صلو على محمد 🌺
محبوب مجنون 7....
اول مخرجت الرصاصه من مسدس زياد صرخت بعلو صوتي وقولت لاااا
ومحستش بنفسي خالص غير لما فوقت من جديد وانا ف مكان اول مره اشوفه بيت غريب وفرش غريب
صحيت لقيت نفسي نايمه ع سرير ومتغطيه ومنظر اول مره اشوفه
قومت من ع السرير وقولت اخرج اشوف انا فين لقيت نفسي ف مكان كله زرع وخضرا ومفيش حد غيري خالص زي ما اكون ع جزيره لوحدي ففتحت باب الشقه اللي انا فيها لقيت بحر قدامي وميته صافيه خالص
قولت : اي ده هيا الرصاصه جت فيا اي اكونش موت ودخلت الجنه.
بس لا الجنه مش فيها شمس الحمد لله انا لسه ع قيد الحياه
بس بعيدا عن كل حاجه انا فين واي اللي جابني هنا
لقيت صوت جاي من ورايا وبيقولي: انا عارف ان اعصابك اليومين دول بايظه عشان كده جيبتك ع الجزيره دي
وما كان هذا الشخص الا زياد
بصيتله بقرف وقولتله: هو انت انا نفسي اعرف لي بتعمل فيا كده ولي خطفتني ولي ضربت حماده بالرصاصه وكنت عارف حقيقه كل حاجه ومخبيها عني وكنت عاوز تنتقم من حماده وانت عارف انه قريبي
لسه بكمل كلام لقيته حط ايده ع فمي وقالي: اي انتي بالعه راديو اهدي شويه يماما خليني اشرحلك
هزيت راسي بمعني موافقه
شال ايده وقالي انا عملت كل ده عشان بحبك وبحبك من زمان كمان
سقفت بايدي وقولتله بتريقه: بتحبني بتحبني ازاي واللي بيحب حد بيعمل فيه كل اللي عملته ده حب اي يا ابو حب... حب ايه اللي انت جاي تقول عليه
قالي: والله لو ما سكتي لهعرفك تسكتي ازاي
لسه هردحله واقوله تسكت مين يعمر لقيته زقني ووقعني في البحر
وانا بطبيعتي مبعرفش اعوم وبغرق ف شبر ميه زي مبيقولو
لقيته بيقولي: عارف انك مش بتعرفي تعومي وعارف انك هتغرقي لو سيبتك فهتسكتي ولا لا
قولتله: هسكت هسكت والله بس طلعني من هنا
لقيته مد ايده عشان يطلعني وفعلن خرجت وكنت مكسوفه جدا عشان الميه خلت الهدوم تلزق ع جسمي
فبصيتله وقولتله: لو سمحت بص الناحيه التانيه وياريت تجيب حاجه اتغطي بيها مش ينفع كده
لقيته رفع حاجبه وشدني من ايدي ودخلني جوه وفتح الدولاب وسابني في الاوضه وخرج
بصيت ف الدولاب لقيت في هدوم كتير اوي وكلها محترمه ومحتشمه
غيرت هدومي وخرجت وقولتله: عاوزه افهم كل حاجه
قالي حلو تعالي احكيلك: انا بحبك من اول يوم روحت فيه الجامعه لفتني ادبك وهدؤك بس كنت مكسوف اكلمك وخايف من رده فعلك ولما شوفتك ضربتي حماده روحت كلمته بعد ما مشيتي ولقيته بيقولي انه بيحبك وكان بيرخم عليكي بس انا متحملتش الكلام وكملت عليه ضرب وقولتله انك ليا ومينفعش حد ياخدك مني ولما لقيتك قاعده مع احمد ف الكافيه روحت سخنت حماده عشان يستفزك واديته الخنجر عشان يخلص ع احمد وهو ما سدق ماشاء وعمل اللي قولته بالظبط ولما روحت عشان اكلمه لقيته حكالي كل حاجه وقالي انك بنت اخته وان حبه ليكي طبيعي ومش هينفع يكون بينكو حاجه فرحت ومع ذلك كملتلك خطتك عشان متحسيش بحاجه بس لما مشيتي من المخزن قالي انه هيبعدك عني ومش هيخليكي تكوني ليا عشان كده ضربته بالرصاصه بس حظه ان الحكومه جت ونجدته مني ومتخافيش الطلقه مجتش فيه بس عورته
قولتله: وهو لي هيقولك كده
قالي: عشان انا ابويا تاجر مخدرات وسلاح بس انا مليش فيه انا مش ليا زنب
قولتله: طب رجعني عشان اشوف عيلتي
قالي: مستحيل يا انا يا هما انا مستحملش اشوف ولد بيكلمك
قولتله: طب رجعني وهشوفلك حل ف الحوار ده
لقيته رفض وسابني ومشي ومن جوايا فرحت عشان لقيت حد بيحبني الحب ده وبيخاف عليا كده بس قولت لا اول ما ارجع هتحامي ف احمد وحماده وهخلص منه ده مجنون وشوه سمعتي
دخلت الاوضه بتاعتي تاني وقعدت ع السرير وانا بفكر في اللي هيحصل
وفجأة سمعت صوت ضرب نار جامد بره ولقيت زياد دخل الاوضه وشدني من ايدي وزعق وقالي يلا بسرعه قبل منموت هنا اخلصي وخدني و...........
يا تري اي اللي هيحصل. هنعرف بكره باذن الله ♥💜🌚
أنت تقرأ
اسكريبتات
Short Storyاسكريبتات بأشكال مختلفه وبكل انواع الحالات دراما وحزن وكوميديا وكل حاجه هتلقوها باذن الله
