انا انتِ لـ/ سلمى طارق

الجزء السابع

فتحت منار عينيها بوهن وبدأت تبكى اقتربت والدتها ومسحت على رأسها بحنان وقالت : مالك يامنار ؟.. طمنينى عليكى يابنتى؟

تنهدت منار بقوة وقلبها يرتجف خوفا من أن تفضح سمية علاقتها بعمر .. نظرت ل والدتها وقالت : إتخانقت مع سمية ياماما!

-ليه يابنتي ايه اللى حصل ؟!!.. ماكنتوا زى السمن ع الغسل من شويه؟

-اهو حصل اللى حصل بقى ياماما

دلف والدها وقال بابتسامة : أحسن برضه أنا مبحبهاش وربنا يسامحنى

نظرت لوالديها الذى خانت ثقته بها بكسرة وطأطأت رأسها خجلاً من فعلتها .. اقترب منها ومسح على رأسها وقد أحس من كسرتها أن لموضوع عمر دخل فى الأمر .. ابتسم وقال لها : انتى عملتى الصح لما اتخانقتى معاها بس متتعوديش على كدا ياختى .. ومش عايزك تصالحيها ولا ترجعى تكلميها أبداً .. خليكي مع هدير .. بنت كويسة ومحترمة وبتحبك أووى !

قالت بصوت مختنق :بس هدير بعيدة أووى يابابا !.. ومش بتيجى هنا كتير !.. وأنا مش عايزة أبقى لوحدى !

-انتي مش لوحدك .. انا معاكى وامك معاكى .. ومعاكي أهم وأغلى حد.. ربنا .. ربنا اللي قادر يرجعهالك زي مابعدكوا عن بعض

-يعنى أبقى لوحدى يابابا لحد ما ربنا يرجعه إلى .. دا ان رجعت اصلا!!

-((وإٍن تطعْ أكثرَ مَن فٍي الأرضِ يضلوكَ عَن سبيلِ اللَّهِ)).. يعني أكثر اللي حواليك هيضلوكي .. تحبي تبقى ضالة ومعاكي ناس كتيرة تتخلى عنك في أقل موقف .. ولا تبقى حفيدة النبي ومعاكي ربنا وصفوة من الناس هو هيخترهالك بعنايه ان شاء اﷲ

هدأت منار قليلا من كلماته ونظرت له وقالت : مرحبا تفتكر ربنا هيسامحنى على كل إلى فات ؟
-أيوا طبعا .. ((إنَّ اللَّهَ لاَ يغفرُ أَن يشركَ بهِ ويغفرُ مَا دونَ ذلكَ)). دا كلام ربنا مش كلامى .. يعنى تقدرى افتحى معاه صفحه جديدة وتقوى الرابط اللى بينك وبينه وهو العبادة .. حبيها يامنار .. عشان هى اللى بنت اصلي بيها مع اللى بتحبيه

-أنا بحبك أووى يابابا

احتضنها وقال :وأنا كمان بحبك أووى يامنار .. ،ارتمت بين ذراعيه كالأطفال فى حضن عائلى حنون جمع العائلة بأسرها

           ****

دخل نور منزله وابتسم حين رأى عمته عزة واقترب منها وقبل يدها وقال ببسمة :إزيك ياعمتو وحشانى وﷲ

قبلته بحرارة وقالت: واللّٰه ليك وحشة يابن الغالى .. عامل إيه؟

رد ببسمة :الحمدللّٰه تمام ياعمتو

قالت ببسمة :مش تسلم على نسمة ؟

لاحظ نور وجود ابنة عمته بجواره قال ببسمة ووجه بالأرض : ازيك يانسمة عاملة ايه ؟..

ردت ببسمة :تمام يانور الحمدللّٰه وانت؟
-الحمدللّٰه .. عن اذنكم ياجماعه جاى من برا هلكان منمتش من انبارح .. بعد اذنكم !