ခေါင်းတလားကြီးထဲမှာ မင်းနဲ့ငါ [ဘာသာပြန်]

Chapter 41

{Unicode}

"ဒါက မိုဘိုင်းဖုန်း၊ မိုင်ပေါင်းထောင်ချီဝေးတဲ့လူတွေနဲ့ ဆက်သွယ်ဖို့ ပြီးတော့ takeoutမှာဖို့အတွက်လည်း သုံးလို့ရတယ်၊ ဪ ဟုတ်သား 'takeout'ဆိုတာ ရှင့်အတွက် တစ်ယောက်ယောက်က စားစရာယူလာပေးတာမျိုးပေါ့..."

"ဒါတွေက အိမ်အသုံးအဆောင်တွေကို သုံးစွဲနည်းအညွှန်း၊ mallကနေလည်း ကလေးစာအုပ်တွေအများကြီး ဝယ်လာခဲ့သေးတယ်... ရှင်တို့ အဲ့တာတွေလိုမယ်လို့ ထင်တာပဲ၊ ဒါက တရုတ်စာလုံး ၁၀၀ရဲ့ ပိုစတာ၊ ရှင်တို့ ခေတ်သစ်တရုတ်ဘာသာစကားကို နားလည်နိုင်မှာတော့ မဟုတ်လောက်ဘူး ရှင်..."

"ဒီမှာက ရှောင်လျို့နဲ့ ကျွန်မ ဝယ်လာတဲ့ အဝတ်အစားတွေ၊ ဒါတွေက စည်သွပ်ထားတဲ့ စားစရာနဲ့ သရေစာတွေ"

"အိုး ဟုတ်သားပဲ၊ ဒီကဒ်လည် ရှိသေးတယ်! ကျွန်မနာမည်အောက်မှာရှိတာ အထဲမှာ ယွမ်သန်းဝက်လောက်ရှိတယ်... လျောင်ယွဲ့နဲ့ ယှဉ်မယ်ဆိုရင် ရေပုံးထဲက ရေစက်တစ်စက်စာလောက်ပဲ ရှိတယ်ဆိုတာ သိပေမယ့် အရင်ဆုံး ဒါလေးပဲ ယူထားတာပေါ့၊ pinက..."

လိန်းကျဲ့က ဝမ်ရှောင်းမျယ်ကို အိမ်အသုံးအဆောင်ပစ္စည်းတွေအကြောင်း ကြင်ကြင်နာနာ စိတ်ရှည်လက်ရှည်နဲ့ သင်ပြပေးနေတုန်း ရှောင်လျို့ကတော့ ဝမ်ဖုန်းကျင်ကို TV၊ ရေခဲသေတ္တာ၊ အဝတ်လျှော်စက် စသည့်ပစ္စည်းတွေကို ဘယ်လိုသုံးရမယ်ဆိုတာ လိုက်ပြပေးနေရတယ်။

ဝမ်ဖုန်းကျင်က မျက်လွှာကို တစ်ဝက်လောက်ချထားကာ လက်ကိုပိုက်ထားပြီး စိတ်မဝင်စားစွာ လျစ်လျူရှုထားတယ်။

ဒါပေါ့ ရှင်းပြပေးတာက ဝမ်ရှောင်းမျယ်သာဆိုရင် သူ့ကိုတိုးဝှေ့ဖက်ထားပြီး ဒီလိုထူးဆန်းတဲ့ပစ္စည်းတွေအကြောင်းကို ပျော်ပျော်ကြီးနားထောင်ပေးအုံးမှာ။

ဒါပေမယ့် အခုကျတော့?

အနက်ရောင်သခင်ကြီးက ချွေးပြန်နေတဲ့ရှောင်လျို့ကို စိုက်ကြည့်နေတာကြောင့် သူ့ရှင်းပြချက်တွေက လုံလုံလောက်လောက် မကောင်းဘူးလို့ထင်သွားပြီး တစ်ခုလုံးကို ပြန်ရှင်းပြတော့တယ်။

ဝမ်ဖုန်းကျင် : 'ဟမ့်'

ရှောင်လျို့ : '... သူက ငါ့ကို အထင်သေးနေတာလား? အဟင့်! အဲ့လိုပဲနေမှာ!'