهم وروحت عند امي منه وحماده
خبطت ع الباب وفتحتلي ماما منه وفضلت تحضني وتبوس فيا وحجات كتير كده ودخلت انا وزياد ولقيت حماده كان متجبس ونايم ع السرير ومش قادر يتحرك فضلت اهزر معاه وزياد كان هيولع من الغيره
وقولتلهم اني هتجوز زياد اخر الشهر في الاول اتصدمو بس لما حكيتلهم اني بحبه وهو بيحبني وافقو وقضينا اليوم كله ضحك وفرح وزياد روح بيته
بعد مصالحته ع بباه والحياه بقت حلوه اوي
وجه اخر الشهر معاد كتب كتبانا وفرحنا
كنت لابسه فستان ابيض طويل وجميل وكانت الفرحه بتتنطط ف عيني وطنت بدعي ربنا ان اليوم يكمل ع خير والحمد لله خلص ع خير وكانت احلي لحظه لحظه ما الماذون قال بارك الله لكما وبارك عليكما وجمع بينكما في خير
لقيت زياد نط وحضني ومره واحده وكنت فرحانه اكتر منه والله
وها احنا دلوقتي بقالنا سنتين متجوزين وخلفنا سجده وساجد تؤم بس عسلات خالص
وعقبالكم يا حلوين انتو كمان
💜💜💜💜💜💜💜💜💜
كده الاسكريبت ده خلص وباذن الله نبدا ف قصه جديده بكره باذن الله
أنت تقرأ
اسكريبتات
Short Storyاسكريبتات بأشكال مختلفه وبكل انواع الحالات دراما وحزن وكوميديا وكل حاجه هتلقوها باذن الله
